1 KORINTH 14:34 - Pathien Lekhabu Inthieng (BSI)

³⁴ kohran inkhâwmnahaia chun nuhmeihai chu to zingin um raw hai se; anni chu an thu hril phal a ni si naw a; Dân Lekhabuin a hril ang bawk khan thu zâwmin um lem raw hai se.

1 KORINTH 14:34 ပူးပေါင်းရင်းမြစ်များ

INṬANNA 3:16

Nuhmei kuoma chun, “Nau vawnna le nau neinaa i rinumna chu nasatakin sukpung ka ta, natak tuorin nau nei hlak i ta; nisienlakhawm, i nuom zâwng chu i pasal tieng nîng a ta, ama chun i chungah thu nei a tih,” a ta.

1 KORINTH 11:13

Nangni ngeiin ngaituo hman ro: Nuhmeiin a lu inkhum lova Pathien kuoma a ṭawngṭai hi a mawi am a ni?

1 KORINTH 11:3

Nisienlakhawm, pasal taphawt lu chu Krista a na, nuhmei lu chu a pasal a na, chun Krista lu chu Pathien a nih, ti in hrietchieng ka nuom a nih.

1 KORINTH 11:5

Amiruokchu, nuhmei tukhawm, lu inkhum lova ṭawngṭai amani, thu a hril amani chun, a lu a sukmuolpho a nih, ama chu a lu mêt kawl leh thuhmun a nih.

1 KORINTH 14:21

Dân Lekhabua chun, “ ‘ṭawng dang mihai bau le, ram dang mihai hmûrin, hieng mihai kuoma hin thu hril ka ta; chuong sa khawm chun mi ngainaw ni hai,’ Lalpain a tih,” ti ziek a nih.

1 KORINTH 14:35

Chun, iengkhawm inchûk an nuom chun, in tieng an pasalhai indawn raw hai se; kohran inkhâwmnaa nuhmei thu hril inzak a um si a.

EPHESI 5:33

Iengkhawm ni sien la, nangni laia mi tûkhawmin mani ân hmangai ang bawkin, mani nuhmei hmangai seng raw hai se; nuhmei khawm chu a pasal ṭi dêk dingin fimkhur raw se.

KOLOSSA 3:18

Nuhmeihai, Lalpaa a âwmtâwk ang peiin, in pasalhai kuomah intuklût ro.

TITA 2:5

lungril feltaka um ding dâm, inthiengtaka um ding dâm, mâni in sin thaw ding dâm, ngilneia um ding dâm le, mâni pasalhai thu thua um dinga ân thunun theina dingin infui rawh; Pathien thu chu hrilsieta a um nawna dingin.