1 KORINTH 13:5 - Pathien Lekhabu Inthieng (BSI)

⁵ a châng mawinaw ngai naw a, mâni hma a siel naw a, a lunginsen nuom naw a, suol tiengah a ngaituo naw a,

1 KORINTH 13:5 ပူးပေါင်းရင်းမြစ်များ

2 SAMUEL 10:3

Nisienlakhawm, Ammon mi lusahairawi chun an lal Hanun kuoma chun, “David hin i pa ân za leiin i kuoma hin thlamuontu a hung tir niin i ring am a ni? David hin khawpui a hne theina dingin a siehlawhai khawpuia hin enthlatu le enfietu dingin a hung tir a ni lem naw am a nih?” an ta.

JOB LEKHABU (THE BOOK OF JOB) 21:27

Ngai ta u, in ngaituohai ka hriet deh Keima chunga indik nawtaka inngaituona remruotnahai le chun.

THUVARHAI 14:17

Lunginsen awltak chun invêttakin thaw rawp a ta, Chun, mi remruotna khawhlo neitu chu theida ni bawk a tih.

ISAI 3:5

Chun, mihai chu innêksâwrtuoin um an ta, mi tin an ruolhai leh, mi tin mâni tuolbâwmhai leh, naupang chu upa chungah chapotakin um an ta, mi setak khawm mi inzaumtak chungah chapotakin um bawk an tih.

JEREMIA 11:19

Nisienlakhawm, berâmte zainêm a thattu hmaa ṭhuoia um ang chu ka na, “Thing chu chutaka a ra le chun suksieng ei ta, ama chu mi hring rama inthawk chun tuthlâr ei ta, a hming chu hriet zing a ni nawna dingin,” tia, ka chunga thu phierrûk an phier khawm chu ka lo hriet naw a.

NAMBAR 12:3

Mosie chu hnuoi chunga mihriem po poa zainêm tak a na.

NAMBAR 16:15

Chuongchun, Mosie chu a lung a sen hle el ta a; Lalpa kuomah, “An thilinhlân chu pawm naw rawh, an sabengtung chu pakhat khawm ka lâk naw a, tukhawm ka sukna bawk nawh,” a ta.

NAMBAR 32:6

Chun, Mosie chun Gad mihai le Reuben mihai kuoma chun, “In unauhai chu indonaah fêng an ta, nangni chu hitaka hin in lo um el ding maw?

MATTHAI 5:22

kei ruok chun, tukhawm a unau chunga lunginsen taphawt chu rorêlna hmabâk zingin um a tih; chun tukhawm a unau kuoma, ‘Hmangnabopa’ ti taphawt chu rorêlna hmabâk zingin um a tih; chun tukhawm, ‘Invêtpa’ ti taphawt chu Hremhmun meia pei hmabâk zingin um a tih ti ka hril cheu hi.

MATTHAI 9:4

Isûn an ngaituohai chu a lo hriet a, “Iengdinga in lungrila suol in ngaituo am a na?

MARKA 3:5

Chun, an lungril ngar zie chu pawitipêk bêk bêkin, lungsen puma anni a en vêl hnungin, chu mipa kuoma chun, “I kut phar rawh,” a ta. Chun, a hang phar dawk a, a kut chu a dam ta a.

LUKA 7:39

Chun, a fieltu Pharisai chun a hmu chun, a lungrilin, “Hi mipa hi zâwlnei a ni chun a themtu nuhmei hi tu am a ni, mi ieng ang am a ni hre âwm tak, mi suol a ni si a,” a ta.

1 KORINTH 10:24

Tûkhawmin mâni ṭhatna ding zawng lovin mi dang ṭhatna ding zawng lem raw se.

1 KORINTH 10:33

Keiin mâni ta dinga ṭangkaina zawng lova sandam an ni theina dinga mi tamtak ta dinga ṭangkaina zawng lemin, mi po po iengkimah ka suklâwm ang tak hin.

1 KORINTH 11:18

A hmasatakin, kohran anga in inkhâwm chângin nangni lai inṭhena a um hlak ti thu ka lo hriet si a; iemani chenah ka ring deu bawk a nih.

1 KORINTH 12:25

taksaa hin inṭhena hrim um lova, pênghai hin inangtaka an inbuoipui tuo seng theina dingin.

1 KORINTH 7:36

Amiruokchu, tûkhawmin a nau nunghâk inthieng ân lêng sâwttir kawnga a sukdik naw a ân hriet chun, ama chu a vânglai a na, a ṭul bawk si chun a thaw nuom chu thaw raw se, thil a suksuol nawh, inneitir el raw se.

2 KORINTH 5:19

khânga, Pathienin Kristaa chun khawvêl hi ama le inremin a siem a, an bawsietnahai chu bawsietnaa ruot pêk lovin, inremna thu a mîn kawltir kha.

GALATI 5:13

Nangni, unauhai, suok ni lo dinga ko in ni si a; nisienlakhawm, suok in ni nawna chu tisa ta dinga remchângah hmang naw unla, hmangainain rawng inbâwl tuo pêk seng lem ro,

PHILIPPI 2:21

An rêngin Isu Krista thil zawng lovin, mâni thil an zawng hlak si a.

PHILIPPI 4:8

A tâwp taka chun, unauhai, ân dik taphawt dâm, ân zâum taphawt dâm, a fel taphawt dâm, ân thieng taphawt dâm, a ditum taphawt dâm, ân thang mawi taphawt dâm, ṭhatna hrim hrim a um a, inpâkna hrim hrim a um chun, chuong chu ngaituo ro.

2 THESSALONIKA 3:7

Nangni ngeiin in mîn chûk ding dân in hriet si a, nangni lai dân naw angin kan châng naw kha.

2 TIMOTHE 2:10

Chuleiin, Krista Isua um sandamna chu, chatuona ropuina leh an hmu ve theina dingin, thlanghai lei chun iengkim ka tuor hlak.

2 TIMOTHE 4:16

Ka thiemna thu ka hril hmasak ṭum chun tûkhawmin an mi ṭhangpui nawh, an mi thlathlam ta vawng lem a nih; a maw chu phurin um tâwl naw raw hai se.

JAKOB 1:19

Unau dittakhai, chuong chu in hriet; nisienlakhawm, mi tinin ngai inchu sienla, thu hril inchu lovin, lungril sukuoi raw se;