1 KORINTH 15:23 - Pathien Lekhabu Inthieng (BSI)

²³ Nisienlakhawm, mâni hun seng peiah, keitho ning an tih: ahmasa takin Krista, tho hmathuoitu; chu hnungah, a hung phaleh Ama tahai po.

1 KORINTH 15:23 ပူးပေါင်းရင်းမြစ်များ

ISAI 26:19

I mithihai chu hring nâwk an ta, an ruonghai chu tho nâwk an tih. Pilvuta umhai, har unla, hlimtakin hla sak ro, i daidâw chu thlaihai daidâw ang a na, hnuoi hin mithihai chu a pei suok ding a ni si a,” ti hi.

MATTHAI 16:27

Mihriem Naupa hi a vântirkohai leh, a Pa ropuinaa inthuomin a hung ding a ni si a; chu pha chun mi tin an thilthaw ang peiin thung seng a tih.

MATTHAI 16:28

Titakzetin ka hril cheu hi, hitaka ngîr a ṭhen hi, Mihriem Naupa a rama a hung an hmu hmakhat chun, thina intem tawp lo ding an um,” a ti a.

THILTHAWHAI 26:23

khânga Krista chun rinum tuor a ta; chun, mithi laia inthawka a thonâwk leiin mi po po kuoma le Jentailhai kuoma khawm var inhmutirtu hmasatak nîng a tih, an ti thu kha,” a ta.

1 KORINTH 15:20

Nisienlakhawm, Krista chu mithi laia inthawkin keithoin a um tak zet a nih, a inhai tho hmaṭhuoitu a lo ni tah.

1 KORINTH 15:52

nisienlakhawm, ei rêngin tawtawrâwt nuhnungtak inri pha chun sâwt nawtêa, mitkhap kâr lova sukdanglamin um vawng tâng ei tih; tawtawrâwt chu ân ri ding a ni si a; chuongchun, mithihai chu hmawntheilova keithoin um an ta, eini khawm sukdanglamin um tâng ei tih.

1 KORINTH 3:23

Nangni khawm Krista ta in na, Krista khawm chu Pathien ta a nih.

1 KORINTH 6:14

Pathienin Lalpa chu a keitho a, eini khawm a thilthawtheinain mi keitho vêng a tih.

2 KORINTH 10:7

In mithmua thil umhai chu a nih in en hlak chu. Tûkhawmin Krista ta nia ân ring chun, hi hi mâkhâtin ngaituo nâwk raw se; ama chu Krista ta a ni ang bawkin keini khawm kan ni ve hi.

GALATI 3:29

Chun, Krista ta in ni chun, Abraham thla, thutiem anga rohluotu dinghai in nih.

GALATI 5:24

Chun, Krista Isu mihai chun tisa chu a suol ngaituona le a châknahai pumin an hemde tah.

PHILIPPI 3:11

mi thi laia inthawka thonâwkna chu ka chang thei duoiin tiin.

1 THESSALONIKA 2:19

Kan beiseina amanih, kan hlimna amanih, kan lallukhum suong amani chu ieng am a na? A hung phaleh ei Lalpa Isu hmaa chun nangni ngei in ni ding a ni naw am a nih?

THUPUONGSUO 1:5

Isu Krista, thu hretu ringumtak, mithi laia inthawka tho hmasatak le hnuoia lalhai rorêltu kuoma inthawk dâm chun, lunginsietna le inremna in kuomah um raw se. A mi hmangai a, a thisenin ei suolhaia inthawkin a mîn tlan suok a,