1 LALHAI 11:1 - Pathien Lekhabu Inthieng (BSI)

¹ Solomon chun Pharao naunu chau naw khawm hnam dang nuhmei tamtak Moab mi dâm, Ammon mi dâm, Edom mi dâm, Zidon mi dâm, Hit mi nuhmeihai dâm chu a hmangai a;

1 LALHAI 11:1 ပူးပေါင်းရင်းမြစ်များ

1 LALHAI 11:8

Chuong ang bawk chun hnam dang a nuhmeihai po po an pathien kuoma inthâwia riminhnik raw hlakhai ta ding khawma a siempêk a.

1 LALHAI 14:21

Chun, Solomon naupa Rehoboam chu Judai ramah ân lal a. An lal tîr lai chun Rehoboam chu kum sâwmli le kum khat mi a na, Lalpain a hming inumtirna dinga Israel hnam po pohai laia a thlang khawpui Jerusalema chun kum sâwm le kum sari ân lal a; a nu hming chu Naama, Ammon mi a nih.

1 LALHAI 14:31

Chun, Rehoboam chu a puhai kuomah a in ta a, David khawpuia a puhai kuoma chun an phûm ta a; a nu hming chu Naama, Ammon mi a nih. Chun, a naupa Abijam chu ama aiawin ân lal ta a.

1 LALHAI 16:31

Chun, Nebat naupa Jeroboam suolna ang thaw ve dâm chu ienga khawm ngailo ni âwmtakin, Zidon mihai lal Ethbaal naunu Jezebel nuhmeiah a nei a; Baal rawng dâm bâwlsanin a biek ve ta el a.

1 LALHAI 3:1

Chun, Solomon chun Aigupta lal Pharao le inkungkeina a siem a, Pharao naunu a nei a, ama in le Lalpa in a bâwl hma le, Jerusalem khuo kula ân huol vêl hmakhat chun David khawpuia chun ân umtir a.

EZRA 10:44

Hienghai po po hin hmêlmak nuhmei chu an lo nei ta a; ṭhenkhat lem chun an nuhmeihaia chun nauhai dâm an lo nei hiel ta a.

EZRA 9:1

Hieng thilhai hi thaw a ni zo chun, mi ṭhahai chu ka kuomah an hung a, “Israel mipuihai le thiempuhai le Levi mihai hi hieng a rama um Kanaan mihai, Hit mihai, Periz mihai, Jebus mihai, Ammon mihai, Moab mihai, Aigupta mihai le Amor mihaia inthawk hin insiekieng lovin, an tirdakumnahai chu an thaw ve zing el a nih.

EZRA 9:2

An naupasalhai le annihai ta ding ngei khawma an naunuhmeihai an nei si a; chuongchun, chi inthieng chu annia hin hieng rama mihai le hin ân chawkpawl ta a; anih, hi bawsietnaa hin mi ṭhahai le rorêltuhai hi a hmaṭhuoi an ni nghe nghe a nih,” an ta.

FESUOKNA 34:16

An naunuhmeihai chu i naupasalhai inneitir i ta, an naunuhmeihai chun an pathienhai hnawta an inzawr phain, i naupasalhai chu an pathienhai leh inuiretir rawi an tih.

THUVARHAI 2:16

Hmêlmak nuhmeia inthawka sansuok ding chein, A bâuthluma zaihlêmtu che, ram dang mi ngeia inthawk chun;

THUVARHAI 22:14

Hmêlmak nuhmei bau chu khur inthûktak a na, Lalpain a chunga lunginsenna a nei chu chutaka chun tlâng a tih.

THUVARHAI 23:33

I mithai chun thilmakhai chu hmûng a ta, I lungril chun thil chapohai chu hril suok a tih.

THUVARHAI 31:3

Nuhmeihai kuoma chun i hrâtna pe naw la, Lalhai sukbohmang hlaktu kuoma chun i lampuihai pe bawk naw rawh.

THUVARHAI 6:24

Nuhmei rilova inthawka hum ding chein le, Hmêlmak baua inpâk tehlêmnaa inthawka vêng ding chein.

THUVARHAI 7:5

Hmêlmak nuhmeia inthawka an kawl theina ding chein, Hmêlmak a thuhaia zaihlêmtu chea inthawk chun.

LEVI DÂN 18:18

I nuhmei zuorpuinu saruokna i hlîm ding a ni nawh, a saruokna chu hlîm dingin i nuhmei dam sûng chun i nei kawp ding a ni nawh.

DÂN PAHNINA 17:17

Chuong naw chun a lungril invâkhmang rawi a tih. Nuhmei khawm a hau ding a ni naw a, tangka le rângkachak khawm a hau bawk ding a ni nawh.