1 LALHAI 10:9 - Pathien Lekhabu Inthieng (BSI)

⁹ Lalpa i Pathien, i chunga lâwm êm êm, Israelhai lalṭhungphaa inṭhungtirtu che hi inpâkin um raw se; Lalpain kumkhuoin Israelhai hi a hmangai a, chuleiin, feltaka ro rêl dingin lalah a siem che a ni hi,” a ta.

1 LALHAI 10:9 ပူးပေါင်းရင်းမြစ်များ

2 SAMUEL 23:3

Israelhai Pathien chun a hril a, Israelhai lungpui chun: ‘Mi chunga feltaka rorêl hlaka, Pathien ṭi puma rorêl hlak chu,

2 SAMUEL 5:12

Chun, David chun Lalpain Israelhai chungah lalah ama chu a sukdet a, a mi Israelhai leiin a ram chu a chawimawi a nih ti a hriet ta a.

2 SAMUEL 8:15

Chuongchun, David chun Israel mi po pohai chungah ro a rêl a; chun, David chun a mihai po po chunga chun feltakin ro a rêl a.

1 LALHAI 3:28

Chun, Israelhai po po chun chu thua lal rorêl dân chu an lo hriet a; lal chu an ṭi ta hle el a; rorêlna dinga Pathien varna amaa chun a um ti an hriet ta si a.

1 LALHAI 5:7

Chun, Hiramin Solomon thu a lo hriet chun a lâwm ta êm êm el a, “Hieng mi tamtak chunga rorêl dinga naupa vartak David kuoma petu Lalpa chu vawisûn hin inpâkin um raw se,” a ta.

1 CHANCHIN SUINA 17:22

I mi Israelhai chu nangin i mihai ngei ni kumkhuo dingin i siem a; nang Lalpa chu an Pathien i ni si a.

2 CHANCHIN SUINA 2:11

Tura lal Huram chun ziekin a dawn a, chu chu Solomon kuomah a thawn a, “Lalpa chun a mihai a lunginsiet leiin an chunga lalah a siem che a nih,” tiin.

INPÂKNA HLABU 18:19

Ama chun hmun inthâwltakah a mi ṭhuoi suok a, Ka chungah a lâwm leiin a mi lo sanhim tah a nih.

INPÂKNA HLABU 22:8

“Lalpa chungah innghat ta la, ama chun ama hi sandam raw se chu! A chungah a lâwm leiin sanhim raw se chu,” an ti a.

INPÂKNA HLABU 72:2

I mihai chu felnain ro rêlpêk a ta, I mi rimsihai chu rorêlna felin ro rêlpêk a tih.

ISAI 42:1

Ka siehlaw, ka chel zing, ka ithlang, ka lungrilin a ilawm êm êm hi en ta u; a chungah ka thlarau ka sie tah: Jentailhai kuoma pêk dingin rorêlna thu la suok a tih.

ISAI 62:4

“Mâk,” ti nâwk ta naw ni hai che a, i ram khawm chu, “Sukrêm,” ti nâwk ta naw ni hai a: “Hephzibah” ti lem tâng an ti che a, i ram khawm chu “Beula” ti bawk an tih, Lalpa i chungah a lâwm si a, i ram khawmin pasal a nei ding a nih.

ISAI 9:6

Ei ta dingin naupang a hung pieng a, naupa pêkin ei um ta a; rorêlna chu a liengkoah chuong a ta, a hminga chun Remruottu Mak, Pathien Hrât, Chatuon Pa, Remna Lal an ti ding a ni si a.

ISAI 9:7

David lalṭhungpha chunga le a ram chungah a rorêlna pungzie le inremnain tâwpintai nei naw nih, sukdet ding le tuta inthawka chatuon chen khawma rorêlna le felnaa tungding dingin. Sipaihai Lalpa ṭhahnemngaina chun chuong chu thâwng a tih.

JEREMIA 31:3

Lalpa chu hlataka inthawkin a kuomah a hung inlâr a. Kumkhaw hmangaina chun ka hmangai che a, chuleiin, lunginsietna ngilneina chun ka hîp che a.

MALAKI 1:2

Lalpa chun, “Ka hmangai cheu a, nangni ruok chun, ‘Khaw lai am i mi hmangai a?’ in la ti rawp a,” a ta. Lalpa chun, “Esau chu Jakob unaupa a ni naw am a nih? Jakob chu ka hmangai a,

DÂN PAHNINA 7:8

Lalpain a hmangai cheu a, in pi le puhai kuoma ṭawng a lo inkhâm chu hlen a nuom leiin a nih, Lalpa kut hrâttakin suoka in umna Aigupta ram lal Pharao kuta inthawka ân tlan suok cheu chu.