1 KORINTH 4:10 - Pathien Lekhabu Inthieng (BSI)

¹⁰ Keini chu Krista leiin mi invêt kan nih, nangni ruok chu Kristaa chun mi var in ni lem a nih! Keini chu kan hrât naw a, nangni ruok chu in hrât a nih! Nangni chu mi inpâkin in um a, keini ruok chu mi hmusitin kan um a nih.

1 KORINTH 4:10 ပူးပေါင်းရင်းမြစ်များ

2 LALHAI 9:11

Chuongchun, kawt a hawng a, a tlân suok ta a. Chun, Jehu chu a pu upahai lai chun a hung suok a; pakhat chun a kuomah, “Ṭha tieng thu am a nih? Kha invêtpa kha i kuoma iengtiziea hung am a ni leh?” a ta. Chun, ama chun an kuomah, “In hriet mi a na, a thu hril khawm kha in hriet annâwm,” a ta.

THUVARHAI 11:12

A tuolbâwm ngainêptu chu varna bo a nih, Mi hrietthiemna nei mi ruok chu a to ṭawk ṭawk.

ISAI 53:3

Ama chu mihriemhai hmusit le dit nawin a um a; lungngainahai nei mi le natna hre mi a na, mihaiin an hmai an hipsan ang ang chun ama chu hmusitin a um a, eini hlak chun ama chu ei ngaisâng si nawh.

HOSEA 9:7

Hremna nihai chu a hung tlung a, Thungna nihai chu a hung tlung ie! Israel chun chu chu hrieng a ta; I rîtlona chu a tamin intaina a tam leiin. Zâwlnei chu ân vêt a, thlarau mi chu ân hâi a nih.

MATTHAI 24:9

“Chu phâ chun rinum tuor dingin inmantir an ti cheu a, sukhlum an ti cheu a; ka hming leiin hnam po po theida nîng in tih.

MATTHAI 5:11

“Miin keima leia an hal cheu a, an suknawmna cheu a; khêla suol tinrêngin an hêk pha cheu, in la hamṭha ding a nih.

LUKA 10:16

“Tûkhawm nangni thu ngai chu keima thu ngai a nih; tûkhawm a dit naw cheu chu kei a mi dit naw a nih; tûkhawm kei mi dit naw chu a mi tirtu dit naw a nih,” a ta.

LUKA 18:9

Chun, mi feltak ni inringa, mi dang po po hmusit hlak, tuhai amani kuoma khawm chun hi tekhithu hi a hril a:

LUKA 6:22

“Mihriem Naupa leia mihaiin an theida cheu a, an tuithlâra an hal cheu a, in hming a ṭha nawh tia an pei hmang dêr phaleh in la hamṭha ding a nih.

THILTHAWHAI 17:18

Chun, Epikuria mi le Stoik mi laia mi var tuhai amanih khawmin ama chu an hung sêl a, a ṭhenin, “Hi mipa bautam hin ieng am hril a tum a?” an ta. A ṭhenin, (Isu thu le thonâwkna thu a hril leiin,) “Ram dang pathienhai thu hriltu a ni âwm ie,” an ta.

THILTHAWHAI 17:32

Chun, mithi laia inthawka thonâwkna thu chu an hriet phingleh a ṭhenin an nuisan a; a ṭhenin, “Hi thu hi i kuomah la ngai nâwk kan tih,” an ta.

THILTHAWHAI 26:24

Chun, chuong anga a thiemna thu a hril laiin, Festa chun rawl inringtakin, “Paula, în vêt a nih, în chûk tamin a sukvêt che a nih,” a ta.

THILTHAWHAI 9:16

Ka hming leiin rinum ieng anga nasa am a tuor ding a kuomah lân hriettir ka tih,” a ta.

1 KORINTH 1:21

Pathien varnaa chun khawvêlin varna hmanga Pathien an hmu thei naw hnungin thu hril invêt hmanga a ringtuhai sandam chu Pathienin ṭha a ti hle si a.

1 KORINTH 1:23

keini ruok chun Krista hemdea um thu chu kan hril lem hlak a ni hi; chu chu Judahai ta dingin tlûkna, Jentailhai ta dingin invêtna a nih.

1 KORINTH 1:25

Pathien invêtna chu mihriem varna nêkin a var lem a, Pathien hrâtnawna khawm mihriem hrâtna nêkin a hrât lem si a.

1 KORINTH 10:12

Chuleiin, ngîra inngai in ni chun, in tlûk nawna dingin fimkhur ro.

1 KORINTH 2:14

Khawvêl mi chun Pathien Thlarau thil chu a lâwm ngai nawh, ama ngaia chun invêtthlâk a ni si a; Thlaraua hriet chieng a ni leiin a hriet thei naw hrim a nih.

1 KORINTH 2:3

Chun, hrâtnaw le ṭiin, nasataka inthin pumin in kuomah ka um a.

1 KORINTH 3:18

Tûkhawmin ama le ama inhlêm naw raw se. Nangni laia tûkhawm hi khawvêla vara inngai chu a hung var theina dingin mi invêtah hung inchang phawt raw se.

1 KORINTH 3:2

Bu ni lovin, nênetuiin ka châwm cheu kha, bu in la fâk thei naw leiin; anih, tu khawm hin in la fâk thei naw rawp a nih, tisa mi in la ni rawp leiin.

1 KORINTH 4:8

Tuta inthawkin in tlai ta a, tuta inthawkin in hausa ta a, kan ṭhang lovin ro in rêl a ni ta hi! Anih, ro rêl tak tak unla kan nuom a nih, keini khawma nangni le ro kan rêl theina dingin.

2 KORINTH 10:10

“A lekhathawnhai chu a rikin a ngar a, a taksa tieng ruok chu a âwmnêm a, a ṭawng khawm insit a um a nih,” an ti si a.

2 KORINTH 11:19

nangni chu le, mi var in ni leiin invêthai chu lungawitakin indaw hlak si a.

2 KORINTH 11:29

Ka hrâtnawpui lova hrâtnaw tu am a um a? ka lungril sukna lova sukthlûk tu am a um hlak a?

2 KORINTH 13:9

Keini kan hrâtnaw lai khawma nangni in hrât hin kan lâwm hlak in sawnnaw; hi hi kan hni bawk hlak, nangni ṭhat famkimna ding hi.

2 KORINTH 4:12

Chuongchun, keinia hin thinain sin a thaw hlak a, nangnia ruok chu hringnain sin a thaw hlak a nih.

2 KORINTH 6:8

sukropuina le sukmuolphonain, hming hril siet le hming hril ṭhatin, hlêmtu angin, mi indiktak ni siin,

1 THESSALONIKA 4:8

Chuleiin, a pawisa nawtu chu mihriem pawisa naw a ni naw a, Pathien, a Thlarau Inthieng pe hlaktu cheu kha pawisa naw a ni lem.

1 PETER 4:14

Krista hming leia hal in ni chun in hamṭha; ropuina Thlarau le Pathien Thlarau chu in chungah a um si a.