1 KORINTH 4:14 - Pathien Lekhabu Inthieng (BSI)

¹⁴ Sukzak ding cheuin hieng thu hi ka ziek naw a, ka nau dittakhai anga infuina ding cheuin ka ziek lem a nih.

1 KORINTH 4:14 ပူးပေါင်းရင်းမြစ်များ

EZEKIEL 3:21

Amiruokchu, mi fel chu vaulâwkna i nei a, mi fel chu a lo suol naw a, suol a thaw naw chun, ama chu hring ngei a tih; vaulâwkna chu a pawisak lei chun, nang khawma i thla chu sanhim i tih.

THILTHAWHAI 20:31

Chuleiin, ngaiven ro; kum thum rau, mitthli tla pumin asûn azâna, mi tin hal ka ma naw kha hre zing ro.

1 KORINTH 15:34

Feltakin har unla, suksuol naw ro; ṭhenkhat chun Pathien hrietna hrim in nei naw hi; hi hi in inzakna dinga ka hril a nih.

1 KORINTH 4:15

Kristaa chun inchûktirtu sîng khat nei unla khawm pa chu tamtak in nei si naw a nih; keiin Krista Isua chun Chanchin Ṭhain ka nei cheu a ni kha.

1 KORINTH 4:17

Chuleichun, Timothe, Lalpaa ka nau dittak le ringum chu in kuomah ka hung tir a nih, ama chun Kristaa ka umdân ram tina kohran tina ka închûktir hlak ang hi inhriettir nâwk a ti cheu.

1 KORINTH 6:5

In inzakna dingin ka hril a nih. A unau kâra thu sukthlu thei, mi var pakhat khawm nangni lai in hmu thei naw nîng a ti maw!

1 KORINTH 9:15

Nisienlakhawm, kei chun chuong chu pakhat khawm ka hmang naw a nih; ka chungah chuong anga in thawna dinga ka ziek a ni bawk nawh; tûkhawmin ka isuong hi iengkhawm ni lova an siem nêk chun thi el lang ka ta dingin a ṭha lem si a.

2 KORINTH 11:11

Ieng leiin am? Ka lunginsiet naw lei cheu am a nih? Ka lunginsiet zie cheu chu Pathienin a hriet.

2 KORINTH 12:19

Tuta sûng po hin nangni kuomah kan thiemna thu hrilah in mi ring zing a ni âwm a. Kristaa chun Pathien mithmuah a nih thu kan hril chu. Nisienlakhawm, dittakhai, iengkim hi nangni siem ṭhatna ding a nih.

2 KORINTH 7:3

Chu chu thiemnaw inchangtir ding cheuin ka ti a ni naw a, thi leh thi tlânga, dam leh dam tlâng dingin kan lungrila hin kan invawi cheu ti inhma el khan ka hril cheu kha.

KOLOSSA 1:28

Mi tin Kristaa chun ṭha famkima kan inngîrtir theina dingin, mi tin infuiin, mi tin varna tinrênga inchûktirin a chanchin kan hril hlak hi;

1 THESSALONIKA 2:11

pain ama nauhai chunga a thaw angin in chunga kan thawzie kha in hriet, infui le thlamuon le inhriettir cheuin, in chung senga kan thawzie kha;

1 THESSALONIKA 5:14

Chun, unauhai, kan ngên cheu, dân ang nawa umhai chu kâwk unla, lungril chînhai chu infui unla, a hrât nawhai chu ṭhangpui unla, mi po po chungah dâwthei takin um ro.

2 THESSALONIKA 3:14

Chun, tûkhawmin hi lekhathawna kan thu hi a zâwm naw chun, ama chu inchik unla, pâwl dêr naw ro, ân zak theina dingin.

PHILEMON 1:10

ka nau Onesima, kawl bun puma ka inei ta ding hin i kuomah ka ngênpêk a nih.

1 JOHAN 2:1

Ka nauhai, thil in suksuol nâwna dingin hieng thu hi in kuomah ka ziek a ni hi. Tûkhawmin thil a suksuol chun, Pa kuoma mi hrilpuitu Isu Krista mi fel chu ei nei.

3 JOHAN 1:4

Ka nauhai thutakah an um ti ka hriet nêka lâwmna nasa lem hrim ka nei nawh.