1 KORINTH 8:12 - Pathien Lekhabu Inthieng (BSI)

¹² Unauhai chungah chuong ang thil in suksuola, an sie le ṭha hrietna a hrât naw nâklai, in inhliem hlau chun, Krista chungah thil in suksuol a nih.

1 KORINTH 8:12 ပူးပေါင်းရင်းမြစ်များ

INṬANNA 20:9

Chuongchun, Abimelek chun Abraham a ko a, a kuomah, “Kan chunga i thil thaw hi iengtizie am a ni a? Ieng kawng âm i chungah thil kan suksuola kei le ka khuoletuihai chunga hin thil suol nasatak i hung intlungtir hi? Thil thaw âwm naw tak ka chungah i thaw ta hi,” a ti a.

INṬANNA 42:22

Chun, Reuben chun, “Naupang chungah thil suksuol naw ro ka ti naw cheu am a nih? in ngai naw a, chuleiin, ngai ta u, a thisen phuba chu an lâk a ni hi,” tiin anni chu a dawn a.

FESUOKNA 16:8

Mosie bawk chun, “Zântieng chun sa le zîngtieng chun bei dittâwk fâk ding a pêk pha cheu chun Lalpa a nih ti hrieng in tih, a chunga in chiernahai chu Lalpa chun a hriet si a: keini chu ieng am kan ni a? In chierna chu keini chungah ni lovin Lalpa chungah a ni lem in sawnnaw,” a ti a.

FESUOKNA 32:21

Mosie chun Aron kuomah, “Hi mipui hin i kuomah ieng am an thawa hienga an chunga suol nasatak în tlungtir hi?” a ti a.

MATTHAI 18:10

“Hieng mi chîn laia pakhat khawm hi hmusit naw dingin fîmkhur ro; an vântirkohaiin vânah ka Pa vâna mi hmêl an hmu rawp hlak ti ka hril cheu hi,”

MATTHAI 18:21

Chu lai chun Peter a hung a, a kuomah, “Lalpa, ka unauin vawi ieng zât am ka chungah thil suksuol sien la ka ngaidam ding? vawi sari chen ding am a nih?” a ta.

MATTHAI 18:6

“Amiruokchu, tukhawm hieng a mi ringtu mi chînhai laia pakhat khawm suola sukthlu taphawt chu, a rîngah bu râwtnawina lung lientak inhlîtirin tuisuoriet inthûktakah thlâk dai hai sien a ta dingin ṭha lem a tih.

MATTHAI 25:40

Chun, Laltak chun an kuomah, ‘Titakzetin ka hril cheu hi, hieng ka unau chîntakhai laia mi pakhat chunga in thaw chu, ka chunga thaw in nih,’ tîn la dawn a tih.”

MATTHAI 25:45

Chun, ama chun an kuomah, ‘Titakzetin ka hril cheu hi, hieng mi chîntak laia mi pakhat chunga in thaw naw chu ka chunga thaw naw in nih,’ tiin la dawn a tih.

MARKA 9:42

“Chun, tûkhawm hieng a mi awitu chîtêhai laia pakhat chau khawm sukthlu taphawt chu, a rîngah bu râwtna lung lientak inhlitirin tuisuorietah thlâkin um sienla, a ta dingin ṭha lem a tih.

LUKA 17:2

Hieng mi chînhai laia pakhat khawm sukthlûk nêk chun, a sukthlutu ding rînga chun bu râwt nawina lung inhlitirin, tuisuorietah thlâk ni sienla, a ta dingin ṭha lem a tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:20

I thil fâk leiin Pathien sinthaw sukse naw. Thil po po chu ân thieng ngei, nisienlakhawm, a thil fâkin mi a sukthlûk chun, a fatu ta dingin suol a nih.

1 KORINTH 12:12

Taksa hi pakhat a na, pêng tamtak a nei a, taksa pênghai po po chu tam hai sienkhawm taksa pumkhat an ni si a; Krista chu chuong ang bawk chu a nih.

1 SAMUEL 2:25

Mi pakhat mi dang chunga a suol chu Pathienin rorêlpêk a ta, amiruokchu mi, Lalpa chungah a suol ruok chun tuin am ngênpui tâng a ta?” a ta. Chuong sa khawm chun an pa râwl chu an ngai nuom naw a, Lalpa chun anni chu a sukhlum ngei ding a ni si a.

1 SAMUEL 24:11

Chu chau khawm chu ni loin, pa, en ta, hi i puon hmawr khawm ka chawi zing hi: i puon hmawr ka ât thlâk thei sia, ka sukhlum nawna chea hin ka kuta hin thil ṭha naw le bawsietna a um nawh ti le, ka hringna lâk tumin mi zawng la khawm, i chunga hin ka suol naw a nih ti hi hre zing ngei ngei raw khai.