1 KORINTH 8:13 - Pathien Lekhabu Inthieng (BSI)

¹³ Chuleiin, fâk dingin ka unau a sukthlûk chun, ka unau ka sukthlûk nawna dingin kumkhuoin sa hrim hrim fa ta naw ning.

1 KORINTH 8:13 ပူးပေါင်းရင်းမြစ်များ

MATTHAI 17:27

Nisienlakhawm, nang dîlah va fe la, ngakuoi inchie la, nga hung suok hmasa chu man rawh; chun, a bau i keika phingleh tangka pahni hmu el i tih; chu chu la la, kei le nanga ta dingin an kuomah pe rawh, chuong naw chun anni chu suklungawi naw rawi ei tih,” a ta.

THILTHAWHAI 15:20

milim biekna thil inthiengnaw fâk dâm, indit dâm, sa râkhlum le thisen fâk dâm bân dingin an kuomah ziek lem inla ka ti tak a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:13

Chuleiin, insawisêl tâwl ta nâwm ei niu khai; tûkhawmin mâni unau kalna amanih tlûkna amanih siem naw tum lem seng ro.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:21

I unau tlûkna ding a ni chun, sa fâk lo dâm, uoin dâwn lo dâm, thil iengkhawm thaw lo a ṭha lem a nih.

1 KORINTH 10:32

Judahai ta ding khawmin, Grik mihai ta ding khawmin, Pathien kohranhai ta ding khawmin an tlûk phâna ding hrim hrim iengkhawm thaw naw ro.

1 KORINTH 10:33

Keiin mâni ta dinga ṭangkaina zawng lova sandam an ni theina dinga mi tamtak ta dinga ṭangkaina zawng lemin, mi po po iengkimah ka suklâwm ang tak hin.

1 KORINTH 13:5

a châng mawinaw ngai naw a, mâni hma a siel naw a, a lunginsen nuom naw a, suol tiengah a ngaituo naw a,

1 KORINTH 6:12

Thil iengkim thaw ka ta dingin a thieng a; nisienlakhawm, thil iengkim thaw a ṭha kher nawh; thil iengkim thaw ka ta dingin a thieng a; nisienlakhawm, ieng thu hnuoia um khawm kân phal nawh.

1 KORINTH 9:12

Mi dang hmanin in chunga thuneina chu an chang chun, keini hi chang ding kan ni zuol a ni naw am nih? Nisienlakhawm, chu thuneina chu kan hmang nawh. Krista Chanchin Ṭha kan hluo nawna dingin iengkim kan tuor hrâm hrâm hlak a nih.

2 KORINTH 11:29

Ka hrâtnawpui lova hrâtnaw tu am a um a? ka lungril sukna lova sukthlûk tu am a um hlak a?

2 KORINTH 6:3

Kan rawngbâwlna sin chu an dem nawna dingin ieng kawnga khawm tlûkphâna ding hrim hrim kan siem naw a;