1 KORINTH 3:5 - Pathien Lekhabu Inthieng (BSI)

⁵ Appolo chu ieng am a ni leh? Paula khawm chu ieng am a na? Rawngbâwltu nangni inawitirtu cheu chau an nih in sawnnaw; chu khawm chu Lalpain a ipêk ang ve ve chau a nih.

1 KORINTH 3:5 ပူးပေါင်းရင်းမြစ်များ

MATTHAI 25:15

Suok pakhat kuomah talent nga a pêk a, suok dang kuomah talent hni, suok dang kuomah talent khat: an thaw thei tâwk ding ang sengin a pêk a; chuongchun, a fe ta a.

LUKA 1:2

a tira inthawka mita hmutuhai le thu rawngbâwltuhaiin, an mi hril sawng ang tak khan, mi tamtakin ziek an tum ta hlak a;

JOHAN 3:27

Johanin a dawn a, “Mihriemin iengkhawm an nei thei nawh, vâna mi pêk a ni naw chun,

THILTHAWHAI 18:24

Chun, Juda pakhat a hming Apollo, Alexandria khuoa pieng, thuhril theitak, Ephesia chun a zu fe a; ama chun Pathien Lekha thuhai a hriet nasa bêk bêk a.

THILTHAWHAI 19:1

Chun, Paula chu khaw sak biel a fang suok zet a, Apollo Korintha a um kâr khan Ephesi chu a tlung a, inchûktir tuhai amanih a hmu a;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:16

Jentailhai inhlânna chu, Thlarau Inthieng sukthienga lâwmtlâk an ni theina dingin Pathien Chanchin Ṭha kawngah thiempu sin ka thaw a nih.

1 KORINTH 12:28

Chun, Pathienin ṭhenkhat chu kohran lai a sie a, pakhatnaa chun tirkohai, a pahninaa chun thuhriltuhai, a pathumnaa chun inchûktirtuhai a sie a, chu hnunga chun thilmak thawhai an um a, chu zoa chun sukdam theina thilpêkhai, ṭhangpui theina thilpêkhai, rorêl thiemna thilpêkhai, ṭawng hrietlo chi tum tuma thuhril theina thilpêkhai a um nâwk a.

1 KORINTH 16:12

Ei unau Appolo thu kha chu, unauhai ruola in kuoma hung dingin ka ngên rak a, anachu, tuta ṭum chu hung a nuom naw tawp el; a remchâng pha ruok chu hung a tih.

1 KORINTH 3:10

Pathien lunginsietna ka kuoma pêka um ang peiin in bâwl hotu tak vartak angin keiin lungphûm ka rem a, mi dangin a chungah in an bâwl a, nisienlakhawm, mi tin a chunga bawl dingziea chun fimkhur seng raw hai se.

1 KORINTH 3:22

Iengkim hi in ta vawng a ni si a: Paula amanih, Appolo amanih, Kipha amanih, khawvêl amanih, hringna amanih, thina amanih, thil um tasahai amanih, a hung um dinghai le chun a rêngin in ta vawng a nih.

1 KORINTH 3:7

Chuongchun, ân ṭhangtirtu Pathien chau naw chu a phuntu chu iengkhawm a ni naw a, tuia châwmtu khawm chu iengkhawm a ni nawh.

1 KORINTH 9:17

Chu chu mâni ditthlangnaa ka thaw chun lâwmman ka nei a nih; nisienlakhawm, mâni ditthlangna lei a ni si naw chun Chanchin Ṭha enkawlna sin hi inkawltir el nîng ka tih.

2 KORINTH 11:23

Krista rawngbâwltuhai an ni maw? (invêt angin hang hril ka tih) ka ni lem hman hman a nih: sin thaw inrimnaahai nasa nâwk zuolin, intângna ina intângnaahai nasa nâwk zuolin, tiem sênglo vuoknahai, thi el theina vawi tamtak ka tuok a nih.

2 KORINTH 3:3

Krista lekha, keini a mîn ziektir, lekhatuia ziek nilo, Pathien hring Thlaraua ziek lem, lung phêka ziek ni lova, mihriem lungril phêkhaia ziek lem chu in nih, ti chiengtaka inlangtir a ni si a.

2 KORINTH 3:6

Ama bawk chun thuthlung thar rawngbâwltuahai a mîn tlin tir a; lekha thu ela rawngbâwltuahai ni lovin, Thlarau rawngbâwltuahai a ni lem; lekha thu ngawt chun a sukhlum hlak si a. Thlarau ruok chun a sukhring hlak a nih.

2 KORINTH 4:1

Chuleichun, lunginsietna kan hmu ang peia hi rawngbâwlna hi kan nei leiin kan dawl naw a;

2 KORINTH 4:5

Mâni thu kan hril si naw a, Krista Isu chu Lalpa a ni kan hril lem hlak, keini khawm Isu leiin suok kan ni kan hril bawk hlak.

2 KORINTH 4:7

Nisienlakhawm, thilthawtheina nasatzie chu keini kuoma inthawk ni lovin, Pathien ta a ni thei lemna dingin, chu ro chu pil bêlahai kan kawl a nih.

2 KORINTH 5:18

Nisienlakhawm, iengkim Pathiena inthawka suok a nih; ama chun Krista leiin ama le inremin a mi siem a, inremna rawngbâwl sin a mi pêk a;

2 KORINTH 6:1

Chun, Pathien lunginsietna chu ṭhathnempui lova in hmu nawna dingin, ama thawpuiin ka ngên cheu a nih.

2 KORINTH 6:4

Pathien rawngbâwltuhai angin iengkimah mi mit tlungin kan um lem hlak, nasataka selnaa dâm; hnawchêpnaa dâm,

EPHESI 3:7

A thilthawtheina thaw zie anga, a thlâwna a pêk, Pathien lunginsietna chu a mi pêk ang peia, chu Chanchin Ṭha rawngbâwltua siem ka nih.

KOLOSSA 1:23

Amiruokchu, in ringna chun innghatsan neiin dettakin in um ding a nih. Chanchin Ṭha in ihriet beiseinaa inthawk sawn hmangin um naw ro. Chu Chanchin Ṭha chu vân hnuoia thilsiem po po laia tlânginsampui a ni kha; kei Paula hi, chu rawngbâwltua siem chu ka nih.

KOLOSSA 1:25

Pathien thu hril kim dinga enkawlna sin Pathienin in ta dinga a mi pêk ang peiin chuonghai rawngbâwltua siem ka nih.

1 TIMOTHE 1:12

A mi sukhrâttu Krista Isu ei Lalpa kuoma chun lâwmthu ka hril a nih; ringumah a mi ngai a, a rawngbâwltuah a mi ruot ta leiin.

1 PETER 4:10

mi tinin, Pathien lunginsietna tinrêng enkawltu ṭha angin, Pathien thilpêk an dawnghai taphawt chu hmangin rawng inbâwl tuo seng ro.