1 KORINTH 3:18 - Pathien Lekhabu Inthieng (BSI)

¹⁸ Tûkhawmin ama le ama inhlêm naw raw se. Nangni laia tûkhawm hi khawvêla vara inngai chu a hung var theina dingin mi invêtah hung inchang phawt raw se.

1 KORINTH 3:18 ပူးပေါင်းရင်းမြစ်များ

THUVARHAI 26:12

Mi ama ngaidân chaua var chu i hmu hlak am? Ama nêk chun mi invêta chun beiseina lien lem a um.

THUVARHAI 3:5

I lungril po poin Lalpa chu ring la, Nanga hrietthiemna ringawta chun innghat naw rawh.

THUVARHAI 3:7

Nanga mithaia ringawt chun var naw la, Lalpa chu ṭi la, rîtlona chu mâksan rawh.

THUVARHAI 5:7

Chuleiin, tuhin ka naupasalhai, mi lo ngai unla, Ka baua thuhaia inthawk hin fe hmang naw ro.

ISAI 44:20

Vut chau a fâk hlak a; a lungril hlêma um chun, a hringna ân sanhim thei nawna ding le, ‘Ka kut changtieng hin khêl a um naw am a nih?’ a ti thei nawna dingin ama chu ân pêttir tah.

ISAI 5:21

Mâni ngaia varhai le mâni ngaia bengvârhai chu an chung a rik ie!

JEREMIA 37:9

Lalpa chun hieng hin a tih: ‘Kaldaihai chun mi mâksan ta ngei an tih,’ tiin nang le nang inhlêm naw rawh; an fe hmang âwm si naw a.

JEREMIA 8:8

Iengtiziein am, “Kan var a, Lalpa dân chu kan kuomah a um annâwm” in ti a na? Nisienlakhawm, ngai ta u, lekhaziektuhai ziekhmawl indik naw chun indik lotakin a lo thaw ta a.

MATTHAI 13:22

Chun, hlohlingnei laia the chu, thu hretu a na; nisienlakhawm, khawvêl lungkhamna le hausakna hlêmna chun thu chu a dîp a, ra lovin a um hlak.

MATTHAI 18:4

Chuongchun, tukhawm hi naupangte anga inngaitlâwm taphawt, ama chu vân rama chun ropuitak a tih.

MARKA 10:15

Titakzetin ka hril cheu, tûkhawm Pathien ram chu naupangtêin a lâwm anga lâwm naw phawt chu a sûngah lût naw tawp an tih,” a ta.

LUKA 18:17

Titakzetin ka hril cheu hi, tûkhawm Pathien ram chu naupangtêin a lâwm anga lâwm naw phawt chu a sûngah lût naw tawp an tih,” a ta.

LUKA 21:8

Chun, ama chun, “An hlêm nawna ding cheuin fîmkhur ro. Mi tamtakin, ‘Krista chu ka nih,’ ‘Ahun a tlung ding a ni tah,’ tiin keia hming sâlin an hung ding a nih; chuonghai chu zui naw ro.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:25

Unauhai, hi thurûk hi in hriet naw ka nuom nghâl si naw a, chuong naw chun intivar in tih; Jentail famkimna a hung tlung hma chun Israel mi ṭhenkhat chungah ngawngna a hung tlung hri phawt a nih, ti hi.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:16

Ngaituo hmunkhatin um tuo seng unla, inngaituo sâng taluo naw unla, mi chînhai inruolpui lem ro. Intivar naw ro.

1 KORINTH 15:33

Hlêmin um naw ro, “Ruol rilohaiin nungchang ṭha an sukkhawhlo hlak.”

1 KORINTH 3:17

Tûkhawmin Pathien in chu a sukkhawhlo chun Pathienin ama chu sukkhawhlo vêng a tih, Pathien in chu ân thieng si a, chu in chu nangni in nih.

1 KORINTH 4:10

Keini chu Krista leiin mi invêt kan nih, nangni ruok chu Kristaa chun mi var in ni lem a nih! Keini chu kan hrât naw a, nangni ruok chu in hrât a nih! Nangni chu mi inpâkin in um a, keini ruok chu mi hmusitin kan um a nih.

1 KORINTH 6:9

Anleh, mi felnawhai chun Pathien ram hluo naw ni hai ti in hriet naw am a nih? Hlêmin um naw ro; indithmanghai amanih, milim betuhai amanih, uirehai amanih, mihurhai amanih, mawngkawhurhai amanih,

GALATI 6:3

Mi iengkhawm ni si lovin, mi lien deua ân ngai chun, ân hlêm fâwm el a ni si a.

GALATI 6:7

Hlêmin um naw ro; Pathien chu hmusit zie a ni nawh; miin a ithe ang ang, chu bawk chu a sîk ding a ni si a.

EPHESI 5:6

Tûkhawmin thu teplo mei meiin hlêm naw raw se cheu, chuong thil lei chun Pathien lunginsenna chu ringnaw nauhai chungah a tlung hlak si a.

2 TIMOTHE 3:13

Mi suol le hlêmtuhai ruok chu mihai hlêmin le hlêma umin suol zuol deu deu an tih.

TITA 3:3

Eini khawm inhma khan invêt tak dâm, thu awi naw dâm, hlêma um dâm, châkna le lâwmna tinrêng rawng bâwl dâm, suol le îtthîk hmanga um dâm, tirdakum dâm, intheida tuo dâm ei ni si a.

JAKOB 1:22

Nisienlakhawm, mâni inhlêm a, thu ngaituhai chau ni lovin, thu zâwmtuhai lo ni lem ro.

JAKOB 1:26

Tûkhawm sakhaw ngaisak nia inringa, a lei vêng ṭha si lova, mâni lungrila inhlêm lemtu chu, chu mi sakhaw biek dân chu iengkhawm a ni nawh.

1 JOHAN 1:8

“Suol ka nei nawh,” ei ti chun mâni le mâni ei inhlêm fâwm a, thutak khawm chu einiah a um naw a nih.