1 KORINTH 4:15 - Pathien Lekhabu Inthieng (BSI)

¹⁵ Kristaa chun inchûktirtu sîng khat nei unla khawm pa chu tamtak in nei si naw a nih; keiin Krista Isua chun Chanchin Ṭhain ka nei cheu a ni kha.

1 KORINTH 4:15 ပူးပေါင်းရင်းမြစ်များ

NAMBAR 11:12

Hieng mipuihai po po hi ka nauhai bêk am an nih? An pi le an puhai ṭawng inkhâma pêk i tiem rama ṭhuoi lût dingin, ‘Nau pawmtuin nênê ne lai a pawm angin i ângsûngah pawm rawh,’ i mi ti ding ela ka ṭhuoi suok tâwl am an nih?

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:20

mi dang lungphûm chunga rem ka ni nawna dingin, Chanchin Ṭha chu Krista hming lama a umna ta hmuna chun hril lovin,

1 KORINTH 1:30

Nangni ruok chu ama zârah, Krista Isua chun in um a nih; ama chu Pathien kuoma inthawka ei ta dinga varnaa siem a nih, felnaa dâm, inthiengnaa dâm, intlannaa dâm leh.

1 KORINTH 15:1

Chun, unauhai, Chanchin Ṭha ka hril cheu kha inhriettir nâwk ka ti cheu; chu Chanchin Ṭha chu in lâwm a, chutaka bawk chun in ngîr a;

1 KORINTH 3:10

Pathien lunginsietna ka kuoma pêka um ang peiin in bâwl hotu tak vartak angin keiin lungphûm ka rem a, mi dangin a chungah in an bâwl a, nisienlakhawm, mi tin a chunga bawl dingziea chun fimkhur seng raw hai se.

1 KORINTH 3:6

Keiin ka phun a, Appoloin tuiin a châwm a, nisienlakhawm, Pathienin ân ṭhangtir a nih.

1 KORINTH 3:8

Chun, a phuntu le tuia châwmtu pumkhat an nih, nisienlakhawm, mâni sinthaw ang peiin lâwmman hmu ve vêng an tih.

1 KORINTH 9:12

Mi dang hmanin in chunga thuneina chu an chang chun, keini hi chang ding kan ni zuol a ni naw am nih? Nisienlakhawm, chu thuneina chu kan hmang nawh. Krista Chanchin Ṭha kan hluo nawna dingin iengkim kan tuor hrâm hrâm hlak a nih.

1 KORINTH 9:14

Chuong ang tak chun Lalpa chun Chanchin Ṭha hriltuhai chu Chanchin Ṭha chu an fâk hmuna dinga a ruot a nih.

1 KORINTH 9:16

Chanchin Ṭha hril lang khawm suong ding hrim hrim ka nei si naw a; thaw mâkmaw ka chungah ân nghat a ni si a; Chanchin Ṭha hril naw lang ka chung a rik ding a ni si a.

1 KORINTH 9:18

Ka lâwmman chu ieng am ni tâng a ta? Chanchin Ṭhaa ka thuneina chu ka hmang zo nawna dingin Chanchin Ṭha ka hril hin, hlaw boa Chanchin Ṭha rawng ka bâwl thei hi a nih.

1 KORINTH 9:23

Chanchin Ṭha leiin iengkim ka thaw hlak, chan ka nei ve theina dingin.

2 KORINTH 4:5

Mâni thu kan hril si naw a, Krista Isu chu Lalpa a ni kan hril lem hlak, keini khawm Isu leiin suok kan ni kan hril bawk hlak.

GALATI 3:24

Chuongchun, Dân chu ringna leia thiem ei chang theina dinga Krista kuom tienga a mi keihruoitu a lo nih.

GALATI 3:25

Nisienlakhawm, tuta ringna a hung tlung hnung hin, keihruoitu hnuoiah ei um ta naw a.

GALATI 4:19

Ka nauhai, Krista chu nangnia siem puitlinga a um hmakhat chu nauha invawiin kân vawi nâwk cheu hi.

2 TIMOTHE 4:3

Inchûktirna indik an ngai pei naw hun a la tlung ding a ni si a; an nahai ân za leiin anni dit zâwng angin inchûktirtuhai an kuomah inkhâwm lem an tih.

TITA 1:4

Tita, ringna hmunkhata ka nau taktak kuomah: Pa Pathien le Krista Isu ei Sandamtu kuoma inthawka lunginsietna le inremna um raw se.

PHILEMON 1:19

Kei Paulain keima kut ngeia ka ziek a ni hi; keiin thung pêk ka tih, ka kuoma nangma ngei khawm în batzie hril che lem chu ka ni nawh.

JAKOB 1:18

A thilsiemhai hma ṭhuoitu ang ei lo ni theina dingin ama dit zâwngin thutaka inthawkin a mi nei a nih.

1 PETER 1:23

Chi se theia inthawkin ni lovin, Pathien thu hring zing le um zinga chun, chi se thei nawa inthawka pieng thar in ni si a.