1 KORINTH 13:12 - Pathien Lekhabu Inthieng (BSI)

¹² Tuhin chu hlimenah ei hmu rei ruoi a nih, chu chu pha ruok chun inhmatuoin ni tâng a tih. Tuhin chu a kim lovin ei hriet a, chu pha ruok chun hriet kim ka ni ang bawk hin hre kim tâng ka tih.

1 KORINTH 13:12 ပူးပေါင်းရင်းမြစ်များ

INṬANNA 32:30

Chun, Jakobin chu hmun hminga chun Peniel ân bûk a, “Pathien chu a hmaihma ngeiah ka hmua chu ka hringna hi hla a ni si a,” tiin.

JOB LEKHABU (THE BOOK OF JOB) 19:26

Chuong anga ka vun chena sukbohmang a ni hnung khawm chun, Ka taksa ngei chun Pathien chu la hmûng ka tih.

JOB LEKHABU (THE BOOK OF JOB) 36:26

Ngai ta, Pathien chu a ropui a, ama chu ei hriet naw a nih; A kum tamzie khawm chu zawng suok ruollo a nih.

FESUOKNA 33:11

Lalpa chun Mosie chu inhmatuoin, miin a ruol a biek angtakin a biek hlak a. Chun, Mosie chu riebûk tieng a kîr nâwk a, a rawngbâwltu Joshua, Nun naupa, tlangvâl ruok chun puon in chu a mâksan nawh.

EZEKIEL 17:2

“Mihriem naupa, thukhirkhân sie suok la, Israel sûngkuohai kuoma chun tekhithu hril rawh;

NAMBAR 12:8

ama le chun chu thurûk um lovin bauin tlangtakin inbieng kan ta; Lalpa hmêl khawm hmûng a tih. Chuleiin, ka siehlaw Mosie hi iengtiziea hrilse ngam am in ni leh?” a lo ti a.

MATTHAI 18:10

“Hieng mi chîn laia pakhat khawm hi hmusit naw dingin fîmkhur ro; an vântirkohaiin vânah ka Pa vâna mi hmêl an hmu rawp hlak ti ka hril cheu hi,”

MATTHAI 5:8

“Lungrila inthienghai chu an hamṭha; Pathien an la hmu ding a ni si a.

JOHAN 10:15

Pain a mi hriet a, kei khawmin Pa ka hriet ang hin; chun, berâmhai ta ding chun ka hringna ka pêk.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:18

Tulaia tuornahai hi ei chunga ropuina suklanga la um ding le chun hrilkhi khawpa ka ngai si naw a.

1 KORINTH 13:11

Ka naupang laiin naupang angin ka ṭawng a, naupang hrietin ka hriet a, naupang ngaituo angin ka ngaituo hlak; tuta ka hung puitling hnung hin naupang thaw dân chu ka bân tah.

1 KORINTH 8:3

amiruokchu, mi tûkhawmin Pathien a hmangai chun, chu ngei chu ama ihriet a nih.

2 KORINTH 3:18

Chuongchun, keini chu kan rêngin hmai inkhum lovin, hlimen anga Lalpa ropuina sunvarin, ropuinaa inthawka ropui peiin, chu angpui ngeia um dingin, sukdanglamin kan um hlak, Lalpaa (Thlaraua) inthawka kan hmu ang peiin.

2 KORINTH 5:7

(hmutheia fe lovin, ringnain ei fe lem si a);

PHILIPPI 3:12

Hmu ta zing inti ka ni naw a, famkim ta zing inti khawm ka ni bawk nawh, “Krista mi manna san chu ka man thei duoiin,” tiin a hnawtin ka hnawt lem a nih. Unauhai, manah ka lân ngai nawh.

JAKOB 1:23

Tûkhawm thu ngaitu nia, zâwmtu ni si lo chu, mi hlimenah a hmai pienpui nguntaka inen ang chu a nih.

1 JOHAN 3:2

Dittakhai, tuhin Pathien nauhai ei na, iengtin am ei um ding ti chu a lân lang hri naw a; ama a hung inlang pha chun ama angin ei um ding a nih ti chu ei hriet, ama chu a um pângngai angtakin ei hmu ding a ni si a.

THUPUONGSUO 22:4

a hmêl hmûng an ta, a hming chu an bâwkah chuong bawk a tih.