1 KORINTH 13:13 - Pathien Lekhabu Inthieng (BSI)

¹³ Chuongchun, hienghai pathum, ringna dâm, beiseina dâm, hmangaina dâm hi um zing a tih; chun, a hi poa a ropuitak chu hmangaina hi a nih.

1 KORINTH 13:13 ပူးပေါင်းရင်းမြစ်များ

INPÂKNA HLABU 146:5

Jakob Pathien ṭhangpuitua nei chu lâwmtakin a um hlak; Lalpa Pathiena beiseina neitu chu.

INPÂKNA HLABU 42:11

Aw ka hringna, iengdinga i kûn zing am? Iengdinga ka sûnga hin i buoi am a na? Pathien beisei rawh, ama chu ka lân pâk ding a ni si a. Ka hmêl sukmawitu le ka Pathien chu.

INPÂKNA HLABU 43:5

Aw ka hringna, iengdinga i kûn zing am? Iengdinga ka sûnga hin i buoi am a na? Pathien beisei rawh, ama chu ka lân pâk ding a ni si a. Ka hmêl sukmawitu le ka Pathien chu.

LUKA 10:27

Chun, ama chun, “ ‘Lalpa i Pathien chu i lungril po poin, i thlarau po poin, i hrâtna po poin, i lungvar po poin i hmangai ding a nih’; ‘Nangma în hmangai angin i vênghai khawm i hmangai ding a nih,’ ti hi,” a ta, a dawn a.

LUKA 22:32

nisienlakhawm, i ringna a bo nawna dingin ka ṭawngṭaipêk che a nih, i ngha kîr nâwk pha nangin i unauhai sukdet rawh,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:13

Thlarau Inthieng thilthawtheina zâra beiseina in hau theina dingin Beiseina Pathien chun ring leia lâwmna le inremna tinrêngin suksip raw se cheu.

1 KORINTH 14:1

Hmangaina hi hnawt pei unla, Thlarau tieng thilpêk chu châk hle ro; amiruokchu, thu in hril theina ding lem chun châk bîk ro.

1 KORINTH 16:14

In thaw taphawt chu hmangainaa thaw ni raw se.

1 KORINTH 3:14

Tû sinthaw khawm a chunga a bâwl chu a um zing chun, ama chun lâwmman hmûng a tih.

1 KORINTH 8:1

Chun, milimhai kuoma inthâwina thilhai thu kha chu: Ei rêngin hrietna ei nei seng ti ei inhriet a. Hrietna hin chu mi a sukuong hlak a, lunginsietna ruok chun mi a siem ṭha hlak.

1 KORINTH 8:3

amiruokchu, mi tûkhawmin Pathien a hmangai chun, chu ngei chu ama ihriet a nih.

2 KORINTH 5:10

Mi tinin taksaa ei thilthawhai a sie a ṭhaa ei thaw ang peia ei hmu seng theina dingin, Krista rorêlna ṭhungpha hmaa chun suklangin ei um vawng ding a ni si a.

2 KORINTH 5:15

Chun, a hringhai chu anni ta dinga hring ni ta lova, an thi aia thia thonâwk ta ding chun an hring ta lemna dingin a nih, mi po po aia a thi chu.

GALATI 5:6

Krista Isua chun sertan iengkhawm a ṭhahnem naw a, sertannaw khawm iengkhawm a ṭhahnem chuong nawh, ringna hmangainaa thaw ruok chu a ṭhahnem a nih.

PHILIPPI 1:9

In hmangaina chun hriet famkimna le bengvârna tinrêng a hau nâwk zuolna dingin ka ṭawngṭai hlak hi;

KOLOSSA 1:27

Chuonghai kuoma chun Jentailhai lai chu thurûk ropuina hauzie chu Pathienin inhriettir a nuom hrim a nih: chu thurûk chu Krista nangnia um ropuina beisei san chu a nih.

KOLOSSA 1:5

vâna in ta dinga beiseina siepêka in um leiin a ni a; Chanchin Ṭha thutak thua in lo hriet ta lei khan a nih.

KOLOSSA 3:14

Chun, chuong po po chunga chun hmangaina inbel ro, chu chu khuop famkimna a nih.

1 THESSALONIKA 1:3

Ei Pathien le Pa hmaa ringna leia in sin thawzie dâm, hmangaina leia in sin inrimzie dâm, ei Lalpa Isu Krista beisei leia in selzie dâm kha theinghil lova hre zingin.

1 THESSALONIKA 5:8

Nisienlakhawm, eini chu nia mi ei ni lei hin, ringna le hmangaina âwmphaw chu hâkin, sandamna beiseina chu lukhuma hmangin ngaiven lem ei tiu.

1 TIMOTHE 1:5

Nisienlakhawm, kâwkna san chu lungril inthieng le, sie le ṭha hrietna inthieng le, ringna taktaka inthawka hung suok hmangaina chu an nei theina dingin a nih;

2 TIMOTHE 1:7

Pathienin ṭitna thlarau a mi pêk naw a, thilthawtheina le hmangaina le lungril feltak neina thlarau a mi pêk lem a ni si a.

HEBRAIHAI 10:35

Chuongchun, in ringna lâwmman pêk nasatak nei ding chu peihâwn naw ro,

HEBRAIHAI 10:39

Nisienlakhawm, eini chu bohmang dinga hnungtawl pâwla mi ei ni naw a, hringna humhim dinga ringna nei pâwla mi ei ni lem.

HEBRAIHAI 6:11

Chun, in beiseina chu a famkima hmu dingin a tâwp chenin in ṭhahnemngaina pângngai insuo pei unla kan ti bêk bêk a nih.

HEBRAIHAI 6:19

Chu beiseina chu thlarau ta dinga thîrchakai angin him le dettakin ei nei a nih. Chu chu puonzâr hliea hmun thienghlimah chun a lût a,

1 PETER 1:21

ama leiin mithi laia inthawka a keithotu le a ropuina petu Pathien ringtuhai in na, in ringna le in beiseina chu Pathiena a um theina dingin.

1 JOHAN 2:10

Mâni unau hmangaitu chu vara chun a um zing a, amaa chun tlûkna hrim a um nawh.

1 JOHAN 2:14

Nauhai, Pa chu in hriet leiin in kuomah ka ziek a ni kha. Pahai, ama a tîra inthawka um zing chu in hriet leiin in kuomah ka ziek a ni kha. Ruoltharhai, in hrât a, Pathien thu nangniah a um zing a, mi suol chu in hne tâk leiin in kuomah ka ziek a ni kha.

1 JOHAN 2:24

Nangni chun chu, a tira inthawka in hriet kha, nangniah inumtir zing ro. Chu a tîra inthawka in hriet chu nangniah a um zing chun, nangni khawm Naupaa le Paa chun um zing in tih.

1 JOHAN 3:3

Tûkhawm ama chunga chu beiseina nei taphawt chu ama ân thieng angin ân sukthieng hlak.

1 JOHAN 3:9

Tûkhawm Pathien inei chun, Pathien chi amaa a um leiin suol a thaw zawm zing ngai nawh, Pathien inei a ni lein suol a thaw zawm zing thei bawk nawh.