1 LALHAI 1:34 - Pathien Lekhabu Inthieng (BSI)

³⁴ chun, chutaka chun thiempu Zadok le zâwlnei Nathanin ama chu Israelhai po po chunga lal dingin hriek zu nâl raw hai se, chun, in tawtawrâwthai mût in ta, ‘Pathienin lal Solomon hi humhim raw se,’ ti ro.

1 LALHAI 1:34 ပူးပေါင်းရင်းမြစ်များ

2 SAMUEL 15:10

Nisienlakhawm, Absalom chun, “Tawtawrâwt ri in hriet phingleh, ‘Absalom chu Hebronah lal a nih,’ ti ro,” tiin Israel hnam po pohai lai mi a tir rûk ta hlau a.

2 SAMUEL 2:4

Chun, Juda rama mihai an va fe a, Juda mihai chunga lal dingin David chu hriek an nâl ta a. Chun, “Saula phûmtuhai chu Jabes-gilead mihai an nih,” tiin David chu an hril a.

2 SAMUEL 5:3

Chuongchun, Israel upahai po po chu Hebrona chun lal kuomah an va fe a; chun, lal David chun Hebrona chun Lalpa hmaah an kuomah thu a thlung a, chun, David chu Israelhai chunga lal dingin hriek an nâl a.

1 LALHAI 1:25

Vawisûn hin a fe thla a, ran châwm thâuhai, bâwngchalhai, berâmhai a that ṭeu a, lal naupahai po po le sipai hotuhai le, thiempu Abiathar hai dâm a fiel a, chun, ngai ta, an dâwnin an fâk tâwl a, ‘Pathien chun lal Adonija hi humhim raw se,’ an ti a nih.

1 LALHAI 1:35

Chuongchun, ama chu hung zui in ta, ka lalṭhungphaa hin a hung ṭhung ding a nih, ama hi ka aia lal ding a ni si a; chun, ama hi Israel ram le Juda ram lal dinga ka ruot a nih,” a ta.

1 LALHAI 1:39

Chun, thiempu Zadok chun Puon ina inthawkin hriek siena ki chu a lâk a, Solomon chu a nâl ta a. Chun, tawtawrâwt an mût a, chuongchun, mi po po chun, “Pathienin lal Solomon hi humhim raw se,” an ti a.

1 LALHAI 19:16

chun, Israel lal dingin Nimsi naupa Jehu chu hriek nâl bawk i tih; chun, nanga aiawa zâwlnei ni dingin Abelmehola khuoa mi Saphat naupa Elisa hriek nâl bawk i tih.

2 LALHAI 11:12

Chuongchun, lal naupa chu a hung ṭhuoi suok a, lallukhum ân khumtir a, inhriettirna thu chu a pêk a, lalah an siem a, hriek an nâl a; chun, an kut an ben a, “Pathienin laltak humhim raw se,” an ta.

2 LALHAI 11:14

chun, a hang en a, ngai ta, lal chu dân angin ban hrûla hin a lo ngîr a, sipai hotuhai le tawtawrâwt mûttuhai chu lal kâwlah an ngîr a; chun, chu rama mi po po chu an hlim êm êm a, tawtawrâwt dâm an mût an mût a. Chuongchun, Athalia chun a puonhai a keithlêr a, “Phier rûkna! Phier rûkna a ni tah ie,” tiin a khêk a.

2 LALHAI 9:13

Chuongchun, mi tinin an puon chu an hlîp hmawk hmawk a, kailâwn chunga chun an phapêk ta seng a, “Jehu chu lal a ni tah,” tiin tawtawrâwt an mût ta a.

2 LALHAI 9:3

Chuongchun, hriek bâwm hi la la, a lua chun buok la, ‘Lalpain hieng ang hin a tih; Israelhai chunga lal dingin hriek ka nâl che, tiin,’ ti rawh. Chuongchun, kawt hawng la, tlân suok el rawh, um sâwt lovin,” a ta.

2 LALHAI 9:6

Chun, a tho a, ina chun a lût a; chun, a lua chun hriek chu a buok a, a kuomah, “Lalpa, Israelhai Pathien chun hieng ang hin a tih, ‘Lalpa mipuihai, Israelhai chunga lal dingin hriek ka nâl che.

2 CHANCHIN SUINA 23:11

Chun, lal naupa chu an hung ṭhuoi suok a, lallukhum an inkhumtir a, thuinhriettir chu an pêk a; chuongchun, lalah an siem ta a; chun, Jehoiada le a naupasalhai chun ama chu hriek an nâl a, “Lal hi Pathienin sandam raw se,” an ti a.

INPÂKNA HLABU 45:7

Felna chu i ngaina a, rîtlona chu i theida kha; Chuleiin, Pathien, i Pathien chun i ruolhai nêka nasain, Hlimna hriek a nâl ta che hi.

INPÂKNA HLABU 89:20

Ka siehlaw David chu ka hmusuok a, Ka hriek inthieng chun ama chu ka nâl ta a.

INPÂKNA HLABU 89:36

A chithlahai chu kumkhuoin um an ta, A lalṭhungpha chu ka hmaah nisa angin um bawk a tih.

ISAI 45:1

Lalpa chun a hriek nâl, Kura, hnamhai chu a hmaa tukdawl ding le, lalhai kâwngkhi chu sûtpêk ding le, a hmaa kawtkhârhai hawngpêk ding le, kul kawtkhârhai khâr lova inumtirtu ding, a kut changtienga ka ichel kuoma chun hieng ang hin a tih,

THILTHAWHAI 10:38

Nazareth Isu chungchâng thu kha, khânga ama chu Pathienin Thlarau Inthieng le thilthawtheinaa a vurzie kha; ama chun mi chunga thawṭhain le diebol suknawmnat po po sukdamin a fang vêl hlak, Pathien a kuoma a um leiin.

1 SAMUEL 10:1

Chuongchun, Samuel chun hriek bâwm chu a hung lâk suok a, a lua chun a bur a, a fâwp a, “Lalpa chun a rochan hai chunga hotu dingin hriek a nâl che a ni naw am a nih? Lalpa mipuihai chungah ro rêl i ta, an vêla an hmêlmahai kuta inthawkin sandam i tih. Chun, hi hi Lalpain a rochanhai chunga hotu dingin a ruot che ti inchikna chu ning a tih.

1 SAMUEL 10:24

Chun, Samuel chun mi po po kuomah, “Lalpa mi ruot hi in hmu am? Mipuihai po po lai ama ang hrim hrim an um nawh,” a ta. Chun, mipuihai chu an khêk a, “Pathienin laltak chu humhim raw se,” an ta.

1 SAMUEL 16:3

Chun, inthâwinaa chun Jesai chu ko la; chun, i thaw ding chu hril ka ti che a; chun, a hming ka hril ding che chu hriek mi nâlpêk rawh,” a ta.