1 KORINTH 7:35 - Pathien Lekhabu Inthieng (BSI)

³⁵ Chuong chu nangni ṭhatna dinga ka hril a nih; hruia ka khit theina ding cheua ka hril a ni naw a, umdân mawi tâwka in um theina ding le, Lalpa rawng chu buoi lova in bâwl theina dingin ka hril lem a nih.

1 KORINTH 7:35 ပူးပေါင်းရင်းမြစ်များ

MATTHAI 19:12

Mi tillâk an nu phîng sûnga inthawka chuong anga insieng hrim an um a; mi tillâk mihriem kuta lâk khawm an um bawk a; mi tillâk vân ram leia tillâka insiem fâwm khawm an um bawk a. Tukhawm a pawm thei taphawt chun pawm raw se,” a ta.

MATTHAI 22:15

Chu lai chun, Pharisaihai chun a thu hrila an man theina zie ding an vân râwn a,

LUKA 21:34

“Amiruokchu, fîmkhur ro, chuong naw chun, fâk khawp taluo leh, zu inrui leh, dam sûng khawsak ngaituo leh in lungril sip taluo hlau a ta, chu ni chun châng âwk angin kârlovin in chungah hung tlung phut a tih.

LUKA 8:14

Chun, hlohlingnei laia tla chu hieng mi hi an nih; thu an hriet hnunga an fe pei laiin dam sûng khawsak lungkhamnahai, inhawitirnahai, hausaknahai chun a dîp a, an ra puitling ngainaw a nih.

1 KORINTH 7:2

Nisienlakhawm, inditnahai a um hlak leiin pasalin nuhmei bîk nei seng hai sienla, nuhmei khawmin pasal bîk nei seng raw hai se.

1 KORINTH 7:28

Nisienlakhawm, nuhmei i nei chun thil i suksuol nawh, nunghâk inthieng khawma pasal a nei chun thil a suksuol chuong nawh. Amiruokchu, chuong ang mi chun taksaa chun rinum tuor a tih, nisienlakhawm, kei ruok chun intuortir naw cheu ka nuom a nih.

1 KORINTH 7:36

Amiruokchu, tûkhawmin a nau nunghâk inthieng ân lêng sâwttir kawnga a sukdik naw a ân hriet chun, ama chu a vânglai a na, a ṭul bawk si chun a thaw nuom chu thaw raw se, thil a suksuol nawh, inneitir el raw se.

EPHESI 5:3

Nisienlakhawm, mi inthienghai thawa mawi âwm tak hrimin, inditna le inthiengnawna po po, duamna leh nangni laiah a sâma sâm khawmin um naw raw se;

PHILIPPI 4:8

A tâwp taka chun, unauhai, ân dik taphawt dâm, ân zâum taphawt dâm, a fel taphawt dâm, ân thieng taphawt dâm, a ditum taphawt dâm, ân thang mawi taphawt dâm, ṭhatna hrim hrim a um a, inpâkna hrim hrim a um chun, chuong chu ngaituo ro.

1 TIMOTHE 1:10

indit hmanghai ta ding dâm, mawngkawhurhai ta ding dâm, mihriem inru hmanghai ta ding dâm, khêl hril hmanghai ta ding dâm, inkhâm tehlêm hmanghai ta ding dâm, inchûktirna indik ang ni lova thil dang hrim;

TITA 2:3

Pitarhai khawm chu an um dân hrima Pathien inza mihai, hêktuhai le uoin he mihai ni lo a, thil ṭha tieng inchûktirtuhai an hung ni a,