1 KORINTH 3:6 - Pathien Lekhabu Inthieng (BSI)

⁶ Keiin ka phun a, Appoloin tuiin a châwm a, nisienlakhawm, Pathienin ân ṭhangtir a nih.

1 KORINTH 3:6 ပူးပေါင်းရင်းမြစ်များ

INPÂKNA HLABU 127:1

Lalpain in a bâwl naw chun, A bâwltuhai chu an inrim thlâwn el a nih: Lalpain khawpui a vawngṭha naw chun, A vêngtu chu a meng thlâwn el a nih.

INPÂKNA HLABU 62:11

Pathien chun vawikhat a hril a, E! hi hi vawi hni ka hriet tah: Thilthawtheina hi Pathien ta a nih ti hi.

INPÂKNA HLABU 62:9

Mi inhnuoihai hi iengkhawm an ni naw a, mi insânghai khawm hi khêl an nih; Bûknaa chun an inkâng dai a, Iengkhawm ni lo nêk khawmin an zâng lem a nih.

THUVARHAI 11:25

Mi tiktlai chu sukthâu nîng a ta, Tui buoktu chu, ama ngei khawm tui buokkhum nîng a tih.

ISAI 61:11

Leihnuoi hin a thil indâwn chu ân suoktir hlak ang le, huon hin a sûnga thil chînghai chu ân mâwngtir ang hin, Lalpa Pathien chun felna le inpâkna hnam tinrêng hmaa chun ân dertir ding a ni si a.

THILTHAWHAI 11:18

Chuong thu chu an hrietin an to ta a, “Chuong a ni chun, Pathienin Jentailhai khawm hring dingin sim a phal tah a ni chu,” tiin Pathien an inpâk ta a.

THILTHAWHAI 14:27

Chun, an tlung hnungin kohranhai chu an ko khâwm a, Pathienin anni hmanga, thil a thawhai po po le, Jentailhai ta dinga ringna kawtkhâr a hawngpêkziehai chu an hril a.

THILTHAWHAI 16:14

Chun, a hming Luda, puon senduk zawrtu, Thuotira khuoa mi, Pathien betu nuhmei pakhatin kan thu a hriet a; chun Paula thu hril zâwm dingin Lalpa chun a lungril a sukvar ta a.

THILTHAWHAI 18:24

Chun, Juda pakhat a hming Apollo, Alexandria khuoa pieng, thuhril theitak, Ephesia chun a zu fe a; ama chun Pathien Lekha thuhai a hriet nasa bêk bêk a.

THILTHAWHAI 19:1

Chun, Paula chu khaw sak biel a fang suok zet a, Apollo Korintha a um kâr khan Ephesi chu a tlung a, inchûktir tuhai amanih a hmu a;

THILTHAWHAI 21:19

Chun, Paulain anni chibai a bûk zoin, a rawngbâwlna hmanga Pathienin Jentailhai laia thil ân thawtirhai chu a kip a kawiin a hril a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:18

Jentailhai inâwitir dingin Kristain thilthaw le thu hrilin keima mi hmanga a thilthawhai chau naw chu iengkhawm hril ngam si naw ning a;

1 KORINTH 1:12

Hi hi a nih ka ti chu: Mi tinin, “Kei Paula pâwl ka nih,” “Kei Appolo pâwl ka nih,” “Kei chu Kipha pâwl ka nih,” “Kei chu Krista pâwl ka nih,” in ti tâwl hi.

1 KORINTH 1:30

Nangni ruok chu ama zârah, Krista Isua chun in um a nih; ama chu Pathien kuoma inthawka ei ta dinga varnaa siem a nih, felnaa dâm, inthiengnaa dâm, intlannaa dâm leh.

1 KORINTH 3:22

Iengkim hi in ta vawng a ni si a: Paula amanih, Appolo amanih, Kipha amanih, khawvêl amanih, hringna amanih, thina amanih, thil um tasahai amanih, a hung um dinghai le chun a rêngin in ta vawng a nih.

1 KORINTH 3:7

Chuongchun, ân ṭhangtirtu Pathien chau naw chu a phuntu chu iengkhawm a ni naw a, tuia châwmtu khawm chu iengkhawm a ni nawh.

1 KORINTH 9:1

Zalên ka ni naw am a nih? Tirko ka ni naw am a nih? Ei Lalpa Isu chu ka hmu ta naw am a nih? nangnirawi chu Lalpaa ka sinthaw in ni naw am a nih?

EPHESI 3:17

Krista chu ringna leia in lungril sûnga a chêng theina dingin; chuongchun, hmangainaa zung kei le, innghatna neia umin,

1 THESSALONIKA 1:5

khânga kan Chanchin Ṭha chu thu chaua tlung lova, thilthawtheina le Thlarau Inthieng le nasataka ring tlatna leh a hung tlung lem kha. Nangni hma sielin in chungah ieng ang mi am kan lo ni ta kha in hriet si a.