1 KORINTH 9:19 - Pathien Lekhabu Inthieng (BSI)

¹⁹ Tû suok khawm ni naw lang khawm mi tam lem ka lâk lût theina dingin, mi po po suokah kân siem tah.

1 KORINTH 9:19 ပူးပေါင်းရင်းမြစ်များ

THUVARHAI 11:30

Mi fel ra chu hringna thingkûng a na, Lungrilhai latu chu mi var a nih.

MATTHAI 18:15

“Chun, i unauin i chungah thil suksuol ta sienla, fe la, ama le nang chau hrietah a suolnaa chun kâwk rawh, i thu a ngai chun i unau chu i hne ni tâng a tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:14

Grik mihai le hnamchawmhai kuomah bat ka nei, mi var le mi invêthai kuoma khawm.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:14

ka chipuihai kân thîktir hrâm theina ding le, anni laia mi ṭhenkhat ka sandam theina dingin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:2

Mâni vênghai suksâwtna ding le an ṭhatna dingin suklâwm tum seng ei tiu,

1 KORINTH 10:29

nang a sie le ṭha hrietna ka ti naw a, mi dang sie le ṭha hrietna chu ka ti lem a nih. Iengdinga mi dang sie le ṭha hrietna chun ka zalênna a sawisêl am a na?

1 KORINTH 10:33

Keiin mâni ta dinga ṭangkaina zawng lova sandam an ni theina dinga mi tamtak ta dinga ṭangkaina zawng lemin, mi po po iengkimah ka suklâwm ang tak hin.

1 KORINTH 7:16

Aw nuhmei, i pasal i sandam ding le ding naw iengtin am i hriet leh? Aw pasal, i nuhmei i sandam ding le ding naw iengtin am i hriet leh?

1 KORINTH 9:1

Zalên ka ni naw am a nih? Tirko ka ni naw am a nih? Ei Lalpa Isu chu ka hmu ta naw am a nih? nangnirawi chu Lalpaa ka sinthaw in ni naw am a nih?

2 KORINTH 12:14

Ngai ta u, hi hi in kuoma hung dinga kân zo a vawi thumna ding a nih; chun, mîn khâwkpui naw ti niua, in ta chu zawng ka ni si naw a, nangni a nih ka zawng lem cheu chu; nauhaiin nu le pa ta dingin an inkhâwl pêk ding a ni naw a, nu le pahaiin nauhai ta dingin an inkhâwl pêk lem ding a ni si a.

2 KORINTH 4:15

Iengkim nangni ṭhatna ding a ni si a, lunginsietna chu mi tam lem zâra sukpunga umin, Pathien ropuina dinga lâwmthu nasatak ân hriltir theina dingin.

2 KORINTH 4:5

Mâni thu kan hril si naw a, Krista Isu chu Lalpa a ni kan hril lem hlak, keini khawm Isu leiin suok kan ni kan hril bawk hlak.

GALATI 5:1

Suok ni lo dingin Krista chun a mîn suoktir kha; chuongchun, ngir det unla, suok ringkawla chun intâng nâwk ta naw ro.

GALATI 5:13

Nangni, unauhai, suok ni lo dinga ko in ni si a; nisienlakhawm, suok in ni nawna chu tisa ta dinga remchângah hmang naw unla, hmangainain rawng inbâwl tuo pêk seng lem ro,

1 TIMOTHE 4:16

Nangma le i inchûktirnaa chun fimkhur la, chuong thilhai chu thawin um zing rawh; chuong anga thawin nangma le i thu ngaituhai chu i sandam ding a nih.

2 TIMOTHE 2:10

Chuleiin, Krista Isua um sandamna chu, chatuona ropuina leh an hmu ve theina dingin, thlanghai lei chun iengkim ka tuor hlak.

1 PETER 3:1

Chuong ang bawkin nangni nuhmeihai, mâni pasalhai thu thuin um ro; chuongchun, anni laia tûkhawmin thu chu awi naw sien khawm, thu ni lovin, an nuhmeihai chângziea hnein um thei an tih,