1 KORINTH 7:21 - Pathien Lekhabu Inthieng (BSI)

²¹ Suoka i um ko am i nih? chu chu ngaituo nuom naw rawh; i suok thei si ruok chun hmang lem rawh.

1 KORINTH 7:21 ပူးပေါင်းရင်းမြစ်များ

LUKA 12:29

“Chun, in fâk dinghai, in dâwn dinghai zawng naw ro; lungâwpinkaiin um bawk naw ro.

LUKA 21:34

“Amiruokchu, fîmkhur ro, chuong naw chun, fâk khawp taluo leh, zu inrui leh, dam sûng khawsak ngaituo leh in lungril sip taluo hlau a ta, chu ni chun châng âwk angin kârlovin in chungah hung tlung phut a tih.

1 KORINTH 12:13

Ei rêngin, Judahai amanih, Grikhai amanih, suok amanih, suok nilo amanih taksa pumkhata um dingin, Thlarau pakhat chauah baptisin ei um seng si a. Thlarau pakhat chau bawk a mîn dâwntir bawk a.

1 KORINTH 7:20

Mi tin koa an um laia an chan pângngaia chun um zing raw hai se.

1 KORINTH 7:22

Suoka um Lalpaa ko chu Lalpa insuoktir suok a ni si a, chuong ang bawk chun suok ni lova koa um chu Krista suok a nih.

GALATI 3:28

Chutaka chun Juda mi an um thei naw a, Grik mi khawm an um thei bawk nawh; suok an um thei naw a, suoknaw khawm an um thei bawk nawh; nuhmei le pasal khawm an um thei nawh; Krista Isua chun in rêngin pumkhat in ni si a.

PHILIPPI 4:11

Ka tlâksamna thu hril chu ka ni naw a, a kei chu ieng ang khawmin um lang lungawi pei ka chîng ta si a.

PHILIPPI 4:6

Iengkimah ṭawngṭaina le hninain, lâwmthu hrilsa peiin in dithai chu Pathien kuomah inhriettirin um lem raw se.

KOLOSSA 3:11

chutaka chun Grik mi le Juda mi, sertan le tan lo, hnamchawm dâm, Skuthia mi dâm, suok dâm, suok naw dâm khawm an um thei nawh, Krista chu iengkim ni lemin, iengkimah a um bawk a nih.

HEBRAIHAI 13:5

In lungril putzie chu tangka ngainatna ṭhang naw ni raw se, in thil nei sunhaia chun lungawi ro; ama ngeiin, “Iengtika khawm thlâthlam naw tawp ka ti che a, mâksan ngai naw bawk ka ti che,” a ti si a.

1 PETER 5:7

amain a ngaisak hlak cheu leiin in lunginzîngna po po ama chungah innghat vawng ro.