1 KORINTH 4:12 - Pathien Lekhabu Inthieng (BSI)

¹² mâni kuta sin thawin kan inrim hle hlak a, miin an mi halin mal kan sâwmpêk a, miin an mi suknawmna leh kan tuor fan fan a;

1 KORINTH 4:12 ပူးပေါင်းရင်းမြစ်များ

MATTHAI 5:11

“Miin keima leia an hal cheu a, an suknawmna cheu a; khêla suol tinrêngin an hêk pha cheu, in la hamṭha ding a nih.

MATTHAI 5:44

Kei ruok chun ka hril cheu hi, in hmêlmahai chu hmangai unla; a suknawmnatuhai cheu chu ṭawngṭaipêk ro;

LUKA 23:34

Chun, Isûn, “Pa, anni hi ngai- dam rawh, an thilthaw hi an hriet naw a ni hi,” a ta. Chun, a silfênhai chu an insemin ṭhum an vâwr a.

LUKA 6:28

ṭawngsie inphurtuhai cheu chu malsâwmpêk unla, a sawisatuhai cheu chu ṭawngṭaipêk ro.

JOHAN 15:20

‘Suok a pu nêkin a ropui nawh,’ ti thu ka hril ta cheu kha hre zing ro. Annîn kei an mi suknawmna ta chun, nangni khawm suknawmnâng an ti cheu; ka thu an zâwm ta chun nangni thu khawm zâwm an tih.

THILTHAWHAI 18:3

Chun, Paula chu anni ina chun a tlung ta a; chun, an sinthaw ang thaw a ni leiin anni a hrawn a, an kuomah a thaw ve hlak a; an sinthaw chu puon in siem a nih.

THILTHAWHAI 20:34

Hi kuthai hin kei le ka ruolhai pawimaw chu a them suok hlak kha nangni ngeiin in hriet a.

THILTHAWHAI 7:60

Chun, a dingṭhaṭhuon a, rawl inringtakin a khêk a, “Lalpa, hi an thil suksuol hi an chungah maw inphurtir naw rawh,” a ta. Chu thu chu a hril zo phingleh a ininnghil ta a. Saula khawm chun a thi chu a remti a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:14

A suknawmnatuhai cheu chu malsâwmpêk unla, ṭawngsie chu in phur naw ro.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:20

Chuleiin, i hmêlma a phîng a ṭâm chun fâk ding pe la, a dang a châr chun dâwn ding pe rawh; chuong anga i thaw chun a lu chunga meiling i sie khâwl nîng a tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:35

Krista hmangainaa inthawk chu tuin am mi ṭhêng a ta? Rinumnain amanih, lungngainain amanih, suknawmnatnain amanih, ṭâmin amanih, saruoknain amanih ṭiumin amanih, kâwlhnâmin amanih a mi ṭhe ding am a nih?

1 KORINTH 9:6

kei le Barnabain thu kan nei naw bîk am a nih?

2 KORINTH 11:8

Nangni rawng ka bâwl theina dingin an kuoma inthawka hlaw lain, kohran danghai sum ka sukhekpêk a.

EPHESI 4:28

Inruhmang chun inru ta naw sien la, a tlasam kuoma pêk ding a nei theina dingin a kuta thil ṭha thawin inrim lem raw se.

1 THESSALONIKA 2:9

Unauhai, kan thaw sâwlzie le kan sin inrimzie kha in hriet zing deh! nangni laia tûkhawm kan sukkhâwk nawna ding cheuin a sûn a zâna sin thawin, Pathien Chanchin Ṭha kan hril hlak cheu kha.

2 THESSALONIKA 3:8

Tu kuta inthawk khawma in bu a thlâwnin kan fak ngai bawk naw a, nangni laia tukhawm kan sukkhâwk nawna ding cheuin, a sûn a zâna inrimtaka sin thaw pumin kan fâk lem a nih.

1 TIMOTHE 4:10

Chuongchun, Pathien hring chu ei awi leiin sin ei inrim a; ei thaw hrâm hrâm a nih, ama chu mi po po sandamtu a na, ama ringtuhai sandamtu a ni bîk tak a nih.

1 PETER 2:23

Mi hala a um laiin a hal ve thung naw a, a tuor laiin a vau naw a, feltaka ngaituo hlaktu kuoma chun ân pêk lem a nih.

1 PETER 3:14

Nisienlakhawm, felna leia lo tuor ta dâm in ni chun, hamṭhâng in tih. An ṭitumna chu ṭi naw unla, lunginzîng bawk naw ro.

1 PETER 3:9

Suol suolin thung naw unla, halna halna vêkin thung naw ro; malsâwm hlau lem ro. Hi hi lei hin ko in ni si, malsâwmna chang dingin.

1 PETER 4:19

Chuleiin, Pathien remti zâwng anga tuorhai chun, thil ṭha thawin an thlarauhai chu Siemtu ringumtak kuomah inkawltir raw hai se.

JUDA 1:9

Nisienlakhawm, Mikael, vântirko chunghnungtak hman khan, Diebol le an inbeia a, Mosie ruong thua an insêl laiin, Diebol chungthu rêl pêkin a hrilsiet ngam naw a, “Lalpân hal lem raw se che,” a ti ta lem a.