1 KORINTH 2:9 - Pathien Lekhabu Inthieng (BSI)

⁹ “Mita hmu ngai naw le naa hriet ngai naw, Mihriem lungrila lût ngai naw, Pathienin ama hmangaituhai ta dinga A buotsai taphawt chu,” ti ziek ang lem khan.

1 KORINTH 2:9 ပူးပေါင်းရင်းမြစ်များ

INPÂKNA HLABU 31:19

Aw i ṭhatna, nangma ṭituhai ta dinga în khâwl chu a va nasa de; Mihriem nauhai mithmuha nangmaa ringna innghattuhai ta dinga i thawpêk chu.

ISAI 64:4

Tienlaia inthawk tah mihaiin, nangma chau naw chu, anni nghâktuhai ta ding thawpêk hlaktu Pathien an hriet ngai si naw a, nain an hriet ngai naw a, mit khawma an hmu ngai bawk nawh.

ISAI 65:17

Ngai ta u, vân tharhai le hnuoi thar ka siem a ni hi; kha hmaa thilhai chu hriet zingin um ta naw ni a; lungrila khawm lût ta bawk naw ni.

MATTHAI 20:23

Ama chun an kuomah, “Ka no chu dâwn ngei in tih; nisienlakhawm, ka changtieng le ka vawitienga ṭhung ding thu chu keia pêk ding a ni naw a, ka Pa ibuotsaipêkhai ta ding ni lem a tih,” a ta.

MATTHAI 25:34

“Chu phâ chun, Laltak chun a changtienga mihai kuomah, ‘Ka Pa vochuomhai, hung unla, khawvêl siem tîra inthawka, in ta dinga ram buotsai chu chang ro;

JOHAN 3:16

Pathienin khawvêl a hmangai bêk bêk a, chuongchun, a Naupa khât nei sun chu a pêk a, ama chu tûkhawm a ring taphawt chu an bohmang naw a, chatuona hringna an nei lemna dingin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:28

Chun, Pathien hmangaituhai amain a ruot anga a kohai ta ding chun, an ṭhatna dingin iengkimin a thawpêk hlak ti ei hriet a.

HEBRAIHAI 11:16

Nisienlakhawm, tuhin chu ram ṭha nâwkzuol châk an na, chu chu vâna um a nih. Chuongchun, Pathienin an Pathien tia um chu ân zak nawh, an ta dingin khuo chen a lo buotsaipêk ta si a.

JAKOB 1:12

Thlêmna tuor hrâm hrâmtu chu a hamṭha, fiea a um phâleh hringna lallukhum Lalpain ama hmangaituhai kuoma a tiem chu a hmu ding a ni si.

JAKOB 2:5

Ka unau dittakhai, ngai ta u, Pathienin hi khawvêl thila pasiehai hi, ringnaa hausa ding le, ama hmangaituhai kuoma a tiem ram chu hluotu dingahai a ruot naw am a nih?

1 PETER 1:12

Chuong thu chun mani rawng inbâwl lovin, nangni rawng an bâwl lem ti an kuomah inhriettir a ni tah. Chuong thu chu vâna inthawka tirsuok Thlarau Inthieng ṭhangpuiin, Chanchin Ṭha hriltu cheu khan tuhin an hril cheu a, chuong thil chu vântirkohaiin bi an nuom hlak a nih.

1 JOHAN 4:19

Amain a mi hmangai hmasak leiin ei hmangai a nih: