1 LALHAI 1:30 - Pathien Lekhabu Inthieng (BSI)

³⁰ i kuoma Israelhai Lalpa hming sâla, ‘I naupa Solomon hi ka hnunga chun lân lal ngei ngei a ta, keia aiah ka lalṭhungphaa hin a la ṭhung ding a nih,’ tia ṭawng kân khâm ang ngei khan, vawisûn ngei hin ka thaw ding a nih,” a ta.

1 LALHAI 1:30 ပူးပေါင်းရင်းမြစ်များ

1 LALHAI 1:13

Lal David kuoma chun va lût la, a kuomah, ‘Aw lalpa ka pu, i suoknu kuoma hin i naupa Solomon hi ka hnungah ân lal ngei ngei ding a na, ama hi ka lalṭhungphaa hin a la ṭhung ding a nih, ti khan ṭawng în khâm a ni naw am a ni kha? Iengdinga Adonija hi lala um el am a ni ta leh?’ va ti hrim ta.

1 LALHAI 1:17

Ama chun, “Ka lalpa, Lalpa i Pathien hming sâlin i suoknu kuoma hin, ‘I naupa Solomon hi ka hnungah ân lal ngei ngei ding a na, ama hi ka lalṭhungphaa hin a la ṭhung ding a nih,’ ti khan ṭawng în khâm ta a.

1 LALHAI 2:12

Chun, Solomon chu a pa David lalṭhungphaa chun a ṭhung a, chuongchun, a ram chu nasataka suknghetin a hung um ta a.

1 CHANCHIN SUINA 28:5

chun, ka naupasalhai po laiah (Lalpa chun naupasal tamtak a mi pêk si a), Israel chunga Lalpa rama lalṭhungphaa ṭhung dingin ka naupa Solomon chu a thlang ta a.

1 CHANCHIN SUINA 29:23

Solomon chu a pa David ai awin Lalpa lalṭhungphaa chun lalah a ṭhung ta a; ama chu a hung butlingin, Israel mi po pohai chun a thu an awi ta a.

1 CHANCHIN SUINA 29:28

Ama chu upatakin, tarkûnin, hausatak le inzaumtakin a thi ta a; chuongchun, a naupa Solomon chun ama aia chun ro a rêl ta a.

THUHRILTU 8:4

Lal thu chun thilthawtheina a nei leiin, tuin am a kuomah, “Ieng am i thaw a” ti thei a ta?