1 KORINTH 4:1 - Pathien Lekhabu Inthieng (BSI)

¹ Keinirawi hi Krista rawngbâwltu le Pathien thurûk enkawltuah miin mi ngai raw hai se.

1 KORINTH 4:1 ပူးပေါင်းရင်းမြစ်များ

MATTHAI 13:11

Chun, ama chun a dawn a, an kuomah, “Vân ram thurûk chu nangni ihriet chu phal a nih, anni ihriet ruok chu phal a ni nawh.

MATTHAI 24:45

“Suok ringum vartak, a puin a hun po leh an bu chan ding sem pêk dinga a sûnghai chunga hotua a siem chu tu tak am nîng a ta le?

MARKA 4:11

Chun, ama chun an kuomah, “Pathien ram thurûk chu nangni hai hriet chu phal a na, puotienga mihai ta ding ruok chun iengkim tekhithua hril a nih;

LUKA 1:2

a tira inthawka mita hmutuhai le thu rawngbâwltuhaiin, an mi hril sawng ang tak khan, mi tamtakin ziek an tum ta hlak a;

LUKA 12:42

Chun, Lalpain, “Sum enkawltu ringum, var tak, a puin a hun poa an bu chan ding sempêk dingin a sûnghai chunga hotua a siem ding chu tû tak am nîng a ta?

LUKA 8:10

Ama chun, “Pathien ram thurûk chu nangni ihriet chu phal a na, mi dang kuoma ruok chu tekhithu chaua hril a nih; hmu hai sienla khawm, hmu naw an ni theina dingin, nain hrehai sienla khawm a ngaina an hriet thei nawna dingin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:25

Unauhai, hi thurûk hi in hriet naw ka nuom nghâl si naw a, chuong naw chun intivar in tih; Jentail famkimna a hung tlung hma chun Israel mi ṭhenkhat chungah ngawngna a hung tlung hri phawt a nih, ti hi.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 16:25

Tuhin ama chun, ka Chanchin Ṭha hril le, Krista thuhril le, kumkhuoa thurûk inthup suklanga um anga chun nangni a sukhrât thei cheu a.

1 KORINTH 2:7

Pathien thu var thurûk chu kan hril lem hlak a nih, thu var inthup, ei ropuina dinga Pathienin khawvêl um hmaa a ruot lâwk ta chu.

1 KORINTH 3:5

Appolo chu ieng am a ni leh? Paula khawm chu ieng am a na? Rawngbâwltu nangni inawitirtu cheu chau an nih in sawnnaw; chu khawm chu Lalpain a ipêk ang ve ve chau a nih.

1 KORINTH 4:13

miin an mi hrilsiet leh zaidamtakin kan hril hlak, tu chen khawm hin khawvêl hnâwlhnawk, thil po po hmunhnawk angin an mi siem a nih.

1 KORINTH 4:2

Hitaka hin enkawltu chu mi ringum ni a ngai bawk a nih.

2 KORINTH 11:23

Krista rawngbâwltuhai an ni maw? (invêt angin hang hril ka tih) ka ni lem hman hman a nih: sin thaw inrimnaahai nasa nâwk zuolin, intângna ina intângnaahai nasa nâwk zuolin, tiem sênglo vuoknahai, thi el theina vawi tamtak ka tuok a nih.

2 KORINTH 12:6

Suong nuom lang khawm invêt ni naw ning a, thu taktak ka hril ding a ni si a; nisienlakhawm, insûm ka tih; chuong naw chun, tûkhawmin an mi hmu ang le, keia inthawka thu an hriet ang nêkin mi ngai ropui lem rawi an tih.

2 KORINTH 4:5

Mâni thu kan hril si naw a, Krista Isu chu Lalpa a ni kan hril lem hlak, keini khawm Isu leiin suok kan ni kan hril bawk hlak.

2 KORINTH 6:4

Pathien rawngbâwltuhai angin iengkimah mi mit tlungin kan um lem hlak, nasataka selnaa dâm; hnawchêpnaa dâm,

EPHESI 1:9

a ditzâwng thurûk, a lungnizâwngtaka amaa thaw a itum chu eini kuomah mîn hriettirin,

EPHESI 6:19

Chanchin Ṭha thurûk huoitaka puong dinga ka bau ka ka a, thu inhriltira ka um theina dingin ka ta ding khawmin mi hnipêk ro:

KOLOSSA 2:2

An lungrilah thlamuongna nei a, hmangainaa insuikhâwma, kawng tinrêngah hrietchiengna hau a, Pathien thurûk, Krista ngei chu an hrietchieng thei ka nuom a nih.

KOLOSSA 4:3

Khuopa ka umna san, Krista thurûk chu hril dinga Pathienin thu ta dinga kawt a mi hawngpêk theina dingin, kei ngei khawm mi ṭawngṭai pêk ro;

1 TIMOTHE 3:16

Chun, Pathien ngaisakna thurûk chu sêl ruol lovin a ropui a nih: “Ama, taksaa hung inlang, Thlaraua thiem chang, Vântirkohai ihmu, Hnamhai laia tlânginsampui, Khawvêla mihai iawi, Ropuinaa zuk ṭhuoi ta chu,”

1 TIMOTHE 3:6

Ringthar a ni ding a ni naw a, chuong naw chun, chapoin um a ta, Diebol thiemnaw changna chu chang ve rawi a tih.

1 TIMOTHE 3:9

sie le ṭha hrietna inthienga ringna thurûk chu pawm mi an ni lem ding a nih.

TITA 1:7

Kohran hotu chu Pathien sum enkawltu a ni leiin sawisêlbo a ni ding a nih; mi kâwmaw, lunginrawm, uoin inrui hmang, mi vaw hmang, hlêpna inthieng nawa mi duâm a ni ding a ni nawh.

1 PETER 4:10

mi tinin, Pathien lunginsietna tinrêng enkawltu ṭha angin, Pathien thilpêk an dawnghai taphawt chu hmangin rawng inbâwl tuo seng ro.