1 KORINTH 4:19 - Pathien Lekhabu Inthieng (BSI)

¹⁹ Nisienlakhawm, Lalpain rem a ti chun, sâwtnawtê hnungah in kuomah hung ka tih; chuongchun, mi uonghai thu chu ni lovin, an thilthawtheina chu hre lem tâng ka tih.

1 KORINTH 4:19 ပူးပေါင်းရင်းမြစ်များ

THILTHAWHAI 18:21

“Pathienin a phal chun, in kuomah la hung nâwk ka tih,” tiin ṭawngbauṭhain a ṭhe a; Ephesia inthawk chu lawngin a fe ta a.

THILTHAWHAI 19:21

Chun, chuong zoa chun Paulain, Makedonia ram le Akaia ram chu fang suok phawt a, Jerusalema fe a lungril a, “Chutaka ka fe zo chun Rom ka sir bawk ding a nih,” a ta.

THILTHAWHAI 20:2

Chun, thu tamtaka inchûktirhai infui peiin chu ram chu a fang suok a, Grik ram a tlung ta a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:32

Pathien remti anga hlimtaka in kuomah ka hung a, ei hlim tlâng theina dingin.

1 KORINTH 11:34

In inkhâwm chu thiemnaw in chang phana a ni nawna dingin, a phîngṭâm chun inah hung fa zet raw se. Thil danghai chungchâng chu ka hung pha leh la kâwkhmûng ka ti cheu.

1 KORINTH 14:5

Chun, in rênga ṭawng hrietlohaia thu in hril ka nuompui cheu; nisienlakhawm, thu in hril ka nuompui nâwk zuol cheu a nih; kohranin insiemṭhatna an hmu theina dingin a hrilfie nâwk nghâl naw chun, thu hriltu chu ṭawng hrietlova thu hriltu nêk chun a ropui lem hrim hrim a nih.

1 KORINTH 16:5

Chun, Makedonia ram ka fang suok hnungin in kuomah hung ka tih: Makedonia ram chu ka fang hrim hrim ding a ni si a.

1 KORINTH 16:7

Tuta fe malam ela hmu cheu ka nuom naw a, Lalpain rem a ti chun in kuoma sâwt deu châm ka beisei si a.

1 KORINTH 2:6

Amiruokchu, puitlinghai lai chu thu var kan hril hlak; nisienlakhawm, hi khawvêl thu var chu a ni nawh, hi khawvêl rorêltu bohmang dinghai thu var chu a ni bawk nawh;

1 KORINTH 4:18

Chun, kei in kuoma hung nâwk ta naw ding ang elin ṭhenkhat in uong a nih.

1 KORINTH 4:6

Chun, unauhai, thu ziekhai chu in hmu khûm nawna dingin, keinia hin in inchûk theina dingin, chuong thuhai chu in ṭhatna dingin kei le Appolo kân bel a nih, nangni laia tûkhawmin pakhat suonga pakhat in uongkhum nawna dingin.

2 KORINTH 1:23

Nisienlakhawm, ka thlarau chunga hretu dingin Pathien ka ko a nih, nangni hla ding cheuin a nih Korinth khuoa ka hung ta naw.

2 KORINTH 10:9

ka lekhathawnhai chun sukṭit cheu tum anga kân lang nawna dingin chu chu ka ti a nih.

HEBRAIHAI 6:3

Pathienin rem a ti chun chu chu thaw ngei ei tih.

JAKOB 4:15

Chuongchun, “Lalpain rem a ti chun dam ei ta, chu chu, kha kha thâwng ei tih,” in ti ding hi a nih.