Lungril dâwihai kuoma chun, “Hrâttakin um unla, ṭi naw ro, ngai ta u, in Pathien chu phubalâkna leh hung a tih, Pathien thungna le chun; hung a ta, sandam a ti cheu,” ti ro.
Ama chun, “Aw nasataka ditsaka umpa, ṭi naw rawh, i kuomah thlamuongna um raw se; insukhrât rawh, anih, insukhrât rawh,” a ta. Chun, ka kuoma thu a hung hril phing chun sukhrâtin ka um ta a, “Ka lalpa hin thu hril raw se, i mi sukhrât ta si a,” ka ta.
Chuonga Thuthlung chunga khawhlotaka thawin, simbudawiin suk hmingsieng a tih; nisienlakhawm, chuong mihai an Pathien hretuhai chu hung hrât an ta, thil nasatak hung thâwng an tih.
Anachu, Aw Zerubbabel, tuhin insukhrât rawh,’ Lalpa chun a ti a nih; Lalpa chun, ‘Aw Josua, nang Jehozadak naupa thiempu lal, insukhrât la, a rama mi po pohai, insukhrât unla, sin chu thaw ro,’ a tih, nangni lai ka um si a, mipuihai Lalpa chun a tih:
Chun, hnam tinhai laia ṭawngsephur in ni ang khan, aw Juda sûngkuo le Israel sûngkuo, hung sanhim ka ti cheu a, malsâwmna hung ni tâng in tih: ṭi naw unla, in kuthai chu sukhrât phawt phawt el ro,” tiin.
Sipaihai Lalpa chun hieng hin a tih, “Lalpa in, biekin ngei chu, bâwl a ni theina dinga lungphûm phûma a um nia, zâwlnei lo um tahai baua inthawka thuhai vawisûn nia hretuhai, in kuthai chu sukhrât ro.
Chuongchun, chuong thil hung tlung dinghai po po chu pumpel tlâk le Mihriem Naupa hmaa ngîr tlâka ruot in ni theina dingin, ieng lai khawmin ṭawngṭai pumin ngaiven ro,” a ta.
Chuleichun, ka unau dittakhai, dettakin, sukchâng ruollovin Lalpa sin ṭhahnem ngaitaka thaw rawpin um ro, in inrimna chu Lalpaa chun a thlâwn ngai nawh ti in hriet si a.
Iengkhawm ni sienla, in um dân chu Krista Chanchin Ṭha leh inmawi phawt raw se. Chuongchun, nangni hung kan inla cheu khawm, in kuomah um naw lang khawm, thlarau hmunkhata ngîr tlatin, lungril hmunkhata Chanchin Ṭha ringna thu ṭana thâtak sangin in um ti in chanchin lo hre thei ka tih.
Amiruokchu, in ringna chun innghatsan neiin dettakin in um ding a nih. Chanchin Ṭha in ihriet beiseinaa inthawk sawn hmangin um naw ro. Chu Chanchin Ṭha chu vân hnuoia thilsiem po po laia tlânginsampui a ni kha; kei Paula hi, chu rawngbâwltua siem chu ka nih.
Epaphra, nangni laia mi, Krista Isu suokpa hin chibai a bûk cheu; ama chun Pathien dit zâwng taphawta puitling le ring tlatna neia in ngîr theina dingin a ṭawngṭainahaia chun in ta dingin a thaw rawp a nih.
Aw, nangni Philistin mihai, in siehlawa an um ang khan Hebraihai siehlawah in um nawna dingin hrâttakin um unla, insukpasal ro khai, insukpasal unla thaw pei ro,” an ta.