1 KORINTH 9:18 - Pathien Lekhabu Inthieng (BSI)

¹⁸ Ka lâwmman chu ieng am ni tâng a ta? Chanchin Ṭhaa ka thuneina chu ka hmang zo nawna dingin Chanchin Ṭha ka hril hin, hlaw boa Chanchin Ṭha rawng ka bâwl thei hi a nih.

1 KORINTH 9:18 ပူးပေါင်းရင်းမြစ်များ

JOHAN 4:36

A sîktu chun hlaw a hmu hlak a, chatuona hringna chena um dingin ra a sîk hlak, a tutu le a sîktu an lâwm rêl theina dingin.

THILTHAWHAI 18:3

Chun, Paula chu anni ina chun a tlung ta a; chun, an sinthaw ang thaw a ni leiin anni a hrawn a, an kuomah a thaw ve hlak a; an sinthaw chu puon in siem a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:15

I thil fâk leia i unau lungril a na chun, hmangai dân kawng chu i hraw ta nâw a nih. A thi ai Kristain a thipêk chu i thil fâkin sukbo naw rawh.

1 KORINTH 10:33

Keiin mâni ta dinga ṭangkaina zawng lova sandam an ni theina dinga mi tamtak ta dinga ṭangkaina zawng lemin, mi po po iengkimah ka suklâwm ang tak hin.

1 KORINTH 3:8

Chun, a phuntu le tuia châwmtu pumkhat an nih, nisienlakhawm, mâni sinthaw ang peiin lâwmman hmu ve vêng an tih.

1 KORINTH 7:31

khawvêl hmangtuhai chu hmang taluo lova an um theina dingin; hi khawvêl umdan hi a bohmang mêk a nih.

1 KORINTH 8:9

Nisienlakhawm, fîmkhur ro, chuong naw chun, nuom nuoma in tlat theina hi mi hrâtnawhai ta dingin tlûkna ni rawi a tih.

1 KORINTH 9:12

Mi dang hmanin in chunga thuneina chu an chang chun, keini hi chang ding kan ni zuol a ni naw am nih? Nisienlakhawm, chu thuneina chu kan hmang nawh. Krista Chanchin Ṭha kan hluo nawna dingin iengkim kan tuor hrâm hrâm hlak a nih.

1 KORINTH 9:15

Nisienlakhawm, kei chun chuong chu pakhat khawm ka hmang naw a nih; ka chungah chuong anga in thawna dinga ka ziek a ni bawk nawh; tûkhawmin ka isuong hi iengkhawm ni lova an siem nêk chun thi el lang ka ta dingin a ṭha lem si a.

1 KORINTH 9:17

Chu chu mâni ditthlangnaa ka thaw chun lâwmman ka nei a nih; nisienlakhawm, mâni ditthlangna lei a ni si naw chun Chanchin Ṭha enkawlna sin hi inkawltir el nîng ka tih.

2 KORINTH 4:5

Mâni thu kan hril si naw a, Krista Isu chu Lalpa a ni kan hril lem hlak, keini khawm Isu leiin suok kan ni kan hril bawk hlak.

1 THESSALONIKA 2:6

Mihriem laiah, nangni laia manih, mi danghai laia mani khawm chawimawina kan zawng ngai nawh;