1 KORINTH 16:16 - Pathien Lekhabu Inthieng (BSI)

¹⁶ chuong ang mihai kuoma le sinthawa ṭhangpui le sin inrim taphawt kuoma chun intuklût dingin.

1 KORINTH 16:16 ပူးပေါင်းရင်းမြစ်များ

1 CHANCHIN SUINA 12:18

Chun, sâwmthum laia a hotu tak Amasai kuoma chun thlarau chu a hung tlung ta a, ama chun, “David, nangma ta kan na, nangma tienga ṭhang kan nih, nang Jesai naupa; inremna, nanga kuoma chun inremna um sienla, nangma ṭhangpuituhai che kuoma khawm inremna chu um raw se; i Pathien chun a ṭhangpui si che a,” a ta. Chun, David chun anni chu a lâwmlût ta a, sipai pâwl hotuhaiah a siem tâwl ta a.

THUHRILTU 1:3

Miin a sininrimna, nisa hnuoia a sininrimna po poa chun ieng am hlâwkna a hmu a?

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 16:12

Truphaina le Truphossa, Lalpaa sinthaw inrimhlakhai kha, chibai mi bûkpêk ro. Dittak Persi, Lalpaa sin thaw inrim bêk bêk ta kha chibai mi bûkpêk ro.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 16:3

Priskilla le Akuila kha chibai mi bûkpêk ro, Krista Isua ka sin thawpui, ka nun sanhimna dinga, rîng daw ngamhai an nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 16:6

Mari in ta dinga inrimnu kha, chibai mi bûkpêk ro.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 16:9

Kristaa kan sinthawpui Urbana le ka dittak Sitaku kha chibai mi bûkpêk ro.

1 KORINTH 12:28

Chun, Pathienin ṭhenkhat chu kohran lai a sie a, pakhatnaa chun tirkohai, a pahninaa chun thuhriltuhai, a pathumnaa chun inchûktirtuhai a sie a, chu hnunga chun thilmak thawhai an um a, chu zoa chun sukdam theina thilpêkhai, ṭhangpui theina thilpêkhai, rorêl thiemna thilpêkhai, ṭawng hrietlo chi tum tuma thuhril theina thilpêkhai a um nâwk a.

1 KORINTH 3:9

Keini chu Pathien sinthawpuituhai kan ni si a, nangni Pathien lohma chu in na, Pathien in bâwl chu in ni bawk a nih.

EPHESI 5:21

Krista ṭi dêkin intuklût tuo seng ro.

PHILIPPI 4:3

Anih, nang khawm ka rîngkawl bâtpui tak, ka fiel bawk che, kha nuhmeihai kha ṭhangpui rawh. Chanchin Ṭhaa chun an mi thawpui hlak si a; Klemen le ka sinthawpui dang Hringna bua hming chuonghai le khan.

1 THESSALONIKA 1:3

Ei Pathien le Pa hmaa ringna leia in sin thawzie dâm, hmangaina leia in sin inrimzie dâm, ei Lalpa Isu Krista beisei leia in selzie dâm kha theinghil lova hre zingin.

1 THESSALONIKA 2:9

Unauhai, kan thaw sâwlzie le kan sin inrimzie kha in hriet zing deh! nangni laia tûkhawm kan sukkhâwk nawna ding cheuin a sûn a zâna sin thawin, Pathien Chanchin Ṭha kan hril hlak cheu kha.

1 THESSALONIKA 5:12

Nisienlakhawm, unauhai, kan ngên cheu a nih: nangni laia sin inrim le Lalpaa in hotua um le, a kâwktuhai cheu chu hre ding le,

1 TIMOTHE 5:17

Kohran upa ro rêl ṭhahai chu a lêt hnia chawimawi tlâka ngai ni raw hai se; thu hril le inchûktirna kawnga sininrimhai chu chawimawi tlâka ngai nâwk zuol ni raw hai se.

HEBRAIHAI 13:17

In hotuhai thu awi unla, an thu thuin um ro; chanchin hril ding an ni leiin, lungngai puma hril lova, hlim puma an hril theina dingin, in thlarau an vêng pêk hlak cheu a nih; lungngai puma hril chu in ta dingin a pawi ding a ni si a.

HEBRAIHAI 13:24

In hotuhai po po le mi inthienghai po po kha chibai mi bûkpêk ro. Itali rama mihai hin chibai an bûk cheu.

HEBRAIHAI 6:10

In sin thaw le a hming leia hmangaina in inlangtir, mi inthienghai rawng in ibâwl, tu chen khawma in ila bâwl rawp chu theinghil dingin Pathien chu mi fel naw a ni si naw a.

1 PETER 5:5

Chuong ang bawkin, nangni tleirâwl deuhai, upahai kuomah intuklût ro. Anih, in rêngin rawng inbâwltuo seng dingin thuhnuoirawlnain inthuom ro; Pathienin chapohai a kal a, inngaitlâwmhai ruok chu lunginsietna a pêk hlak si a.

3 JOHAN 1:8

Chuongchun, thutak thawpuituhai ei ni theina dingin chuong ang mi chu eini chun ei lâwm ding a nih.

THUPUONGSUO 2:3

Selna i nei bawk a, ka hming leiin i tuor ta a, i châu si naw a.