1 KORINTH 7:36 - Pathien Lekhabu Inthieng (BSI)

³⁶ Amiruokchu, tûkhawmin a nau nunghâk inthieng ân lêng sâwttir kawnga a sukdik naw a ân hriet chun, ama chu a vânglai a na, a ṭul bawk si chun a thaw nuom chu thaw raw se, thil a suksuol nawh, inneitir el raw se.

1 KORINTH 7:36 ပူးပေါင်းရင်းမြစ်များ

JEREMIA 29:6

nuhmeihai nei unla, naupasalhai, naunuhmeihai nei unla: in naupasalhai nuhmei inneitir unla, in naunuhmeihai khawm pasal inneitir bawk unla, naupasalhai le naunuhmeihai an nei theina dingin; chutaka chun hung pung pei unla, kiem tieng pan ta naw ro.

MATTHAI 1:18

Chun, Isu Krista hung insiengzie chu hieng ang hi a nih: A nu Mari chu Josef le an inhuol laiin, an inpâwl hmain Thlarau Inthiengin ân raitir ti an lo hriet ta a.

MATTHAI 5:40

Tukhawmin i kuomah thupawi siemin, i zakuo lâk a tum chun, i puon khawm inlâktir nghâl rawh.

1 KORINTH 7:35

Chuong chu nangni ṭhatna dinga ka hril a nih; hruia ka khit theina ding cheua ka hril a ni naw a, umdân mawi tâwka in um theina ding le, Lalpa rawng chu buoi lova in bâwl theina dingin ka hril lem a nih.

1 KORINTH 7:37

Nisienlakhawm, nuhmei nei lo dinga nawr lui lei ni lova, ama nuom thua nei naw tum tlat thei a ni ruok chun, a nuom anga a thaw chu a ṭha, a nuhmei huol a nei naw chu a thaw ṭha.

1 KORINTH 7:9

Insûm theina an nei naw chun innei el raw hai se, hur nêkin innei a ṭha lem si a.

1 SAMUEL 2:33

Chun, i mi, ka maichâma inthawka ka sukbohmang naw ding hai chu i mit sukkhamtu le I lungril suknatu nîng an ta; i ina hung pienghai taphawt chu an vânglai takin thi pei an tih.