1 KORINTH 4:17 - Pathien Lekhabu Inthieng (BSI)

¹⁷ Chuleichun, Timothe, Lalpaa ka nau dittak le ringum chu in kuomah ka hung tir a nih, ama chun Kristaa ka umdân ram tina kohran tina ka închûktir hlak ang hi inhriettir nâwk a ti cheu.

1 KORINTH 4:17 ပူးပေါင်းရင်းမြစ်များ

THUVARHAI 13:17

Thangko khawhlo chu thil suolah a tlu hlak a, Aiawtu ringum ruok chu a hrisêl a nih.

NAMBAR 12:7

Ka siehlaw Mosie hi chu chuong ang chu a ni nawh; ka sûngkuo thu po poa chun ring a um a nih;

MATTHAI 24:45

“Suok ringum vartak, a puin a hun po leh an bu chan ding sem pêk dinga a sûnghai chunga hotua a siem chu tu tak am nîng a ta le?

MATTHAI 25:21

A pu chun a kuomah, ‘Suok ṭha le ringum, i thaw ṭha ie! tlâwmte chungah ring i um a, tamtak chungah inumtir ka ti che, i pu lâwmnaah lût rawh,’ a ta.

MATTHAI 25:23

A pu chun a kuomah, ‘Suok ṭha le ringum, i thaw ṭha ie! tlâwmte chungah ring i um a, tamtak chungah inumtir ka ti che; i pu lâwmnaah lût rawh,’ a ta.

THILTHAWHAI 16:1

Chun, Derbe le Lustraa chun a fe bawk a; chun, chutaka chun, a hming Timothe inchûktir pakhat a um; ama chu ringtu Juda nuhmei naupa a na, a pa ruok chu Grik a nih;

1 KORINTH 11:16

Tukhawmin, hi thu hi a lo sêl a ni khawmin, chuong ang bâk chu dân dang hrim ei nei nawh; Pathien kohranhai khawma an nei bawk nawh.

1 KORINTH 11:2

Iengkima in mi hriet zing lei le, thurosiehai ka hung hril angtaka in la vawng tlat leiin kân pâk cheu a nih.

1 KORINTH 11:34

In inkhâwm chu thiemnaw in chang phana a ni nawna dingin, a phîngṭâm chun inah hung fa zet raw se. Thil danghai chungchâng chu ka hung pha leh la kâwkhmûng ka ti cheu.

1 KORINTH 14:33

Pathien chu buoina Pathien a ni naw a, inremna Pathien a ni lem si a. Mi inthieng kohranhai po poa ang hin,

1 KORINTH 16:1

Chun, mi inthienghai ta dinga thawlâwm thu kha chu, Galati rama kohran hai kuomah thu ka pêk angin nangni khawmin lo thaw ve ro.

1 KORINTH 16:10

Chun, Timothe kha a hung tlung chun ṭi lova in kuoma a umna dingin fîmkhur ro; keiin ka thaw ang bawkin Lalpa sin chu a thaw si a.

1 KORINTH 4:14

Sukzak ding cheuin hieng thu hi ka ziek naw a, ka nau dittakhai anga infuina ding cheuin ka ziek lem a nih.

1 KORINTH 4:15

Kristaa chun inchûktirtu sîng khat nei unla khawm pa chu tamtak in nei si naw a nih; keiin Krista Isua chun Chanchin Ṭhain ka nei cheu a ni kha.

1 KORINTH 4:2

Hitaka hin enkawltu chu mi ringum ni a ngai bawk a nih.

1 KORINTH 7:17

Iengkhawm ni sienla, Lalpa chun mi tin kuoma a sem pângngai ang seng le, Pathienin mi tin a kona pângngai ang sengah um raw hai se. Chuong ang chun kohranhai po poah ka ruot hlak.

1 KORINTH 7:25

Chun, nunghâk inthieng tieng thua ruok chun Lalpa thupêk hrim ka nei naw a; nisienlakhawm, ringuma um dinga Lalpa kuoma inthawka lunginsietna hmu ka ni leiin ka ngaituo ang hril ka tih.

2 KORINTH 8:18

Chun, ama ruolin unaupa kan tir ve ta bawk a, ama chu Chanchin Ṭha kawnga an inpâk thu kohranhai po poah ân thang suok a.

EPHESI 6:21

Chun, nangni khawmin iengtin am ka um a, ka chanchin in hriet theina dingin, Tukik, Lalpaa unau dittak le ringumtak hin iengkim inhriettir a ti cheu:

PHILIPPI 2:19

Nisienlakhawm, in chanchin ka hrieta ka lungmuong ve theina dingin sâwt nawtê hnungah Timothe hi in kuoma hung tir Lalpa Isua chun ka beisei a nih.

PHILIPPI 2:22

Nisienlakhawm, ama hi chu fiea a um tâkzie in hriet, nauin a pa rawng a bâwl angin, Chanchin Ṭha sukdar kawngah rawng a mi bâwlpui hlak kha.

KOLOSSA 1:7

Epaphra, kan suok chanpui dittaka inthawka in inchûk ngei kha a nih. Ama hi kan aiawa Krista rawngbâwltu ringumtak a na.

KOLOSSA 4:9

Onisema, unau ringum le indiktak, nangni laia mi le hin. Anni chun hieng tienga thil umzie po po hi inhriettir an ti cheu.

1 TIMOTHE 1:18

Ka nau Timothe, inhmaa i chanchin an hril lâwk thuhai ang khan chu kâwkna thu chu kân kawltir che; chuong le chun, indona ṭha chu i do theina dingin;

1 TIMOTHE 1:2

Ringnaa ka nau taktak Timothe kuomah: Pathien ei Pa le, ei Lalpa Isu Krista kuoma inthawka lunginsietna dâm, zângaina dâm, inremna dâm hung um raw se.

2 TIMOTHE 1:2

Ka nau dittak Timothe kuomah, Pathien ei Pa le Krista Isu ei Lalpa kuoma inthawka lunginsietna dâm, zângaina dâm, inremna dâm um raw se.

2 TIMOTHE 2:2

Chun, hretu tamtakhai laia ka bâua thu i hriethai kha, chuong chu, mi ringum, mi danghai inchûktir sâwng thei dinghai kuoma chun inkawltir rawh.

2 TIMOTHE 3:10

Nang ruok chun ka închûktirna dâm, ka um dân dâm, ka thiltum dâm, ka ringna dâm, ka dawtheina dâm, ka hmangaina dâm, ka selna dâm i hriet hle kha;

TITA 1:5

Hi lei hin Kret thlierkâra khan ka mâksan che a nih: thil sukfel bâkhai chu i sukfel pei theina ding le, thu ka pêk che ang khan khaw tinah upahai i ruotna dingin;

THUPUONGSUO 2:10

I tuor dinghai hi ṭi naw; ngai ta, fiea i um theina dingin, Diebol chun nangni laia mi ṭhenkhat intângna inah a khum ding cheu a nih; chun, ni sâwm rinum tuor in tih. Thi chenin ringumin lo um rawh, chuongchun, hringna lallukhum pêng ka ti che.

THUPUONGSUO 2:13

Setan lalṭhungpha innghatna hmuna um i nih ti ka hriet. Nisienlakhawm, ka hming i ṭan tlat a, chun, ka thu hretu ringum Antipa, Setan umna hmuna nangni laia an that lai khawm khan, i ringna in phat chuong nawh.