1 KORINTH 6:19 - Pathien Lekhabu Inthieng (BSI)

¹⁹ Anleh, in taksa chu in sûnga um Pathien kuoma inthawka in hmu Thlarau Inthieng in a ni ti in hriet naw am a nih? Mâni ta khawm in ni naw a,

1 KORINTH 6:19 ပူးပေါင်းရင်းမြစ်များ

1 LALHAI 20:4

Chun, Israel lal chun a lo dawn a, “Aw laltak ka pu, i hril ang chu a ni annâwm, keima le ka nei po po chu i ta a nih,” a ta.

1 CHANCHIN SUINA 29:14

Hieng anga inhâwktaka inhlân theina che kan hung nei hi, kei hi tu am ka na, ka mihai khawm hi tuhai am an na? thil po po chu nangmaa inthawka suok a na, nangma ta ma ma chu kan pêk el che a ni si a.

INPÂKNA HLABU 100:3

Lalpa chu Pathien a nih ti hre unla, A mi siemtu chu ama chu a na, ama ta ei nih; A mihai le a ran tlatna hmuna berâmhai chu ei nih.

INPÂKNA HLABU 12:4

Anni chun, “Ei lei hin hnêng ei ta, Ei hmûrhai hi eini ta ngei a ni annâwm, tu am ie ei chunga lala um chu?” an ti hlak.

JOHAN 2:21

(Nisienlakhawm, a taksa in chu hril a lo ni lem si a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:9

Chuongchun, Pathien Thlarau chu nangniah a chêng takzet a ni chun, tisaa um ni lovin, Thlaraua um in ni lem. Tukhawm Krista Thlarau nei naw chu ama mi a ni nawh.

1 KORINTH 3:16

Pathien in in ni le Pathien Thlarau nangniah a um ti in hriet naw am a nih?

1 KORINTH 6:13

Fâk dinghai chu phîng ta ding a na, phîng chu fâk dinghai ta ding a nih; nisienlakhawm, Pathienin sukbo ve vêng a tih. Chun, taksa hi inditna ding a ni naw a, Lalpa ta ding a ni lem: Lalpa khawm chu taksa ta ding a nih.

1 KORINTH 6:3

Tulai dam sûng khawsak thu chu hrillo, vântirkohai chen khawm ei ngaituo ding a nih ti in hriet naw am a nih?

2 KORINTH 5:15

Chun, a hringhai chu anni ta dinga hring ni ta lova, an thi aia thia thonâwk ta ding chun an hring ta lemna dingin a nih, mi po po aia a thi chu.

2 KORINTH 6:16

Milimhai le Pathien biekin khawmin ieng am inremna an nei a? Eini chu Pathien hring biekin ei ni si a; Pathienin, “Anniah um ka ta, Anniah lêng bawk ka ta; Chun, an Pathien nîng ka ta, Anni khawm ka mihai nîng an tih”, a ti ang khan.

TITA 2:14

Ama chun bawsietna po poa inthawka a mîn tlan theina dingin le, chi thlang bîk, thil ṭha thawa ṭhahnemngaia, ama ta dinga a sukthieng theina dingin ei aiin ân pêk kha.

JAKOB 4:5

Annawleh, “Thlarau einia ân chêngtir chun, thîk khawp hielin a mi dit a nih,” ti hi, Pathien Lekha Thuin iengkhawm ni lovin a hrilin in ring am a nih?

1 PETER 2:5

ama kuoma chun hungin, nangni khawm lung hringhai angin thlarau tieng ina remin in um, Isu Krista zâra Pathien lâwm zâwng thlarau tieng inthâwina inhlân dinga, thiempu inthienghai in hung nina dingin.