1 KORINTH 3:14 - Pathien Lekhabu Inthieng (BSI)

¹⁴ Tû sinthaw khawm a chunga a bâwl chu a um zing chun, ama chun lâwmman hmûng a tih.

1 KORINTH 3:14 ပူးပေါင်းရင်းမြစ်များ

DANIEL 12:3

Chun, mi varhai chu vâna var ang khin var tâng an ta; chun, mihai felna tienga lo ṭhuoi lûttuhai chu chatuonin arasihai angin var tâng an tih.

1 KORINTH 3:8

Chun, a phuntu le tuia châwmtu pumkhat an nih, nisienlakhawm, mâni sinthaw ang peiin lâwmman hmu ve vêng an tih.

1 KORINTH 4:5

Chuongchun, a hun hma hin iengkhawm fie naw ro, Lalpa hung hmakhat chu, ama chun inthima thil thuphmanghai chu varah hung la suok a tih, lungrila tumhai khawm chu suklang bawk a tih; chu pha chun mi tinin Pathien kuoma chun an chantâwka inpâkna hlaw seng tâng an tih.

1 KORINTH 9:17

Chu chu mâni ditthlangnaa ka thaw chun lâwmman ka nei a nih; nisienlakhawm, mâni ditthlangna lei a ni si naw chun Chanchin Ṭha enkawlna sin hi inkawltir el nîng ka tih.

GALATI 6:4

Mi tinin mani thilthaw infie seng lem raw hai se, chu hnunga chun, mi dang chungah ni lovin, mani chung chauah suong ding nei an tih.

1 THESSALONIKA 2:19

Kan beiseina amanih, kan hlimna amanih, kan lallukhum suong amani chu ieng am a na? A hung phaleh ei Lalpa Isu hmaa chun nangni ngei in ni ding a ni naw am a nih?

2 TIMOTHE 4:7

Inruolsiekna ṭha chu ka thaw zo ta a, kân tlânsiekna lampui chu ka suo ta a, ringna chu ka vawng zing ta a nih.

1 PETER 5:1

Chuongchun, nangni laia kohran upahai chu, kei, in upatpui, Krista tuornahai hretu, ropuina hung inlang ding chang vetu ding hin kân fui cheu.

1 PETER 5:4

Chun, Berâm Vêngtu Laltak chu a hung inlang pha, ropuina lallukhum chuoi thei naw chu hmûng in tih.