1 KORINTH 15:26 - Pathien Lekhabu Inthieng (BSI)

²⁶ Hmêlma nuhnungtak sukboa um ding chu thina hi a nih.

1 KORINTH 15:26 ပူးပေါင်းရင်းမြစ်များ

ISAI 25:8

Thina chu a lem sawng tah; Lalpa Pathien chun mi po po hmaia inthawk chu mitthlihai chu hrufai a tih; a mihai hming sietna chu leihnuoi po po chunga inthawk hin la hmang a tih; Lalpain chu chu a hril ta si a.

HOSEA 13:14

Seol kuta inthawkin anni chu intlan ka ta, Thinaa inthawkin anni chu sansuok ka tih; Aw thina, i hripuihai chu khâwlai am? Aw Seol, i suksietna chu khâwlai am? Lunginsietna chu ka mita inthawkin thup nîng a tih.

LUKA 20:36

thi khawm thi nâwk thei ta naw ni hai, vântirkohai tlukin an um ding a ni si a; thonâwkna nauhai an ni leiin Pathien nauhai nîng an tih.

1 KORINTH 15:55

“Aw thina, i hnena chu khâwlai am a um ta a? Aw thina, i tûr chu khâwlai am a um ta a?” ti thuziek hi hung tlung tâng a tih.

2 TIMOTHE 1:10

chu chu a mi sandamtu Isu Krista inlârna leiin, tuhin suklangin a um tah. Ama chun thina chu sukbohmangin, Chanchin Ṭhain hringna le bohmang thei nawna a suklang tah;

HEBRAIHAI 2:14

Chuongchun, naupanghai hi tisa le thisen changtuhai an ni ni tâwl leiin, ama khawmin chuong ang bawk chun chuong thilhai chu a chang ve ta a; thînain thîna thuneitu (chu chu Diebol a nih), a sukbohmang theina ding le,

THUPUONGSUO 20:13

Tuisuoriet chun a sûnga mithi umhai chu ân suoktir a, Thina le Mithi Khuo chun an sûnga mithi umhai chu an insuoktir bawk a; chun, mi tin an thilthaw ang peia rêlpêkin an um ta a.

THUPUONGSUO 20:14

Chun, Thina le Mithi Khuohai chu mei dîlah an pei a. Chu chu thi hnina chu a nih, mei dîl chu.

THUPUONGSUO 21:4

An mita inthawkin mitthli po po hrufai a ta; Thina um nâwk ta naw ni a, Lungngai dâm, ṭap dâm, nat dâm khawm, Um nâwk ta bawk naw ni a; Thil hmasahai chu a bo tah,” tiin.