1 LALHAI 10:7 - Pathien Lekhabu Inthieng (BSI)

⁷ Nisienlakhawm, keiin ka mit ngeia ka hung hmu hmakhat chun an hril chu ka lo awi naw a, chuongchun, ngai ta, a zâtve khawm an mi lo hril naw a nih, an hril ka lo hriet nêkin i varzie le i ṭhatzie a lo nasa hle lem a ni hi.

1 LALHAI 10:7 ပူးပေါင်းရင်းမြစ်များ

1 LALHAI 10:6

Chuongchun, lal kuoma chun, “I thilthawhai le i varzie hai, keia rama inthawka ka lo hriethai kha thuthang indik tak a lo ni ngei hi tie.

1 LALHAI 10:8

I mihai, hieng i siehlaw, i bula um rawpa i varna thu ngai zing zing hlakhai hi an va hamṭha de aw!

INPÂKNA HLABU 48:9

Aw Pathien, i biekin sûng rila chun, I ngilneizie hi kan ngaituo tah.

ISAI 64:4

Tienlaia inthawk tah mihaiin, nangma chau naw chu, anni nghâktuhai ta ding thawpêk hlaktu Pathien an hriet ngai si naw a, nain an hriet ngai naw a, mit khawma an hmu ngai bawk nawh.

ZEKARIA 9:17

A ṭhatna chu a va nasa lâwm lâwmin, a mawina chu a va nasa lâwm lâwm de aw! bu chun tlangvâlhai chu sukhlim a ta, uoin thar chun nunghâkhai chu sukhlim a tih.

MARKA 16:11

Nisienlakhawm, anni chun, a hring nâwk a, hmu khawm a hmu ti chu an hriet dea chu an awi si naw a.

1 KORINTH 2:9

“Mita hmu ngai naw le naa hriet ngai naw, Mihriem lungrila lût ngai naw, Pathienin ama hmangaituhai ta dinga A buotsai taphawt chu,” ti ziek ang lem khan.

1 JOHAN 3:2

Dittakhai, tuhin Pathien nauhai ei na, iengtin am ei um ding ti chu a lân lang hri naw a; ama a hung inlang pha chun ama angin ei um ding a nih ti chu ei hriet, ama chu a um pângngai angtakin ei hmu ding a ni si a.