1 LALHAI 1:2 - Pathien Lekhabu Inthieng (BSI)

² Chuongchun, a siehlawhai chun a kuomah, “Ka lalpa lal ta ding hin nunghâk tleirawl zawng ei tiu khai, lal bula hin um zing sienla, enkawl raw se; chun, i ângsûnga hin hung zâl sienla, ka lalpa hi a lum thei ding a nih,” an ti a.

1 LALHAI 1:2 ပူးပေါင်းရင်းမြစ်များ

INṬANNA 16:5

Chun, Sarai chun Abram kuomah, “Ka thil tuor hi nangin a maw phur rawh: ka suoknu chu i pawm dingin ka pêk che a; chun ân rai ti ân hriet phingleh a mi hmusit el ta a; Lalpa chun kei le nanga thu hi ngaituo raw se,” a ti a.

2 SAMUEL 12:3

mi pasie ruok khan chu berâmte alâ chiterek pakhat ân châwk, a ivai pakhat bak naw chu iengkhawm a nei naw a, a kuoma a nauhai le khawsa an na, a thlêng awtpui le a no inṭâwmpui, a ângsûnga um, a naunuhmei ang chiea a ngai a nih.

1 LALHAI 1:1

Tûn lal David chu a kumhai a hung tam a, a hung tar ta hle a, chuongchun, puonhaiin ama chu an inkhum hlak a, nisienlakhawm, a lum thei chuong naw a.

1 LALHAI 1:3

Chuongchun, Israel ram sûng po poa chun nunghâk hmêlṭha an zawng ta a; Sunam mi Abisag chu an va hmu a, lal kuoma chun an hung ṭhuoi ta a.

2 CHANCHIN SUINA 29:11

Ka naupasalhai, tuhin ngaitha naw ro; riminhnikhai raw a, a rawngbâwltuhai nia, ama rawngbâwl ding le, a hmaa ngîr dingin Lalpa chun a thlang ta si cheu a,” tiin.

ESTHER 2:2

Chun, lal siehlaw ama rawngbâwltu chun thurawt a siem a, “Lal ta ding hin nunghâk tleirawl hmêl ṭhahai zawng ni raw se.

THUHRILTU 4:11

Chunawa khawm mi pahni zâl hmunkhat chu an insuklum a; pakhat chau ruok chu iengtin am insuklum a ta?

MIKA 7:5

Ruol chu ring naw unla, ṭhuoitua chun ringna innghat naw ro; i ângsûnga umnu kuom ngeia khawm chun i bau kawtkhârhai chu vêng ṭha rawh.

DÂN PAHNINA 10:8

Chuong lai chun tu chena Lalpa thuthlung bâwm zâwn a, Lalpa hmaa a rawng bâwl a, a hminga malsâwmpêktu ni dingin Levi chi chu a suktum a.

DÂN PAHNINA 13:6

“I unaupa, in pa naupa amanih, in nu naupa amanih, i naupa amanih, i naunu amanih, i nuhmei pawmlai amanih, i ruol ṭhatak khawmin a rûkin, “Pathien dang rawng bâwl ei tiu khai’ tia nang amanih, in thlatuhai la hriet naw,