1 KORINTH 4:5 - Pathien Lekhabu Inthieng (BSI)

⁵ Chuongchun, a hun hma hin iengkhawm fie naw ro, Lalpa hung hmakhat chu, ama chun inthima thil thuphmanghai chu varah hung la suok a tih, lungrila tumhai khawm chu suklang bawk a tih; chu pha chun mi tinin Pathien kuoma chun an chantâwka inpâkna hlaw seng tâng an tih.

1 KORINTH 4:5 ပူးပေါင်းရင်းမြစ်များ

JOB LEKHABU (THE BOOK OF JOB) 12:22

Inthima inthawkin thil inthûktakhai chu a hmu suok a; Thina varuom chu varah a hung lâk suok ta a.

THUVARHAI 12:8

Mi chu a varna anghu peiin hrilmawi nîng a ta, Lungril khêlinhlip nei mi ruok chu ngainêp nîng a tih.

THUHRILTU 11:9

Aw tlangvâl, i tlangvâlnaa chun hlim rawh; i vânglai nihaia chun i lungril chu hlim sienla, i lungril lampui chu hraw la, i mithmu ngeia chun; amiruokchu, hieng thil po poa ding hin Pathien chun rorêlnaah a ṭhuoilût ding che a nih ti hre rawh.

THUHRILTU 12:14

Pathien chun sin tinrêng chu rorêlnaah a hung lâk lût ding a ni si a, thil inthuphai po po le, a ṭha khawm a ṭha naw khawm chu.

JEREMIA 16:17

An lampuihai po po chu ka mit chun a en zing a, ka hmaia inthawka thup an ni naw a, ka mithmua inthawkin an suolnahai khawm chu thup a ni bawk nawh.

JEREMIA 23:25

‘Mang ka nei, mang ka nei,’ tia ka hminga thukhêla thuhriltuhai, zâwlneihaiin an hril chu ka hriet a.

HOSEA 8:13

Ka ta dingin inthawinahai inhlânin, inthawina sahai fa hai sien khawm, Lalpa chun a pawm nawh. Chuongchun, an rîtlona hre zing a ta, an suol hrem a ta, Aigupta ramah kîr nâwk an tih.

MALAKI 3:18

Chun, hung kîr tâng in ta, Pathien rawng bâwl mi le a bâwl naw mi, thil khawhlo le thil fel chu thlier tâng in tih,” a ta.

MATTHAI 10:26

“Chuongchun, anni chu ṭi naw unla; inlang lo dinga thup hmang iengkhawm a um si naw a; hriet naw dinga ip iengkhawm a um bawk nawh.

MATTHAI 24:30

Chu phâ chun Mihriem Naupa inchikna chu vânah inlang a ta, chun, hnuoia um chi tinin an âwmhai chum an ta, Mihriem Naupa hi thilthawtheina le ropuina nasatak leh vân sûm chunga hung hmûng an tih.

MATTHAI 24:46

A pu a hung phâleh suok chuong anga thawa a hung hmu ding chu a hamṭha.

MATTHAI 25:21

A pu chun a kuomah, ‘Suok ṭha le ringum, i thaw ṭha ie! tlâwmte chungah ring i um a, tamtak chungah inumtir ka ti che, i pu lâwmnaah lût rawh,’ a ta.

MATTHAI 25:23

A pu chun a kuomah, ‘Suok ṭha le ringum, i thaw ṭha ie! tlâwmte chungah ring i um a, tamtak chungah inumtir ka ti che; i pu lâwmnaah lût rawh,’ a ta.

LUKA 6:37

“Sawisêl naw ro, chuongchun, sawisêlin um naw ti niu. Tukhawm thiemnawah ruot naw ro, chuongchun, inthiemlovin um naw ti niu. Ngaidam ro, chuongchun, ngaidamin um in tih.

JOHAN 21:22

Isûn a kuomah, “Ka hung nâwk chena um zing dingin dit lang lem chu, chu chu ienga i hmang ding am a na? Nangin mi zui el rawh,” a ta.

JOHAN 21:23

Chuongchun, chu inchûktir chu thi naw dingin a thu unauhai lai ân thang ta a. Nisienlakhawm, Isûn thi naw ni ti a kuomah a hril si nawh, “Ka hung nâwk chena um zing dingin dit lang lem chu, chu chu ienga i hmang ding am a na?” a ti el a ni si a.

JOHAN 5:44

“Nangni inchawimawituo lâwmhai, iengtin am ring thei in ta? Pathien tak chaua suok chawimawina chu in zawng si nawh.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:4

Mi dang siehlaw sawisêltu chu tu am i ni leh? a ngîr le a tlûk chu ama hotupa ta ding a nih. Nisienlakhawm, ama chu inngirtirin um a tih, Lalpa chun ân ngîrtir thei si a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:1

Chuleiin, aw mihriem, mi sawisêltu tûkhawm ni la, suonlam hrim i nei nawh, mi dang i sâwisêlna ngeia chun nang le nang thiemnaw inchangtir i nih i sawnnaw! nang a sawisêltu ngei khawma, chuong ang thil chu i thaw ve hlak si a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:16

Pathienin ka Chanchin Ṭha hril anga mihriemhai thurûk Isu Krista hmanga a ngaituo ni chun chuong ang chu nîng a tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:29

Amiruokchu, ân lang el ni lova Juda mi ni chu Juda tak a nih; chun, sertan tak chu lungril tienga tan a nih, Lekha thu ela ni lovin, Thlarauah a nih; ama chun mihriem inpâk a hlaw naw a, Pathien inpâk a hlaw lem hlak.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:7

thil ṭha thaw fan fana, ropuina le chawimawina le bohmang thei nawna zawngtuhai kuoma chun kumkhuoa hringna pêng a tih.

1 KORINTH 1:7

chuongchun, ei Lalpa Isu Krista hung inlangna nghâka in um sung hin thlarau tieng thilpêk hrim in tlasam naw a.

1 KORINTH 11:16

Tukhawmin, hi thu hi a lo sêl a ni khawmin, chuong ang bâk chu dân dang hrim ei nei nawh; Pathien kohranhai khawma an nei bawk nawh.

1 KORINTH 11:26

Chu bei chu in fâk a, no chu in dâwn zâtin, Lalpa hung nâwk hmakhat a thina chu in puong hlak a ni si a.

1 KORINTH 15:23

Nisienlakhawm, mâni hun seng peiah, keitho ning an tih: ahmasa takin Krista, tho hmathuoitu; chu hnungah, a hung phaleh Ama tahai po.

1 KORINTH 3:13

ni chun a suklang ding a ni si a, meiin ân lâr ding a ni leiin, mei ngei chun mi tin sinthaw chu ieng ang am a ni fie tâng a tih.

1 KORINTH 3:14

Tû sinthaw khawm a chunga a bâwl chu a um zing chun, ama chun lâwmman hmûng a tih.

1 KORINTH 3:8

Chun, a phuntu le tuia châwmtu pumkhat an nih, nisienlakhawm, mâni sinthaw ang peiin lâwmman hmu ve vêng an tih.

2 KORINTH 10:18

Mâni inhrilmawi chun inpâk a hlaw si naw a, Lalpain a hrilmawi chun inpâk a hlaw lem hlak.

2 KORINTH 10:9

ka lekhathawnhai chun sukṭit cheu tum anga kân lang nawna dingin chu chu ka ti a nih.

2 KORINTH 4:2

thil inzâpuium inthuphai chu kan mâk ta lem a; zâwrna thu kan hmang naw a, Pathien thu mi hlêmnain kan hmang bawk naw a; thutak inhriettirin Pathien mithmuin mi tin sie le ṭha hrietna mit kan intlungtir lem hlak a nih.

2 KORINTH 5:10

Mi tinin taksaa ei thilthawhai a sie a ṭhaa ei thaw ang peia ei hmu seng theina dingin, Krista rorêlna ṭhungpha hmaa chun suklangin ei um vawng ding a ni si a.

1 THESSALONIKA 5:2

Lalpa Ni chu zâna inru angin a hung tlung ding a nih ti nangni ngeiin chiengtakin in hriet si a.

HEBRAIHAI 4:13

Thil siem ama mithmua inlang naw hrim hrim a um nawh. Ei chanchin ei intlunna ding mithmua chun iengkim saruok le inhawng sain a um lem a nih.

JAKOB 4:11

Unauhai, inhrilse tuo naw ro. Tûkhawmin a unau a hrilsietin amanih, a unau a sawisêlin amanih, Dân a hrilsietin Dân a sawisêl a nih; nisienlakhawm, Dân i sawisêl chun Dân zâwmtu i ni naw a, rorêltu i ni lem.

JAKOB 5:7

Chuongchun, unauhai, Lalpa hung nâwk hmakhat chu seltakin lo um ro. Ngai ta u, lo neitu chun ruo tui tla hmasa le nuhnung chu a hmu hmakhat chu seltakin hnuoi ra hlutak chu a nghâk hlak.

JAKOB 5:9

Unauhai, thiemnaw changa in um nâwna dingin inchier khum naw ro; ngai ta u, rorêltu chu kawtkhâr bulah a ngîr zing a nih.

1 PETER 1:7

in ringna fiena, rângkachak meia fie hnung khawma bohmang hlak nêka hlu lem chu, Isu Krista inlâr pha chun inpâkna le chawimawina le ropuina ding a hung ni theina dingin.

1 PETER 5:4

Chun, Berâm Vêngtu Laltak chu a hung inlang pha, ropuina lallukhum chuoi thei naw chu hmûng in tih.

2 PETER 3:12

Pathien Ni hung tlung ding hun chu ṭhahnemngaitakin beisei zing ro. Chu ni chu a tlung chun vânhai chu kângin bohmang a ta, thil bulhai khawm chu meia emtuiin um tâng an tih.

2 PETER 3:4

“A hung nâwkna ding thutiem chu khâwlai am a um a? Siem tîra inthawkin iengkim a um pângngai angin chi thlatuhai ininnghil nia inthawk ta kha a la um pei annâwm,” la tîng an tih.

JUDA 1:14

Chuong mihai chungthu chu Enok, Adama inthawka pasarina chun a hrillâwk a, “Ngai ta u, Lalpa chu a mi inthieng sîng khathai leh a hung:

THUPUONGSUO 1:7

Ngai ta u, ama chu sûmhai le chun a hung ding a nih; mit tinrêngin hmûng an ta, a suntuhai ngei khawm khan; khawvêla hnam po poin ama ṭa bawk an tih. Chuong angtak chun ning a tih, Amen.

THUPUONGSUO 20:12

Chun, mithihai a lien a chîn, lalṭhungpha hmaa ngîr ka hmu a. Chun, lekhabuhai an phar a,lekhabu dang Hringna bu chu an phar bawk a, mithihai chu lekhabuhaia ziek an thilthaw ang peiin rêlpêkin an um ta a.