1 LALHAI 1:5 - Pathien Lekhabu Inthieng (BSI)

⁵ Chun, Haggith naupa Adonija chu ama le ama inchawisângin, “Kei hi lal ka la ni ngei âwm hi maw, ” a ta, tawlailîr le sakawr chung chuong mihai, mi sâwmnga a hmaa tlân dinghai leh a buotsai a.

1 LALHAI 1:5 ပူးပေါင်းရင်းမြစ်များ

2 SAMUEL 15:1

Chuong thil hnunga chun Absalom chun tawlailîr le sakawrhai le mi sâwmnga a hmaa tlân dingin a buotsai a.

2 SAMUEL 3:4

Chun, a palina chu Adonija, Haggith naupa a nih, a pangana chu Sephatia, Abital naupa a nih;

1 LALHAI 1:11

Chuongchun, Nathan chun Solomon nu Bathseba kuoma chun, “Haggith naupa Adonija hi ei lalpa David hriet lovin ân lal el a ni ta hi ti i hriet naw am a nih?

1 LALHAI 1:4

Nunghâk chu a hmêl a ṭha hle el a, lal chu a enkawl a, a rawng a bâwlpêk hlak a; nisienlakhawm, lal chun a pâwl naw a.

1 LALHAI 2:13

Chun, Haggith naupa Adonija chu Bathseba Solomon nu kuomah a fe a, ama chun, “Ṭha tieng thua hung am i nih?” a lo ti a.

1 LALHAI 2:15

Chun, ama chun, “Ram hi ka ta a ni tah ti le, Israelhai po po khawm hin keima hi lal dingin an mi thlîr zing a nih ti i hriet a, amiruokchu, ram chu ka unaupa ta dingin a hung inlet ta lem a; Lalpa lo ruot dânah a ta a ni hrim a nih.

1 LALHAI 2:24

Chuongchun, Lalpa a thutiem anga mi sukdet a, ka pa lal David lalṭhungphaa mîn ṭhungtir a, sungkuo mi lo inngîrpêktu hringna sâlin ka hril hi, Adonija hi vawisûn le le hin sukhlum nghâl ding a nih,” a ti a; ṭawng ân khâm ta a.

1 CHANCHIN SUINA 28:5

chun, ka naupasalhai po laiah (Lalpa chun naupasal tamtak a mi pêk si a), Israel chunga Lalpa rama lalṭhungphaa ṭhung dingin ka naupa Solomon chu a thlang ta a.

1 CHANCHIN SUINA 29:1

Chun, lal David chun mipui inkhâwmhai po po kuoma chun, “Ka naupa Solomon Pathienin ama ngei a hung thlang hi, a la naupangin a la dâwng a, sin hlak chu a nasa hle a; a in chu mihriem ta ding ni lovin, Lalpa Pathien ta ding a ni si a.

1 CHANCHIN SUINA 3:2

a pathumna, Absalom, Gesur lal Talmai naunu Maaka naupa chu; a palina, Haggith naupa Adonija;

FESUOKNA 9:17

Ka mihai chunga hin nang le nang inchawimawiin, anni chu i lân fetir naw rawp ding a ni maw?

THUVARHAI 16:18

Chapona hi sietna hmaah a fe hlak a; Chun, lungril uong chu tlûkna hmaah.

THUVARHAI 18:12

Sietna hmaah mihriem lungril chu a uong hlak a, Inzâkaina hmaa chun inngaitlâwmna a fe zie.

ISAI 2:7

An ram chu tangka le rângkachakin a sip a, an sumhai chu tiem sêng ruol a ni bawk nawh; an ram chu sakawrin a sip a, an tawlailîrhai chu tiem sêng ruol an ni bawk nawh.

LUKA 14:11

Inngaihlu taphawt chu tlâwm an ta; inngaitlâwm chu chawimawiin um an tih,” a ta.

LUKA 18:14

Ka hril cheu hi, a hmasa nêkin ama lem chu thiem changin a inah a fe thla ta lem a. Inngaihlu taphawt tlâwm an ta, inngaitlâwm taphawt chu chawimawiin um an tih,” a ta.

RORELTUHAI 9:2

“Sekema mihai po po na hrietah thu hril unla, ‘Jerubbaal naupasal mi sâwmsarihaiin in chunga ro an rêl am ṭha lem in tih, mi pakhatin in chunga ro a rêl?’ ti ro khai; chun kei khawm in ru le in taksa ka nih ti hi hre zing bawk unla,” a ti a.