1 KORINTH 9:17 - Pathien Lekhabu Inthieng (BSI)

¹⁷ Chu chu mâni ditthlangnaa ka thaw chun lâwmman ka nei a nih; nisienlakhawm, mâni ditthlangna lei a ni si naw chun Chanchin Ṭha enkawlna sin hi inkawltir el nîng ka tih.

1 KORINTH 9:17 ပူးပေါင်းရင်းမြစ်များ

1 CHANCHIN SUINA 28:9

Chun, nang ka naupa Solomon, i thlatuhai Pathien chu hre la, lungril inhâwktak le lungril tlûntakin ama rawng chu bâwl rawh; Lalpa chun lungril sûng po po chu a zawng suok hlak a, lungrila tumhai khawm chu a hriet hlak si a; ama chu i zawng chun, i hmuah um ngei a ta; amiruokchu, ama chu i nghatsan chun, ama khawmin kumkhuoa dingin pei thla vêng a ti che.

1 CHANCHIN SUINA 29:14

Hieng anga inhâwktaka inhlân theina che kan hung nei hi, kei hi tu am ka na, ka mihai khawm hi tuhai am an na? thil po po chu nangmaa inthawka suok a na, nangma ta ma ma chu kan pêk el che a ni si a.

1 CHANCHIN SUINA 29:5

tangkaruo thilhaia dingin tangkaruo, themthiemhai kuta siem dinga sin iengkima dinga hmang ding po pohai chu. Lalpa kuomah vawisûn hin tu am inpumpêk dingin inphaltakin inhlân a ta?” a ta.

1 CHANCHIN SUINA 29:9

Chun, mipuihai chu phaltaka an inhlân lei chun an hlim a, lungril tluongtaka Lalpa kuoma an inhlân lei chun; chun, lal David ngei khawm chu namênin a lâwm naw a.

NEHEMIA 11:2

Lungnitaka Jerusalema um dinga inpehai po po chun mipuihai inpâk an hlaw a.

ISAI 6:8

Chun, “Tu am tir ka ta, tu am ei ta dingin fêng a ta?” tiin Lalpa râwl chu ka hriet a.

JEREMIA 20:9

Chun, ama chanchin hi hril nâwng ka ta, a hmingin thu hril naw ningah, ti ding ni lang, ka ruhai sûnga mei khâr nela chawk ang elin ka lungrila hin a um a, ka topui ṭawk ṭawk thei naw a, ka umpui thei naw a.

EZEKIEL 3:14

Chuongchun, thlarau chun a mi dawm kâng a, a mi lâk hmang ta a; lungawilotak le lunginsen êm êmin ka fe ta a; chun, Lalpa kut chu ka chunga chun a hrât hle a.

JONA 1:3

Nisienlakhawm, Jona chu Lalpa hmaa inthawka Tarsis-a tlân hmang dingin a tho ta a; chun, Joppa khuoah a zuk fe a, Tarsis khaw pan ding lawng a hmu a, chuongchun, a chuong man ding chu a pêk a, Lalpa hmaa inthawk chun Tarsis pan dinghai le fe dingin lawnga chun a lût thla ve ta a.

MALAKI 1:10

Nangni laia mi pakhat bêk, ka maichâma a thlâwna mei a sêm nawna dinga kawtkhârhai khâr hlak chu um unla chu aw! sipaihai Lalpa chun a tih, nangnia hin lâwmna hrim ka nei naw a nih; in kuta thilinhlân hrim hrim khawm lâwm naw ningah.

MATTHAI 10:41

Tukhawm zâwlnei chu zâwlnei a ni leia lâwm chun, zâwlnei lâwmman hmûng a tih; tukhawm mi fel chu mi fel a ni leia lâwm chun mi fel lâwmman hmûng a tih.

MATTHAI 24:25

Ngai ta u, ka hril lâwk ta cheu hi.

LUKA 12:42

Chun, Lalpain, “Sum enkawltu ringum, var tak, a puin a hun poa an bu chan ding sempêk dingin a sûnghai chunga hotua a siem ding chu tû tak am nîng a ta?

JOHAN 4:36

A sîktu chun hlaw a hmu hlak a, chatuona hringna chena um dingin ra a sîk hlak, a tutu le a sîktu an lâwm rêl theina dingin.

1 KORINTH 3:14

Tû sinthaw khawm a chunga a bâwl chu a um zing chun, ama chun lâwmman hmûng a tih.

1 KORINTH 3:8

Chun, a phuntu le tuia châwmtu pumkhat an nih, nisienlakhawm, mâni sinthaw ang peiin lâwmman hmu ve vêng an tih.

1 KORINTH 4:1

Keinirawi hi Krista rawngbâwltu le Pathien thurûk enkawltuah miin mi ngai raw hai se.

1 KORINTH 9:16

Chanchin Ṭha hril lang khawm suong ding hrim hrim ka nei si naw a; thaw mâkmaw ka chungah ân nghat a ni si a; Chanchin Ṭha hril naw lang ka chung a rik ding a ni si a.

1 KORINTH 9:18

Ka lâwmman chu ieng am ni tâng a ta? Chanchin Ṭhaa ka thuneina chu ka hmang zo nawna dingin Chanchin Ṭha ka hril hin, hlaw boa Chanchin Ṭha rawng ka bâwl thei hi a nih.

2 KORINTH 8:12

Inzona chu a um phawt chun, mi a nei naw sa ni lovin, a neizie ang peia a pêk chu lâwm tlâk a ni si a.

GALATI 2:7

chuong nêk hmanin Sertanhai Chanchin Ṭha Peter kuoma inkawltira a um angin, Sertannawhai Chanchin Ṭha ka kuomah inkawltirin a um ti an hriet a.

KOLOSSA 1:25

Pathien thu hril kim dinga enkawlna sin Pathienin in ta dinga a mi pêk ang peiin chuonghai rawngbâwltua siem ka nih.

1 THESSALONIKA 2:4

Chanchin Ṭha inkawltira um dingin Pathien ṭha tizâwng mi kan ni ang ngeiin, mihriem suklâwm ding ang ni lovin, kan lungril fietu Pathien suklâwm lemin thu kan hril lem hlak a nih.

PHILEMON 1:14

nisienlakhawm, i lungsietna chu lunginsiet luitir ang ni lovin, i thu ang a ni thei lemna dingin i thu naw chun iengkhawm ka thaw nuom nawh.