1 KORINTH 14:12 - Pathien Lekhabu Inthieng (BSI)

¹² Chuongchun, nangni khawmin, thlarau thilpêk chungah ṭhahnem in ngai leiin kohran siemṭhat theina dinga in hausak theina dingin zawng ro.

1 KORINTH 14:12 ပူးပေါင်းရင်းမြစ်များ

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:19

Chuongchun, inremna le insuksâwt tuona ding thilhai chu hnawt ei tiu.

1 KORINTH 12:31

Thilpêka ropuitakhai chu châk hle lem ro. Chun, tuhin kawng ṭha nâwk zuol inentir ka ti cheu.

1 KORINTH 12:7

Chun, ṭhathnempui tlâng seng dingin Thlarau inhriettirna chu mi tin kuomah pêk seng a nih.

1 KORINTH 14:1

Hmangaina hi hnawt pei unla, Thlarau tieng thilpêk chu châk hle ro; amiruokchu, thu in hril theina ding lem chun châk bîk ro.

1 KORINTH 14:13

Chuleiin, ṭawng hrietlova thu hril chun, a hrilfie theina dingin ṭawngṭai raw se.

1 KORINTH 14:26

Unauhai, iengtin am ni tâng a ta? In hung inkhâwmin inpâkna hla amanih, thu inchûktirna amanih, inhriettirna amanih, ṭawng hrietlo amanih, hrilfiena amanih in nei seng hlak. Iengkim siem ṭhatna dingin thaw ni raw se.

1 KORINTH 14:5

Chun, in rênga ṭawng hrietlohaia thu in hril ka nuompui cheu; nisienlakhawm, thu in hril ka nuompui nâwk zuol cheu a nih; kohranin insiemṭhatna an hmu theina dingin a hrilfie nâwk nghâl naw chun, thu hriltu chu ṭawng hrietlova thu hriltu nêk chun a ropui lem hrim hrim a nih.

TITA 2:14

Ama chun bawsietna po poa inthawka a mîn tlan theina dingin le, chi thlang bîk, thil ṭha thawa ṭhahnemngaia, ama ta dinga a sukthieng theina dingin ei aiin ân pêk kha.