1 KORINTH 2:15 - Pathien Lekhabu Inthieng (BSI)

¹⁵ Thlarau mi ruok chun thil iengkim a hriet chieng hlak, ama hlak chu tûkhawmin an hriet chieng si nawh.

1 KORINTH 2:15 ပူးပေါင်းရင်းမြစ်များ

2 SAMUEL 14:17

Chuongchun, i suoknu ta ding hin, lalpa, ka pu thu chu lungmuongumtak ni sienla, ka hni che a nih, a sie a ṭha lo thlier dingin lalpa ka pu chu Pathien vântirko ang el a ni si a; chun, Lalpa Pathien chu i kuomah um raw se, ka ti a nih,” a ta.

INPÂKNA HLABU 25:14

Lalpa thurûk chu ama ṭituhai kuomah a um a, A thuthlung chu anni inhriettir a tih.

THUVARHAI 28:5

Mi suol chun rorêlna chu a hrietthiem naw a, Lalpa zawngtuhai ruok chun thil po po an hrietthiem.

THUHRILTU 8:5

Tukhawm thupêkhai pawmtu chun thil ṭha naw tuok naw nih; mi var lungril chun hun indik le a kawnglam a hriet.

JOHAN 7:17

Tûkhawm ama dit zâwng thaw nuom chun, thu inchûktir hi Pathien suksuok am a ni, keia phuokfâwma ka hril, hrieng a tih.

THILTHAWHAI 16:3

Paulain ama chu a kuoma fe ve dingin a dit a; chuongchun, chu tienga Juda umhai lei chun, a ser a tanpêk a, a pa chu Grik a nih ti an hriet vawng si a.

1 KORINTH 14:37

Tûkhawm thu hriltu amanih, thlarau mi amanih nia ân ngai chun in kuoma thu ka ziek hi Lalpa thupêk a ni ti lo hre raw se.

1 KORINTH 3:1

Chun, unauhai, Thlarau mi kuoma hril angin in kuomah thu ka hril thei naw a, tisa mihai kuoma hril angin ka hril lem kha; Kristaa nautêhai kuoma hril ang elin.

1 KORINTH 4:5

Chuongchun, a hun hma hin iengkhawm fie naw ro, Lalpa hung hmakhat chu, ama chun inthima thil thuphmanghai chu varah hung la suok a tih, lungrila tumhai khawm chu suklang bawk a tih; chu pha chun mi tinin Pathien kuoma chun an chantâwka inpâkna hlaw seng tâng an tih.

GALATI 6:1

Unauhai, mi suol iengkhawm a thaw laia phâwkin um sien la, nangni thlarau mihai, “Thlemna tuok ve rawi ka tih,” tia invêng ṭha pumin chuong ang mi chu thuhnuoirawltakin tungding nâwk ro.

PHILIPPI 1:10

Chuongchun, Krista nia chun inthieng le sawisêlbo in ni theina dingin, thil ṭha bîkhai chu ṭha ti thei in ta,

KOLOSSA 1:9

Chuleichun, Thlarau tieng varna le hriet theina po poa a dit zâwng hrietnaa chun in hung sip theina dingin, kan hriet nia inthawk chu keini khawma ṭawngṭai le hnipêk cheu kan ma nawh.

1 THESSALONIKA 5:21

iengkim infie lem unla, a ṭha ṭha chu pawm tlat ro.

HEBRAIHAI 5:14

Bu rum ruok chu puitlinghai ta dingin a nih, chuonghai chun asie aṭha hrefie dingin an hriettheina chu hmangin an sâwizawi tah.

1 JOHAN 2:20

Mi Inthieng kuoma inthawkin hriek nâlna in chang a, iengkim in hriet a nih.

1 JOHAN 4:1

Dittakhai, thlarau nazawng chu ring naw ro, amiruokchu, thlarauhai chu Pathiena inthawk an ni le ni naw infie ro; thuhriltu tehlêm tamtak khawvêlah an hung suok ta leiin.