1 KORINTH 7:14 - Pathien Lekhabu Inthieng (BSI)

¹⁴ Pasal awilo mi chu a nuhmei zârah sukthiengin a um a, nuhmei awilo mi khawm chu a pasal zâra sukthiengin a um bawk a nih; chuong ang chu ni naw sien chu in nauhai chu inthieng naw nihai; nisienlakhawm, an inthieng zing a nih.

1 KORINTH 7:14 ပူးပေါင်းရင်းမြစ်များ

ISAI 52:1

Aw Zion, har la, har la, i hrâtna inbel rawh; aw Jerusalem, khawpui inthieng, i silfên mawitakhai chu inbel rawh; tuta chen chu sertanlo le mi pawrche chu i sûngah an lût ta âwm si naw a.

THILTHAWHAI 10:23

Chuongchun, mihai chu a ko lût a, ân riek tir ta a. A zînga chun Peter chu a tho a, an kuomah a fe a, Joppa khuoa mi unau tuhai amani khawm anni leh an fe ve a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:16

Chun, bei tlang ât thlâk hmasatak chu inhlân thieng a ni chun a pumin chuong ang bawk chu a nih. A zung ân thieng chun a kâuhai khawm chuong ang bawk chu a nih.

1 KORINTH 7:13

Chun, nuhmei pasal awilo mi nei chun, a pasalin a kuoma um zing a lungni phawt chun, ṭhe naw raw se.

1 TIMOTHE 4:5

Pathien thu le ṭawngṭainain sukthieng a ni ta si a.

TITA 1:15

Mi inthienghai ta ding chun iengkim ân thieng hlak; nisienlakhawm, mi inthieng naw le ring nawhai ta ding chun iengkhawm ân thieng hrim a um ngai nawh, an lungril le an sie le ṭha hrietna hrim khawm ân thieng ta nawh.