1 KORINTH 3:16 - Pathien Lekhabu Inthieng (BSI)

¹⁶ Pathien in in ni le Pathien Thlarau nangniah a um ti in hriet naw am a nih?

1 KORINTH 3:16 ပူးပေါင်းရင်းမြစ်များ

EZEKIEL 36:27

Nangnia chun ka thlarau sieng ka ta, ka thuruothai chu inhrawtir ka ti cheu a, ka thupêkhai chu zâwm in ta, thaw bawk in tih.

JOHAN 14:17

chu chu Thlarau indiktak a nih; khawvêlin chu chu an nei thei nawh, ama an hmu naw a, an hriet bawk naw leiin. Nangnîn ama chu in hriet, in kuomah a um zing lei le, nangniah a um ding leiin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:16

Tu kuoma khawm an thu awi dinga an suoka in lût chun, thina khawpa suol suok amanih, felna khawpa thuawina suok amani khawm ni sienla, a thu in iawi suok chu in nih ti in hriet naw am a nih?

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:3

Eini laia Krista Isua baptisma changhai po chu, a thinaah baptisin ei um ti in hriet naw maw?

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:11

Nisienlakhawm, mithi laia inthawka Isu keitho nâwktu Thlarau kha nangniah a um chun, mithi laia inthawka Krista Isu keitho nâwktu khan nangnia um Thlarau zâra chun, in taksa thi theihai chu sukhring bawk a tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:9

Chuongchun, Pathien Thlarau chu nangniah a chêng takzet a ni chun, tisaa um ni lovin, Thlaraua um in ni lem. Tukhawm Krista Thlarau nei naw chu ama mi a ni nawh.

1 KORINTH 3:17

Tûkhawmin Pathien in chu a sukkhawhlo chun Pathienin ama chu sukkhawhlo vêng a tih, Pathien in chu ân thieng si a, chu in chu nangni in nih.

1 KORINTH 3:9

Keini chu Pathien sinthawpuituhai kan ni si a, nangni Pathien lohma chu in na, Pathien in bâwl chu in ni bawk a nih.

1 KORINTH 5:6

In uong san hi a ṭha naw ie, chawl tlâwmtêin bei tlang chu a zawpsuo vawng hlak ti in hriet naw am a nih?

1 KORINTH 6:16

Anleh, nawchizawr zawmpui chu ama leh pumkhat an nih ti in hriet naw am a nih? “An pahni chun tisa pumkhat hung ni tâng an tih” ti ziek a ni si a.

1 KORINTH 6:19

Anleh, in taksa chu in sûnga um Pathien kuoma inthawka in hmu Thlarau Inthieng in a ni ti in hriet naw am a nih? Mâni ta khawm in ni naw a,

1 KORINTH 6:9

Anleh, mi felnawhai chun Pathien ram hluo naw ni hai ti in hriet naw am a nih? Hlêmin um naw ro; indithmanghai amanih, milim betuhai amanih, uirehai amanih, mihurhai amanih, mawngkawhurhai amanih,

1 KORINTH 9:13

Thil ser buotsai vêltuhai chun Pathien biekina thil an fâk le maichâm rawngbâwltuhai chun, maichâm leh chanvo an nei ti in hriet naw am a nih?

1 KORINTH 9:24

Intlânsiekhai chu an rêngin an tlân a; nisienlakhawm, pakhat chauin lâwmman a hmu hlak ti in hriet naw am a nih? In hmu theina dingin chuong ang tak chun tlân ro.

2 KORINTH 6:16

Milimhai le Pathien biekin khawmin ieng am inremna an nei a? Eini chu Pathien hring biekin ei ni si a; Pathienin, “Anniah um ka ta, Anniah lêng bawk ka ta; Chun, an Pathien nîng ka ta, Anni khawm ka mihai nîng an tih”, a ti ang khan.

1 TIMOTHE 3:15

Nisienlakhawm, ka la um sâwt tâk duoiin Pathien sûnghai laia mi iengtin am an um ding ti i hriet theina dingin ka ziek a nih; Pathien sûnghai chu Pathien hring kohran, thutak ban le innghatna chu an nih.

2 TIMOTHE 1:14

Thil ṭha i kuoma inkawltira um kha, ei sûnga Thlarau Inthieng um hin vawng ṭha rawh.

HEBRAIHAI 3:6

Krista ruok chu Pathien sûnghai chungah Naupaah ring a um a nih. A sûnghai chu eini hi ei nih, a tâwp chenin ei huoina le, ei beiseina suongum hi dettaka ei chel phawt chun.

JAKOB 4:4

Nangni uirenuhai, khawvêl ruol nina hi Pathien hmêlma nina a ni ti in hriet naw am a nih? Chuongchun, tûkhawm khawvêl ruol ni nuom taphawt chu Pathien hmêlmaah ân siem hlak a nih.

1 PETER 2:5

ama kuoma chun hungin, nangni khawm lung hringhai angin thlarau tieng ina remin in um, Isu Krista zâra Pathien lâwm zâwng thlarau tieng inthâwina inhlân dinga, thiempu inthienghai in hung nina dingin.

1 JOHAN 4:12

Tûkhawmin ienglai khawmin Pathien an hmu ngai nawh. Ei inhmangai tuo chun Pathien einiah um zing a ta, a hmangaina khawm einiah famkim bawk a tih.