1 KORINTH 14:16 - Pathien Lekhabu Inthieng (BSI)

¹⁶ Chuong naw chun, thlarauin mal sâwmpêk la khawm, a hrenawhai umnaa um chun i lâwmthu hrila chun iengtin am “Amen” ti thei a ta, i thu hril chu hre thei si lovin?

1 KORINTH 14:16 ပူးပေါင်းရင်းမြစ်များ

1 LALHAI 1:36

Chun, Jehoiada naupa Benaia chun lal chu a dawn a, “Amen, Lalpa ka pu lalpa Pathien khawma remti raw se.

1 CHANCHIN SUINA 16:36

Lalpa Israelhai Pathien chu inpâkin um raw se. Chatuona inthawka chatuon chenin. Chun, mipui po po chun, “Amen,” an lo tih a, Lalpa an inpâk ta a.

NEHEMIA 5:13

Ka dierkei chu ka thin a, “Hi thutiem anga thaw naw taphawt chu Pathien chun a ina inthawk le a sinthawa inthawkin hieng ang hin thinthla raw se; hieng anga thin thlâkin um sienla, sukruokin um raw se,” ka ti a. Chun, a pungkhâwmhai po po chun, “Amen,” an ti a, Lalpa an inpâk a. Chun, mipuihai chun chu thutiem ang chun an thaw ta a.

NEHEMIA 8:6

chuongchun, Ezra chun Lalpa Pathien ropuitak chu ân pâk a; chun, mipui po po chun an bân pharin, “Amen, Amen,” tiin an lo dawn a; chun, an kûn a, an hmaia hnuoi sikin Lalpa chu chibai an bûk a.

INPÂKNA HLABU 106:48

Lalpa Israel Pathien chu inpâkin um raw se. Chatuona inthawka chatuon chenin. Mi po po chun, “Amen,” ti raw se; Lalpa chu inpâk ro.

INPÂKNA HLABU 41:13

Lalpa, Israel Pathien chu, Chatuona inthawka chatuon chenin inpâkin um raw se, Amen, Amen.

INPÂKNA HLABU 72:19

A hming ropuitak hi kumkhawtluongin inpâkin um bawk sienla, Hnuoi pumpui khawm hi a ropuinaa suksipin um raw se; Amen, Amen.

INPÂKNA HLABU 89:52

Lalpa chu kumkhuoin inpâkin um raw se. Amen, Amen.

JEREMIA 11:5

hi vawisûn nia anga hi, nenetui le khuoizua luong ram anni pe dinga ka lo tiem ta chu, in thlatuhai kuoma ka ṭawng inkhâmna chu ka sukpuitling theina dingin,” tiin. Chun, kei chun “Amen, aw Lalpa,” tiin ka dawn a.

JEREMIA 28:6

zâwlnei Jeremia ngei chun a hril a, “Amen: Lalpa chun chuong chun thaw raw se; Babulona inthawka hi hmuna, sala lo intânghai po po le, Lalpa ina bûr le bêlhai chu hung la kîr dingin, i thuhril chu Lalpa chun thaw raw se.

NAMBAR 5:22

Ṭawngsie intlungtirtu hi tui hi i rilah lût a ta, i phing sukvûng a ta, i êlpui inkâr sukzûr a tih, tîng a ta; chun, nuhmei chun, Amen, Amen a lo ti ding a nih.

MATTHAI 15:36

Chun, bei pasari le ngatê chu a lâk a, lâwmthu a hril a, a khawi a, inchûktirhai kuomah a pêk a; inchûktirhai chun mipuihai kuomah an pêk a.

MATTHAI 28:20

thu ka ipêk po po cheu pawm dingin inchûktir ro. Chun, ngai ta u, kei kumkhuoin khawvêl tâwp chen khawmin in kuomah um pei ka tih,” a ta.

MATTHAI 6:13

Suol dinga thlêmnaa chun mi ṭhuoi lût naw la, Mi suol laka chun mi sanhim lem rawh. “Ramhai, thilthawtheinahai, ropuinahai, chatuona i ta a ni si a, Amen.

MARKA 16:20

Chuongchun, anni chu an fe suok a, ram tinah thu an hril ta a; Lalpain anni ân thlawppui a, a zuitu inchiknahai chun an thu chu a sukdet pei a, Amen].

JOHAN 21:25

Chun, hieng naw khawm hi Isu thilthaw dang tamtak a la um, chuongchu ziek fai vawng ding ni sien, lekhabu ziek ding po po chu khawvêla khawm hin inlengin ka ring nawh.

JOHAN 7:15

Chun, Judahaiin, “Hi mipa hin inchûk ngai lovin iengtin am lekha a hriet a?” an ta, mak an ti hle a.

THILTHAWHAI 4:13

Chun, Peter le Johan huoizie chu an hmu chun lekha thiemnaw le mi narân el an nih ti an hrietin, mak an ti hle a; Isu kuomah an um tah ti an hriet ta a.

1 KORINTH 11:24

lâwmthu a hril zovin, a khawi a, “Hi hi ka taksa, in ta ding chu a nih. In mi hriet zingna dingin hi hi thaw hlak ro,” a ti kha.

1 KORINTH 14:14

Ṭawng hrietlova ka ṭawngṭai chun ka thlarau chun chu a ṭawngṭai ngei a, ka hrietna ruok chu a hlâwk chuong nawh.

1 KORINTH 14:2

Ṭawng hrietlova thuhril chun mihriem kâwla hril ni lovin, Pathien kuomah a hril lem a ni si a; tûkhawmin a thuhril chu an hriet si naw a; nisienlakhawm, thlarau chun thurûk a hril a nih.

1 KORINTH 16:24

Krista Isua ka hmangaina hi in rênga kuomah um raw se. Amen.

2 KORINTH 1:20

Pathien thutiem chu iengzât khawm ni sien la, amaa chun, “A nih,” ti chu a um si a. Chuongchun, ama lei khawmin, “Amen,” ti chu a um a nih, keinihai leia Pathien ropuina dingin.

THUPUONGSUO 22:20

Hieng thu inhriettirtu hin, “Anih, ka hung vak ding a nih,” a tih. Amen, hung ta la, Lalpa Isu.

THUPUONGSUO 5:14

Chun, thilhring palihai chun, “Amen”, an ti a. Upahai khawm chun bawkkhupin chibai an bûk ta a.

THUPUONGSUO 7:12

“Amen, malsâwmna dâm, ropuina dâm, varna dâm, Lâwmthu hrilna dâm, chawimawina dâm, Thilthawtheina dâm, hrâtna dâm, Chatuonin ei Pathien kuomah um raw se, Amen” tiin Pathien chibai an bûk a.