1 KORINTH 5:10 - Pathien Lekhabu Inthieng (BSI)

¹⁰ hi khawvêla indit hmanghai amanih, duâm le hlêpruhai amanih, milim betuhai amani chu pâwl dêr lo ding ti ka ni naw a, chuongchu ni sien la khawvêla inthawka fe suok ngei ding in ni ding a ni si a.

1 KORINTH 5:10 ပူးပေါင်းရင်းမြစ်များ

LUKA 18:11

Pharisai chu a ngîr a, ama khât chauin hieng ang hin a ṭawngṭai a, ‘Pathien, mi dang hlêpruhai, fel nawhai, uirehai ang ka ni naw lei le, hi siedâwltu ang khawm hi ka ni naw leiin i chungah ka lâwm ie.

JOHAN 15:19

Nangni khawvêla mi ni unla, khawvêlin amaa mi a hmangai ding bah; khawvêla mi in ni si naw a, khawvêla inthawka ka thlang suok lem cheu leiin, khawvêlin a theida cheu a nih.

JOHAN 17:6

“Nangin khawvêla inthawka mî i mi pêkhai kuoma khan i hming ka suklang tah. Anni chu i ta an ni tah, nangin anni chu kei i mi pêk ta a, anni chun i thu an zâwm tah:

JOHAN 17:9

“An ta dinga ka ngênpêk hi, khawvêl ta dinga ngênpêk ka ni nawh; nangin i mi pêkhai ta ding lemin a nih; i ta an ni si.

JOHAN 8:23

Ama chun an kuomah, “Nangni hnuoi tienga inthawka suok in nih, kei chu chung tienga suok ka nih; nangni hi khawvêla suok in nih, kei chu hi khawvêla suok ka ni nawh.

1 KORINTH 1:20

Mi var chu khâwlai am a um a? Dân hre mi khawm chu khâwlai am a um a? Hi khawvêla sêltu chu khâwlai am a um a? Pathienin khawvêl varna hi invêtthlâk a nih ti ân hriettir naw am a nih?

1 KORINTH 10:27

Awinaw laia mi tuin amanih a fiel cheu a, fe in nuom si chun, sie le ṭha hrietna leiin iengkhawm indawn chuong lovin an pêkhai taphawt cheu chu fa el ro.

1 KORINTH 5:11

Tu ruok hin chu tûkhawm unau hming input siin indit hmang mi amanih, mi duâm amanih, milim betu amanih, inhalhmang amanih, zu inruihmang mi amanih, hlêpru mi amani ni sienla, pâwl lo dingin in kuomah ka ziek a nih; chuong ang mi kuoma chun a fâk khawm fa lo dingin.

1 KORINTH 5:9

Ka lekhathawna khan indit hmanghai pâwl lo dingin in kuomah ka ziek kha;

2 KORINTH 4:4

Krista Pathien angpui, a ropuizie Chanchin Ṭha var chun anni a sunvar thei nawna dingin chuongahai chun khawvêl pathienin awinawhai mit a sukdel ta a.

EPHESI 2:2

chuongahai chun inhma khan hi khawvêl dân angin in um kha, boruoka thuneina lal, tuta awinaw nauhai sûnga sin thaw zingtu thlarau dân ang hin.

PHILIPPI 2:15

suon rilo le kâwmawhai laiah, demkâilo le pawitâwklo, Pathien nau sawisêlbohai in ni theina dingin. Annirawi laia hringna thu in inhlan pha chun, khawvêla hin sukvartu dingin insuklang ro.

1 JOHAN 4:5

Anni chu khawvêla mi an na, chuleiin khawvêla mi angin an ṭawng a, khawvêlin an thu an ngai hlak a nih.

1 JOHAN 4:7

Dittakhai, inhmangai tuo seng ei tiu; hmangaina hi Pathiena inthawka suok a ni si a; mi tin, hmangaina nei taphawt chu Pathien inei an ni ta a, Pathien an hriet bawk a.

1 JOHAN 5:19

Chun, Pathiena inthawk ei nih ti le, khawvêl pumpui hi Mi Suol thu thuin a um ti ei hriet.

THUPUONGSUO 12:9

Chun, dragon lientak, Rûlpui tar, Diebol le Setan an ti, khawvêl po po hlêmtu chu, an pei thlâk ta a; hnuoiah an pei a, a tirkohai khawm an pei thlâk sa ve a.