1 KORINTH 6:1 - Pathien Lekhabu Inthieng (BSI)

¹ Nangni laia tûkhawmin mi dang chungah thubuoi nei unla mi inthienghai hmaa intlun lovin mi felnawhai hmaah intlun ngam ding am a nih?

1 KORINTH 6:1 ပူးပေါင်းရင်းမြစ်များ

MATTHAI 5:45

in Pa vâna mi nauhai in ni theina dingin; ama chun mi suolhai le mi ṭhahai chunga chun a nisa ân suoktir a, mi fel le mi fel nawhai chunga khawm ruo ân sûrtir hlak a nih.

THILTHAWHAI 19:38

Chuongchun, Demetria le a ruol themthiemhai khawmin tû chunga khawm thupawi an nei chun thupawi hrilna inhai chu hawng zing a nih annâwm, lal aiawtuhai khawm an um a; intlun raw hai se.

1 KORINTH 1:2

Korintha Pathien kohran umhai, Krista Isua sukthieng, mi inthieng ni dinga kohai kuomah, ram tina ei Lalpa (anni le eini Lalpa) Isu Krista hming lamtuhai po po kuoma leh.

1 KORINTH 14:33

Pathien chu buoina Pathien a ni naw a, inremna Pathien a ni lem si a. Mi inthieng kohranhai po poa ang hin,

1 KORINTH 16:1

Chun, mi inthienghai ta dinga thawlâwm thu kha chu, Galati rama kohran hai kuomah thu ka pêk angin nangni khawmin lo thaw ve ro.

1 KORINTH 16:15

Unauhai, ka ngên cheu a nih: Stephan sûnghai chu Akaia rama awihai hmaṭhuoitu an na, mi inthienghai rawng bâwl dingin an inpêk ti in hriet a,

1 KORINTH 5:12

Puotienga mi chu keiin ka ngaituona ding iengam a um a?

1 KORINTH 6:5

In inzakna dingin ka hril a nih. A unau kâra thu sukthlu thei, mi var pakhat khawm nangni lai in hmu thei naw nîng a ti maw!