1 KORINTH 5:1 - Pathien Lekhabu Inthieng (BSI)

¹ Nangni lai inditna pawrche a um ti ân thang veng vung a nih, chuong ang inditna chu Jentailhai lai hmana um ngai lo, nangni laia mi pakhatin mâni pa nuhmei a nei kha.

1 KORINTH 5:1 ပူးပေါင်းရင်းမြစ်များ

INṬANNA 35:22

Israel chu chu rama a um lai chun, Reubenin a pa thaikêm Bilha chu a va zâlpui a; chun, Israel chun chu chu a hriet a. Tuhin Jakob naupasalhai chu sâwmpahni an ni tah.

INṬANNA 37:2

Hieng hi Jakob thlahai chu an nih: Josef chu kum sâwmpasari a niin a uhai, a pa nuhmeihai Bilha le Zilpah naupasalhai leh ran ruol an inthla a. Josef chun an suol thukhawchâng chu a pa kuomah ân tlun a.

INṬANNA 49:4

Nisienlakhawm, tui anga det lo i ni a, Chunghnungtakna chu nei naw ti nih, I pa khumpui i kai leiin: Chun, chu chu i sukpawrche a, ka zâlnaah i kai kha.

2 SAMUEL 16:22

Chuongchun, Absalom ta ding chun in chungah puon in an zar a; chuongchun, Israel mi po pohai mithmuah a pa thâikêmhai kuoma chun a lût a.

2 SAMUEL 20:3

Chuongchun, David chun Jerusalema a in chu a tlung a; chun, lal chun nuhmei sâwm a thaikêmhai in nghâk dinga a siehai chu a ṭhuoi a, a khum a, an fâk ding a pêk a, nisienlakhawm, an kuomah a lût naw a. Chuongchun, an thi ni chena khuma umin, hmeithaiin an um ta a.

1 CHANCHIN SUINA 5:1

Israel nau lutîr Reuben naupasalhai chu (ama chu nau lutîr a na, nisienlakhawm, a pa khum chu a sukpawrche leiin a nau lutîr nina chu Israel naupa Josef naupasalhai kuoma chun pêk a ni tah a; chuleiin, a thlatu thu bul chu inthla dân pângngai anga ngai a ni ta naw a.

JEREMIA 2:33

Hmangaina zawng dingin i lampui chu ieng ang lâwmin am i uluk a! nuhmei rilohai ngei khawm chu i lampuihai chu în chûktir hiel el a.

EZEKIEL 16:47

An lampuihai chu i hrawin, an tirdakumnahaia chun i lungawi tâwk naw a; amiruokchu, hun sâwt nawtê sûngin i um dân po poah anni nêk hmanin i se lem a.

EZEKIEL 22:10

I sûnga chun an thlatuhai saruokna chu an hlîmpêk a; i sûnga chun nuhmei inthieng naw lai zâlpui an um a,

LEVI DÂN 18:8

I pa nuhmei saruokna i hlîm ding a ni nawh, i pa saruokna a nih.

LEVI DÂN 20:11

Pahai nuhmei zâlpuitu chu mâni pahai saruokna hlîmtu a na, sukhlum ve ve ngei ding an na, an thisen maw chu an chunga um a nih.

AMOS 2:7

rimsi lu chunga pilvut phul châk ngawi ngawi le, zainêmhai lampui sukkâwipêk hlakhai chu: chun, mi pakhat chu a pa leh nunghâk pakhat kuoma ka hming sukse dingin an fe hmunkhat hlak a!

THILTHAWHAI 15:20

milim biekna thil inthiengnaw fâk dâm, indit dâm, sa râkhlum le thisen fâk dâm bân dingin an kuomah ziek lem inla ka ti tak a nih.

THILTHAWHAI 15:29

milim biekna sa fâk dâm, indit dâm ma unla kan tih. Hieng hi in ma chun in ta dingin ṭhâng a tih. Damtakin um ro,” tiin.

1 KORINTH 1:11

Ka unauhai, in chungchâng thu chu, nangni lai insêlnahai a um ti Kloi sûnghai chun an mi hril a nih.

1 KORINTH 5:11

Tu ruok hin chu tûkhawm unau hming input siin indit hmang mi amanih, mi duâm amanih, milim betu amanih, inhalhmang amanih, zu inruihmang mi amanih, hlêpru mi amani ni sienla, pâwl lo dingin in kuomah ka ziek a nih; chuong ang mi kuoma chun a fâk khawm fa lo dingin.

1 KORINTH 6:13

Fâk dinghai chu phîng ta ding a na, phîng chu fâk dinghai ta ding a nih; nisienlakhawm, Pathienin sukbo ve vêng a tih. Chun, taksa hi inditna ding a ni naw a, Lalpa ta ding a ni lem: Lalpa khawm chu taksa ta ding a nih.

1 KORINTH 6:18

Indit hi tlânsan ro. Mihriem isuksuol tinrêng hi taksa puotiengah a nih; mi dit hmang ruok chun ama taksa chungah a suksuol a nih.

1 KORINTH 6:9

Anleh, mi felnawhai chun Pathien ram hluo naw ni hai ti in hriet naw am a nih? Hlêmin um naw ro; indithmanghai amanih, milim betuhai amanih, uirehai amanih, mihurhai amanih, mawngkawhurhai amanih,

2 KORINTH 12:21

ka hung nâwk pha ka Pathienin nangni lai mi sukmuolpho nâwkin, kha hmaa thil suksuoltuhai lai thil inthiengnaw thaw dâm, indit dâm, hur dâm, chînga sim si lo mi tamtakhai chu ṭa rawi ka tih, ti kân lau in sawnnaw.

2 KORINTH 2:5

Nisienlakhawm, tûkhawmin mihai a suklungngai chun, keima chau a mi suklungngai a ni naw a; hril uor taluo ni lovin, iemani chenah, a sukna seng cheu a nih.

2 KORINTH 7:12

Chuongchun, in kuomah ziek lang khawm a suol thawtu lei khan ka ziek naw a, a suol tuortu lei khan ka ziek bawk naw a, kan chunga in ṭhahnemngaizie Pathien mithmua in kuoma inhriettira a um theina dingin ka ziek lem a nih.

GALATI 5:19

Chun, tisa thilthawhai chu ân lang fel a nih; chuong chu hieng hi an nih: inditna dâm, inthiengnawna dâm, hurna dâm,

EPHESI 5:3

Nisienlakhawm, mi inthienghai thawa mawi âwm tak hrimin, inditna le inthiengnawna po po, duamna leh nangni laiah a sâma sâm khawmin um naw raw se;

DÂN PAHNINA 22:30

Miin a pa nuhmei zâlpuiin a pa a sukmuolpho ding a ni nawh.

DÂN PAHNINA 27:20

“‘A pa nuhmei zâlpuitu chu ṭawngsephurin um raw se, a pa dierkei hlîm a ni leiin,’ tîng an ta, mipui po po chun, ‘Amen’ an lo ti ding a nih.

KOLOSSA 3:5

Chuongchun, nangnia um hnuoi tieng thilhai chu sukhlum ro, inditna dâm, inthieng nawna dâm, hurna dâm, châkna suol dâm, duâmna dâm hi, duâmna chu milim biekna a ni si a.

1 THESSALONIKA 4:7

Pathienin inthieng naw dingin a mi ko si naw a, inthieng dingin a mi ko lem a nih.

THUPUONGSUO 2:21

Simna dingin a kuomah hun bi ka tuk a, nisienlakhawm, mi dit a chîng chu a sim nuom nawh.

THUPUONGSUO 21:8

Amiruokchu, mi dawi dâm, awinaw dâm, tirdakum dâm, tuolthat dâm, indit hmang dâm, dawithiem dâm, milim bie dâm, khêlinhlip po po dâm chan ding chu mei le kâta kâng dîla chun um a tih; chu chu thi hnina chu a nih,” a ta.

1 SAMUEL 2:24

Ni lo, ka naupasalhai, in chanchin ka lo hriet hi a ṭha naw tieng ruok a nih; Lalpa mihai chu in inbawsiettir a nih.