1 KORINTH 14:1 - Pathien Lekhabu Inthieng (BSI)

¹ Hmangaina hi hnawt pei unla, Thlarau tieng thilpêk chu châk hle ro; amiruokchu, thu in hril theina ding lem chun châk bîk ro.

1 KORINTH 14:1 ပူးပေါင်းရင်းမြစ်များ

THUVARHAI 15:9

Mi khawhlo lampui chu Lalpa ta dingin tirdakum a na, Felna hnawttu ruok chu a hmangai hlak.

THUVARHAI 21:21

Zângaina le felna hnawttu chun, Hringna, felna le inzâkaina a hmu hlak.

ISAI 51:1

Felna hnawttuhai, Lalpa zawngtuhai, ka thu hi lo ngai ta u; nangni sutna lungpui tieng le khursûnga nangni cho suokna khur tieng kha en ta u.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:6

Lunginsietna ei kuoma pêk ang sengin thilthlâwnpêk hi a tum tum ei nei seng a, thu hril ding a ni chun, ei ringna phutâwk peiin hril ei tiu;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:19

Chuongchun, inremna le insuksâwt tuona ding thilhai chu hnawt ei tiu.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:30

Ieng am hril tâng ei ta? Jentail, felna hnawt nawhai chun felna an lo phâk tah a nih ringna leia felna chu.

1 KORINTH 12:1

Chun, unauhai, thlarau tieng thilpêk thuhai chu in hriet naw ka nuom nawh.

1 KORINTH 12:31

Thilpêka ropuitakhai chu châk hle lem ro. Chun, tuhin kawng ṭha nâwk zuol inentir ka ti cheu.

1 KORINTH 13:13

Chuongchun, hienghai pathum, ringna dâm, beiseina dâm, hmangaina dâm hi um zing a tih; chun, a hi poa a ropuitak chu hmangaina hi a nih.

1 KORINTH 13:2

Chun, thu hril theina neiin, thurûk po po le hrietna po po hre vawng lang khawm, tlâng sawn theina khawp hiel ringna famkim nei lang khawm, hmangaina ka nei si naw chun iengkhawm ni naw ning.

1 KORINTH 14:22

Chuleiin, ṭawng hrietlohai hi awihai ta ding chun inchikna a ni naw a, awinawhai ta ding a ni lem; thu hril ruok hi chu, awinawhai ta dingin inchikna a ni naw a, awihai ta dingin a ni lem.

1 KORINTH 14:37

Tûkhawm thu hriltu amanih, thlarau mi amanih nia ân ngai chun in kuoma thu ka ziek hi Lalpa thupêk a ni ti lo hre raw se.

1 KORINTH 14:39

Chuleiin, ka unauhai, thu hril hi inhâwk hle unla, ṭawng hrietlohaia thu hril khawm khap naw ro;

1 KORINTH 16:14

In thaw taphawt chu hmangainaa thaw ni raw se.

EPHESI 1:3

Ei Lalpa Isu Krista Pathien le Pa chu inpâkin um raw se. Ama chun vân hmunhaia thlarau tieng malsâwmpêkna tinrêngin Kristaa chun mal a mi sâwm a.

1 THESSALONIKA 5:20

Thu hrilhai hmusit naw ro;

1 TIMOTHE 4:14

Nangmaa um, thilpêk hril lâwk ta anga, upahai kut innghata, Pathienin ân neitir che kha thlathlam naw.

1 TIMOTHE 5:10

thil ṭha thaw kawnga mi inpâka um tah, nauhai lo châwm tlei taa, mikhuolhai lo intlungtir taa, mi inthienghai ke lo sâwp taa; lunginzînghai lo sawmdâwl taa, thil ṭha tinrêng taimataka a lo thaw ta phawt chun.

1 TIMOTHE 6:11

Nisienlakhawm, nang Pathien mi, chuong thilhai chu tlânsan la, felna dâm, Pathien ngaisakna dâm, ringna dâm, hmangaina dâm, dawtheina dâm, thuhnuoirawlna dâm hnawt pei rawh.

2 TIMOTHE 2:22

Nisienlakhawm, tleirâwl châknahai chu tlânsan la, lungril inthienga Lalpa lam taphawthai kuoma chun felna dâm, ringna dâm, hmangaina dâm, inremna dâm hnawt ve rawh.

HEBRAIHAI 12:14

Mi po po le inremna le inthiengna hnawt ro, chu inthiengna naw chun tukhawmin Lalpa hmu naw ni hai.

2 PETER 1:7

in Pathien ngaisaknaa chun unau laka ngilneina, in unau laka ngilneina chun hmangaina inṭhangtir ro.

3 JOHAN 1:11

Dittak, suol chu inchûk naw la, ṭhat chu inchûk lem rawh. Thil ṭha thawtu chu Pathiena inthawk a na, thil suol thawtu chun Pathien a hmu ngai nawh.

1 SAMUEL 10:5

Chu hnunga chun Philistin sipaihai umna Pathien tlâng chu va tlung i ta, chun, chutaka khuo i va tlung chun zâwlneihai perkhuong dâm, khuongtê dâm, theihle dâm, ṭingṭang dâm chawihai hma ṭhuoia bâwlhmuna inthawka hung thla intuokpui i ta; chun, thu hril duol duol an ta;