1 KORINTH 5:13 - Pathien Lekhabu Inthieng (BSI)

¹³ Nangniin sûngtienga mi in ngaituoin puotienga mihai ruok chu Pathienin a ngaituo hlak a ni naw am a nih? chu mi suol chu nangni laia inthawkin hnawt dawk ro.

1 KORINTH 5:13 ပူးပေါင်းရင်းမြစ်များ

INPÂKNA HLABU 50:6

Chuongchun, vânhai khin a felna chu tlânginsampui a ta, Ama Pathien ngei chu rorêltu a ni si a.

THUHRILTU 9:18

Varna chu indona thuomhnawhai nêkin a ṭha lem a; amiruokchu, mi suol pakhat khawma nasatakin a suksiet a nih.

MATTHAI 18:17

Chun, anni khawm chu a ngai nuom naw chun, kohranah intlun el rawh; chun, kohran thu khawm a ngai naw chun ama chu i ta dingin Jentail le siedâwltu ang ni raw se.

THILTHAWHAI 17:31

chu ni chun, a mi ruot chu, hnuoia mihai ro feltakin inrêltir a tih. Chu thu chu, Pathienin ama chu mithi laia inthawka a keithona chun, mi po po kuomah ân hriettir tah a nih,” tiin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:16

Pathienin ka Chanchin Ṭha hril anga mihriemhai thurûk Isu Krista hmanga a ngaituo ni chun chuong ang chu nîng a tih.

1 KORINTH 5:1

Nangni lai inditna pawrche a um ti ân thang veng vung a nih, chuong ang inditna chu Jentailhai lai hmana um ngai lo, nangni laia mi pakhatin mâni pa nuhmei a nei kha.

1 KORINTH 5:2

Chun, chuong thil thawtu chu nangni laia inthawka hnawtdawk dinga lungngai nêk hmanin in uong lem si a.

1 KORINTH 5:5

mi chuong ang chu a thlarau Lalpa nia chun sandamin a um theina dingin a taksa chu sukbohmang dingin Setan pe inla ka ti a nih.

1 KORINTH 5:7

Chawlṭhanglo in ni ang bawkin bei tlang thar in ni theina dingin chawl hlui chu zenfai ro. Ei Fekân Ruoiṭhena ding khawm an that ta si a, Krista ngei chu;

DÂN PAHNINA 13:5

Chun, chu zâwlnei amanih, mang neitu amani chu sukhlum ding a nih. Aigupta rama inthawka ṭhuoisuoka, suoka inthawka intlantu cheu Lalpa in Pathienin hraw ding thu a pêk cheu lampuia inthawka pêthmang dinga, Lalpa in Pathien chunga helna thu a hril leiin. Chuong ang chun nangni laia thil ṭha naw chu in sukbo ding a nih.

DÂN PAHNINA 17:12

Lalpa in Pathien hmaa rawngbâwla ṭhang hlak thiempu le rorêltu thu pawm lova, thawlui taphawt, chu mi chu sukhlum ding a nih, Israelhai laia inthawkin, chu thil ṭha naw chu in sukbo ding a nih.

DÂN PAHNINA 17:7

Sukhlumna dinga chun hretuhai chun kut thlâk hmasâng an ta, chu hnungah mipui po poin. Chuong ang chun nangni laia inthawkin thil ṭha naw chu in sukbo ding a nih.

DÂN PAHNINA 21:21

Chuongchun, khuoa mi po po chun lungin an dênghlum ding a nih; chuong ang chun nangni laia inthawk chun thil ṭha naw chu in sukbo ding a nih; chun, Israel mi po po chun hrieng an ta, ṭîng an tih.

DÂN PAHNINA 22:24

an pahniin khaw kul kawtkhârah ṭhuoi suok in ta, lungin in dêng hlum ding a nih; nuhmei chu khuoa um si a, a khêk naw leiin; pasal chu a tuolbâwm nuhmei a sukhmingsiet leiin; chuong ang chun nangni laia inthawkin thil ṭha naw chu in sukbo ding a nih.

HEBRAIHAI 13:4

Inneina hi mi po poin inzâ hai sienla, nupa khum khawm sukpawrche lovin um raw se; inditna suola tluhai le uirehai chu Pathienin an chungthu a ngaituo ding a ni si a.

2 PETER 2:9

Lalpa chun, ama ngaisaktuhai chu thlêmnaa inthawka sansuok dân le, fel nawhai chu rorêl nia dingin hrem puma khêk dân a hriet;

RORELTUHAI 20:13

Gibeaa Belial nauhai chu hung ṭhuoi ro, chuongchun, Israel rama suol hi a re theina dingin lo sukhlum kan tih,” tiin mi an tir a. Nisienlakhawm, Benjamin chihai chun an unau Israel thlahai thuhril chu an lo pawm nuom naw a.