1 KORINTH 3:9 - Pathien Lekhabu Inthieng (BSI)

⁹ Keini chu Pathien sinthawpuituhai kan ni si a, nangni Pathien lohma chu in na, Pathien in bâwl chu in ni bawk a nih.

1 KORINTH 3:9 ပူးပေါင်းရင်းမြစ်များ

INPÂKNA HLABU 118:22

In bâwltuhai lung dit naw kha, A kila lung ṭhangkaitak a lo ni tah.

INPÂKNA HLABU 72:16

Hnuoiah, tlâng chungahai hin bu tamtak um a ta, A vui chu Lebanon angin inhnîng suou suou a ta, Khuoa mihai chu hnuoi hlobet angin inno hlut hlut an tih.

THUVARHAI 9:1

Varna chun a in chu a bâwl a, A lungban pasarihai chu a phun ta a.

ISAI 32:20

Tui luongna po po panga chi the hlaktuhai le, bâwngchal le sabengtung inthla hlakhai, in hamṭha ie.

ISAI 61:11

Leihnuoi hin a thil indâwn chu ân suoktir hlak ang le, huon hin a sûnga thil chînghai chu ân mâwngtir ang hin, Lalpa Pathien chun felna le inpâkna hnam tinrêng hmaa chun ân dertir ding a ni si a.

ISAI 61:3

vut aia pâr ṭhi hrui dâm, lungngai aiah hlimna hriek dâm, nguina thlarau aiah inpâkna silfên dâm an kuomah pêka, Ziona lungngaia umhai ta dinga ruotpêk ding dâmin a mi tir a nih; ama chu chawimawia a umna dingin, felna thing, Lalpa phunhai ti an ni theina dingin.

ISAI 61:5

Ram dang mihai chun in ran ruolhai chu ngîrin intlattir an ta, hriet ngai naw mihai chu in hnuoi inlettuahai le in grêp hrui enkawltuahai um an tih.

JEREMIA 2:21

Grêp hrui ṭha mi, a chi indik tak ela ka phun vei che leh, iengtiziea ka ta dinga grêphrui danglam kûng suoka hung inchang el am i ni leh?

MATTHAI 15:13

Ama ruok chun, “Kûng po po ka Pa vâna mi phun naw chu phâwidawkin um an tih.

MATTHAI 16:18

Chun, nang Peter i nih ti ka hril che; hi lungpui chunga hin ka kohran rem ka ta, mithi khuo kul kawtkhârhai chun chu chu ngam naw ni hai.

MATTHAI 9:37

Chuongchun, a inchûktirhai kuoma chun, “Bu sîk ding a tam hle si a; nisienlakhawm, a sinthawtuhai an tlâwm.

MARKA 16:20

Chuongchun, anni chu an fe suok a, ram tinah thu an hril ta a; Lalpain anni ân thlawppui a, a zuitu inchiknahai chun an thu chu a sukdet pei a, Amen].

THILTHAWHAI 4:11

Nangni in bâwltuhai, in lung dehâwn, a kia lung ṭhangkaitak lo ni ta kha ama hi a nih.

1 KORINTH 3:16

Pathien in in ni le Pathien Thlarau nangniah a um ti in hriet naw am a nih?

1 KORINTH 3:6

Keiin ka phun a, Appoloin tuiin a châwm a, nisienlakhawm, Pathienin ân ṭhangtir a nih.

1 KORINTH 6:19

Anleh, in taksa chu in sûnga um Pathien kuoma inthawka in hmu Thlarau Inthieng in a ni ti in hriet naw am a nih? Mâni ta khawm in ni naw a,

2 KORINTH 6:1

Chun, Pathien lunginsietna chu ṭhathnempui lova in hmu nawna dingin, ama thawpuiin ka ngên cheu a nih.

2 KORINTH 6:16

Milimhai le Pathien biekin khawmin ieng am inremna an nei a? Eini chu Pathien hring biekin ei ni si a; Pathienin, “Anniah um ka ta, Anniah lêng bawk ka ta; Chun, an Pathien nîng ka ta, Anni khawm ka mihai nîng an tih”, a ti ang khan.

EPHESI 2:10

Thil ṭha thaw dinga Isu Kristaa chun siema umin, ama kut suok ei ni si a, chu thil ṭha thaw chu ei umna dingin Pathienin a buotsai lâwk a nih.

KOLOSSA 2:7

Amaa zung kei le, rem sâng deu deua umin, an inchûktir ang cheu khan, lâwmthu hrilna hauin, in ringnaa chun dettakin um ro.

1 TIMOTHE 3:15

Nisienlakhawm, ka la um sâwt tâk duoiin Pathien sûnghai laia mi iengtin am an um ding ti i hriet theina dingin ka ziek a nih; Pathien sûnghai chu Pathien hring kohran, thutak ban le innghatna chu an nih.

HEBRAIHAI 3:6

Krista ruok chu Pathien sûnghai chungah Naupaah ring a um a nih. A sûnghai chu eini hi ei nih, a tâwp chenin ei huoina le, ei beiseina suongum hi dettaka ei chel phawt chun.

1 PETER 2:5

ama kuoma chun hungin, nangni khawm lung hringhai angin thlarau tieng ina remin in um, Isu Krista zâra Pathien lâwm zâwng thlarau tieng inthâwina inhlân dinga, thiempu inthienghai in hung nina dingin.

3 JOHAN 1:8

Chuongchun, thutak thawpuituhai ei ni theina dingin chuong ang mi chu eini chun ei lâwm ding a nih.