1 KORINTH 7:10 - Pathien Lekhabu Inthieng (BSI)

¹⁰ Chun, innei sahai kuoma chun thu ka pêk (Keia pêk ruok chu ni lovin Lalpa pêk a ni lem): Nuhmei chun a pasal ṭhe naw raw se;

1 KORINTH 7:10 ပူးပေါင်းရင်းမြစ်များ

JEREMIA 3:20

Anachu, nuhmeiin a pasal chu khawhlotaka a ṭhe angin, chuong ang tak chun ka chungah khawhlotakin i lo thaw ta tlat el a; Aw Israel sûngkuo,” Lalpa chun a tih.

MATTHAI 5:32

Kei ruok chun, tukhawm tlangvâl dit lei ni lova mâni nuhmei ma taphawt chun, ama chu ân uirettir a nih; tukhawm mâk hnung chu nei taphawt chu a uire a nih ti ka hril cheu hi.

MARKA 10:2

Chun, Pharisaihai ṭhenkhat a kuomah an hung a, ama fiena dingin “Mîn a nuhmei a mâk a thieng am?” tiin an indawn a.

LUKA 16:18

“Tûkhawm a nuhmei maa, nuhmei dang nei taphawt chu a uire a nih; tûkhawm mi nuhmei mâk nei taphawt chu a uire a nih.

1 KORINTH 7:11

nisienlakhawm, a ṭhe nghâl nghâl chun pasal nei ta lovin um law law raw se, annawleh, a pasal le bawk inrem nâwk raw hai se; chun, pasal chun a nuhmei ma naw raw se.

1 KORINTH 7:12

Mi dang kuoma ruok chun Lalpa ni lovin keiin ka hril: Unau tûkhawmin nuhmei awilo mi nei sienla, ama chun a kuoma um zing a lungni phawt chun ma naw raw se.

1 KORINTH 7:15

Nisienlakhawm, a awinaw lemin a ṭhe chun ṭhe el raw se, chuong anga chun chu unaupa amanih, farnu amanih hrên an ni ta nawh. Pathien ruok chun inremnaah a mi ko a nih.

1 KORINTH 7:25

Chun, nunghâk inthieng tieng thua ruok chun Lalpa thupêk hrim ka nei naw a; nisienlakhawm, ringuma um dinga Lalpa kuoma inthawka lunginsietna hmu ka ni leiin ka ngaituo ang hril ka tih.

1 KORINTH 7:40

Nisienlakhawm, keia ngai chun, a um ngaia a um zing chun hamṭha lem a tih; kei khawm Pathien Thlarau chu nei ve bawkin kân ring a nih.

1 KORINTH 7:6

Nisienlakhawm, hi thu hi thupêk ang tienga ka hril a ni naw a, phal tieng thua ka hril lem a nih.