1 KORINTH 15:32 - Pathien Lekhabu Inthieng (BSI)

³² Mihriem thaw dân ang ringawta Ephesia sahrânghai kha insuolpui ka ni chun, ka ta dingin ieng am ṭhahnem a ta? mithi keithoa an um naw ding chun, fain dâwn ei tiu, zîngah ei thi el ding annâwm.

1 KORINTH 15:32 ပူးပေါင်းရင်းမြစ်များ

JOB LEKHABU (THE BOOK OF JOB) 35:3

‘I ta dingin ieng am a ṭhatna a um a? Ka suksuol naw hi ieng am ka hlâwkna a um a?’ i ti a nih.

INPÂKNA HLABU 73:13

A thlâwn elin a nih, ka lungril hi ka sukfai a, Ka kuthai demkailonaa ka sâwp chu.

THUHRILTU 11:9

Aw tlangvâl, i tlangvâlnaa chun hlim rawh; i vânglai nihaia chun i lungril chu hlim sienla, i lungril lampui chu hraw la, i mithmu ngeia chun; amiruokchu, hieng thil po poa ding hin Pathien chun rorêlnaah a ṭhuoilût ding che a nih ti hre rawh.

THUHRILTU 2:24

Miin a sinthaw inrimnaah a lungril a sininrimna a dâwn a, a fâk nêka ṭha lem, mi ta dingin ieng dang khawm a um nawh. Hi khawm hi ka hmu ta a, Pathien kuta inthawk bawk a nih.

ISAI 22:13

nisienlakhawm, ngai ta, hlimna le lâwmna dâm, bâwng thatna le berâm thatna dâm, sa fâkna le uoin dâwnna dâm a um ta lem a. “Fain dâwn ei tiu khai, zinga chun ei thi el ding a ni si a,” an ti a.

ISAI 56:12

“Hung ro khai, uoin lâng ka ta, chuongchun, zuin ei inthun sip ding annâwm; zînga chun vawisûn ang hi ni nâwk a ta, ni ropui nasa deu el nîng a tih,” an ti seng a.

LUKA 12:19

Chun, ka thlarau kuomah, Thlarau, kum tamtak sûnga dingin sum tamtak în khâwl hi; châwl la, fain dâwn rawh, tîng ka tih,’ a ta.

LUKA 9:25

Mîn khawvêl hi a pumin nei sienla, insukboin amanih insukse sienla, a ta dingin iengam ṭhahnem a ta?

THILTHAWHAI 18:19

Chun, Ephesi chu an tlung a, chutaka chun anni chu a mâksan a; ama ruok chu inkhâwmna inah a lût a, Judahai chu Pathien thu a suipui a.

THILTHAWHAI 18:21

“Pathienin a phal chun, in kuomah la hung nâwk ka tih,” tiin ṭawngbauṭhain a ṭhe a; Ephesia inthawk chu lawngin a fe ta a.

THILTHAWHAI 19:1

Chun, Paula chu khaw sak biel a fang suok zet a, Apollo Korintha a um kâr khan Ephesi chu a tlung a, inchûktir tuhai amanih a hmu a;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:5

Nisienlakhawm, ei fel nawnahai hin Pathien felna chu a suklang mawi zuol si chun ieng am hril ei ta? Pathienin mi a hrem hin, mi fel lo a ni am a nih? (Mihriem dân takin hril ta inla).

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:19

(In taksa hrât nawna leiin mihriem dânin thu ka hril a nih). In taksa pênghai chu inthieng nawna kuoma le bawsietna dinga bawsieta kuomah suoka in pêk phal ang khan, tuhin in taksa pênghai chu inthiengna dingin felna kuomah suok dingin pe phal ro.

1 KORINTH 16:8

Nisienlakhawm, Pentikost chen Ephesia hin châm zing ka tih,

GALATI 3:15

Unauhai, mihriem angin ka hril hi, mihriem thuthlung khawm ni sien la, sukdet ta hnungin an sût nâwk ta ngai naw a, bel khawm an belsa ngai bawk nawh.

2 PETER 2:12

Nisienlakhawm, hieng thilhring, ngaituona nei naw, mana sukbohmang dinga sa chaua pienghai ang hin, thil an hriet nawhai chu hrilsein; anni sietnain se ngei an tih.

JUDA 1:10

Chuong mihai ruok chun thil an hriet naw taphawt an hrilsiet hlak a, chun, ngaituona neinaw sahai anga piengpui hrietna an neihai chun an insuksiet hlak.